الموضوع: التحرش ......

بسم الله الرحمن الرحيم

السلام عليكم

الواحد مننا بقى بيشوف التحرش بقى شىء عادى من كتر ما بيحصل أو بيشوفه أو بيسمع عنه من الأخبار حتى.

لدرجة أن المواطن أصبح عنده لامبالاة

بحكم أنى طالب فى الجامعة بسمع جملة غريبة جدا من أصحابى (يا عم دى بتنبسط من المعاكسة) (دى بتفرح) (خلينا نرفع معنويتها)

!!!!!!!!!!!!!!!!!!!!!!!!!!!!!

أكلم أصحابى بلاش كدة عندكم أخوات يكون الرد (لا يا عم أنا أختى محترمة) !!!!!!!!

أنا كل يوم و أنا ماشى بشوف تحرشات بالنظرة و التفحيص

بيكونوا شباب و ناس كبيرة وناس عواجيز!!!

طب أيه السبب؟؟؟

من وجهة نظرى المتواضعة

فى أسباب كثيرة جدا منها

1- الجهل و عدم التوعية و عدم وجود وازع دينى

2- الأهل اللى بيبيعوا بنتهم مش بيشتروا رجل (بإعتبار تأخر سن الجواز للطرفين سبب من الأسباب)

3- الأهل اللى ربوا الولد أنوا هو الأساس و البنت مجرد ...... شىء

4- اللبس (من وجهة نظرهم) و ده مش مبرر على الإطلاق علشان التحرش دلوقتى بقى لأى حد بمجرد أنها أنثى بصرف النظر عن الشكل أو اللون أو اللبس ...إلخ

5- الراجل المتجوز اللى بيبص و فى أيده الحلال لكن مصمم على النظر إلى الحرام ؛ طب ليه بيبص طالما متجوز (علشان من وجهة نظرى زوجته مش مهتمة بيه) و ده مش مبرر أنه يبص على بنات الناس.

6- الأفلام اللى و لا ليها قصة و لا مضمون ولا هدف و لا أى حاجة

7- الولد اللى فاكر نفسه كده بطل (أعتقد أن الحساب هيكون عسير عند ربنا و الله أعلم ممكن يكون تحت بند قذف المحصنة و أعتقد أنها من الكبائر)

8- البنت الملفتة للنظر و أقصد هنا الهدوم الضيقة جدا لدرجة إظهار تفاصيل الجسد بمعنى الكلمة إلخ

9- الستات الكبيرة و تقول للبنت (لمى الموضوع و بلاش تفضحى نفسك)!!!

10- المجتمع اللى بيشوف التحرش و يسكت و يوم لما يتكلم يطلع الغلط على الطرف المظلوم المغتصب حقوقه (الأنثى) أنها (إزاى ترد عليه)!!!! أو (متقضحيش نفسك !!!!!!) يعنى هو كده متفضحش و معملش حاجة غلط

11- أسباب كتيرة و تقع كلها على كل أفراد المجتمع

يا ريت أعرف رأيكم و نحاول نشوف حلول مع بعض