نادى نقابة الاطباء بالجيزة --- لامؤاخذه

**lonedoctor** · 22-04-2012 06:37 PM

اخوانى الاعزاء بالمنتدى
كنت فى زيارة قصيرة الى مصر فى الاسبوع الماضى نظرا لوفاة الوالد رحمه الله رحمة واسعة حيث اننى اعمل طبيب بالمملكة السعودية منذ حوالى 12 سنة وقبل سفرى بيومين (الخميس الماضى)طلب الاولاد منى ان نخرج ليلا لنجلس فى اى مكان مفتوح يشموا هوا فكنت اعرف ان هناك نادى للاطباء على النيل بشارع البحر الاعظم وانا ساكن فى المعادى فى صقر قريش يعنى عن طريق الدائرى ربع ساعة اكون هناك المهم اخدت الاولاد وذهبت الى هناك وليتنى ما فعلت منذ دخولى للحظة الاولى وجدت مجموعة من البلطجية مسؤلين عن ادارة المكان من اول البوابة وطالع واللى واخد مطوة فى وشه مثلا ده طبعا غير اللى واقف بره على الرصيف وفارض سيطرته على اماكن الباركنج فرده والمصيبة انى وجدت المكان حولوه الى صالة افراح وكان فيه فرح والمعازيم مستوليين على معظم الكراسى ده غير الدى جى والازعاج الرهيب وكل ده كوم والشئ المبتذل الاقرب الى مقلب الزبالة الذى يطلق عليه نادى الاطباء ده المفروض يكون نادى الزبالين مع كل الاحترام والاعتذار ليهم طبعا --نفسى اعرف نقابة البلطجية التى تسمى مجازا الاطباء دى بياخدوا الاشتراكات من الاعضاء اللى زى حالتنا والتى تتعدى الملايين سنويا يعملوا بيها ايه وايه الخدمات التى عادت علينا منها؟
حسبى الله ونعم الوكيل واترككم مع الصور الجميلة التى توضح المستوى الراقى لقاعة الافراح التى يطلق عليها مجازا نادى الاطباء

**lonedoctor** · 22-04-2012 06:41 PM

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

**lonedoctor** · 22-04-2012 06:45 PM

[IMG][/IMG]

[IMG][/IMG]

**TARAXAN** · 22-04-2012 08:17 PM

الفلوس كلها بيوزعوها علي بعض تحت مسميات مساعدات الصومال وغزة وغيرة وممكن موزمبيق انا فعلا مش عارف دي نقابة اطباء ولا اد

**lonedoctor** · 22-04-2012 08:25 PM

انا شايف انه الاطباء فى مصر هم اولى الناس بالمساعدات يعنى كده حالهم موش اقل من موزمبيق وغزة؟
هل تعلم ان راتب الطبيب فى قطاع غزة كبير جدا واظن انه يتعدى الالفين دولار
ربنا يرحمنا برحمته

**ahmed_mido1889** · 22-04-2012 09:51 PM

عادي يا باشا انا كنت يوم الجمعه في نادي نقابه المهندسين

في البحر الاعظم....... مزبله

وركنت قدام باب النادي علطول لاقيت واحد بيقول الركنه ب5 جنيه قولتله يا مسهل وانا خارج بقي

جيت بعد ما خرجت كان معايا عربيه تانيه بتاعت صاحبي

وقفت للراجل وصاحبي كان قافلي الطريق علشان اطلع

اديتله 2 جنيه وقولتله حساب العربيتين
وجيب الدواسه في الارض وكنا في اخر الشارع :)