الموضوع: مشكله سخيفه كتير

الحاكيه بدائت لما نفسى هفتنى على ساندوتش فول من عند عمو بيبو
كان يوم سبت البعد العيد الصغبر الفات على طول قولت انزل افطر كانت الساعه 7 الصبح
المهم ماشى رايح عند بيبو لقيت بنت متجبش 3 ثانوى ماشيه فى الشارع غلبا رايحه النادى
المهم حظها الاسود كان فيه حوالى 7 شباب واقفين عند كشك بيشربو بيبسى و هى عادت من قدامهم
و ابتدت كل قلت الادب ال فى الدنيا
ابنتدو يمشو وراها الكام ده على فكره فى شارع متفرع من ورا اسم النزهه على فكره الحاته دى امان جدا (او كانت امان) و طبعا ابتدت قلت الادب معاكسه بالفاظ قزره و البنت اصلن و الله طفله لاكن جسمها بيقول انها 25 سنه مثلا لاكن وشها طفولى جدا
المهم انا ماشى قولت دلوقتى يزهقو
لاكن لقلتهم مكملين و واحد فيهم ابتدى يمد ايدو الكلام ده فى نص الشارع
انا شوفت كده الرجوله خدتنى
يا رجاله عيب مينفعش كده اعتبرها اختك و الجو ده
شتمونى انا كان كل همى اخليهم يتلهو فيا لحد ما البنت تجرى و بعد كده انا هجرى منهم اصلى مش هضرب 7 يعنى
المهم شتمونى و قلولى انتا مال اهلك و جو ده
طبعا راديت المهم مسك فيها واحد فيهم من الرجاله المنفوخه دى ديكا و دنابول و حاجه اخر قورمه
انا قولت ده لو اتخانق معيا هنخرج انا و هو بعاها مستديمه فاقولت مشتمش ده
طبعا اتلمو عليا و روقونى كلت علقه حلوه حلوه يعنى بس المنفوخ الفيهم ده الوحيد الضربتو تطلع منفوخ هواء خيش و قش
كان اسمو رامى عذاب و التناى اسمو vandam اكيد طبعا انتو متخيلين انا حصل فيا ايه
طبعا البت راحت مصوته و حدقت الواد بطوبه و جريت طبعا الواد اتعور
راح ضربنى انا
يا سيتى بتحدفيه ليه مكان زهق و هيسبنى و بمشى غباء بعيد عنكو
كل و الناس تعدى تلقينى بضرب تتفرج شويه و تمشى
المهم بعد ما البينت جريت و انا عرفت افك منهم بعد مكسرو عضمى
البنت لقيتها وقفالى على اول الشارع و انا اسفه و مش عارف ايه و انا تحت امرك و الكلام ده قولتها روحى و متنزليش لوحدك تانى قالتلى هات نمرت موبك اطمن عليك ادتهلها (غلطه عمرى )
و روحت عملت شويه اسعفات اوليه كده
و قولت نجيب حقنا بقا
لميت الرجاله و روحنا فى نص نقل خلينا رامى عذاب بقا سوسن ما علينا بس لا تتخيلو التعمل مع العيال دى اصل اخوكو غلبان اه بس شرانى
كده الحاكيه خلصت لا لسه مخلصتش يا جماعه دى لسه هتبتدى
طبعا تانى يوم لقيت البنت بتتصل و عامل ايه و اخبارك ايه و كولو تمام
تالت يوم اتصلت تانى قولت البنت صاحبه واجب
رابع يوم صبح و بليل قولت مفيش مشكله بعد كده جابت الفيس بوك نفسى اعرف عرفتو ازاى
و بقت تكلمنى عليه
و الله والله بكلمها ز بقصر معاها و قولت انا خاطب و عيب اكلمها فا بقيت اتجاهلها
بعد كده لقيتها بتقولى عيرزاك فى موضوع حياه او موت قبلنى عند نادى هليوبلس روحت لقتها فى العربيه بتعتاه
و لقتها بتقولى انا بحبك
اعتقد طبعا كل الرجاله عرفه احساس ان بنت هى التيجى تقولك كده و خصوصا ان البنت ملهاش حل
قولتلها و انا بحبك بس زى اختى
قعدت تعيط
يا سيتى يهديكى يرضيكى
انا خاطب و دى قلتلى سبنى انا حيك و مش مهم انتا تحبنى
يا دى النيله
على فكره ناس هتقولى منتا السمحتلها يا جماعه واحده بتعيط و بتستغيث بيا
ناس هتقولى منتا الفتحتلها و خلتها وصلت لكده و الله العظيم مكنت بتعامل معاها اكتر من الزوء
قولنلها يا سيتى انتى مش بيتحبينى انتا بس معجبه بيا علشان دفاعت عنك و كلت علقه قدامك
بكره ربنا يكرمك بواحد تجوزيه و تحبيه تقولى انات قاسى اوى

على فكره الموقف ده عايز راجل حديدى و الله العظيم عايز واحد دايس على قلبو دبابه
لان عياط و نحنحه وواحده لا تقاوم
بس ربنا ثبتنى والله العظيم و لحد دلوقتى انا فى الموال ده
هتقولى غير نمرت تلفونك طيب و الشغل و الناس و خصوصا ان النمره دى معيا من 10 سنين
عتقولى متردش هقولك دى ممكن ترن 30 مره فى الساعه
كل ده كوم و خطيبتى لو عرفت و لا شمت خبر ساعتها هتكون ليله
و انا مليش فى الكدب و بتحط فى مواقف زفت و بضطر اكدب ة ربنا سترها كتير بس كده مش هينفع
و الانسان بجد ضعيف لان ممكن اكون انا مختلف مع خطيبتيى سعتها بكون زعلان
تخيل حجم المقاومه هى ماشيه بستر ربنا
اعمل ايه بس من غير مجرحها و فى نفس الوقت اخليها تكمل حيتها اكنى مدخلتش فيها
و تشوف واحد يخطبها و لا يجوزها انا مش عارف واحده زى دى متخطبش لحد دلوقتى ليه اصلن
اعمل ايه الموضوع فى غايه القلق و الله