الموضوع: اللعنة على خدمة عملاء اتصالات .. (جاري تحديث البيانات)

خدمة عملاء اتصالات بقت سيئة لأبعد الحدود..

وخدمات الشركة نفسها بقت مش مقبولة نهائي..


دا نص المشكلة.. وللاسف كمان الخادم مشغول ، الرجاء المتابعة لاحقا.. (يعني ولا اكننا في محل بقالة مش شركة محترمة)


السادة الكرام..

برجاء التكرم بالرد في الموضوعين التاليين حيث انني سئمت من التحدث لخدمة العملاء التي لا اظن انها ترقى بأي حال من الأحوال لشركة المفروض انها عريقة مثل شركتكم..

أولا: خط داتا رقم 023 ××××0114

خدمة الاستفسار عن الرصيد لا تعمل ورد الخدمة يكون sorry the service is not available..

وكمان الرصيد غير مضبوط من آخر مرة تم الشحن فيها 19 فبراير 2012 وكان الرصيد المتبقى هو 3.95 والآن هو 2.93 دون سبب واضح من خدمة العملاء وكمان الباقة اتحولت من غير ما اطلب تحويلها.. والرد الإفتراضي من خدمة محل البقالة هو جاري تحديث البيانات..

وعند الاتصال بخدمة العملاء تم عمل الشكوى ولا حياة لمن تنادي.. أو جاري تحديث البيانات..


ثانيا: خط مكالمات رقم 75 ××××××011

النظام هو 14 قرش بجد.. وللاسف شكله هزار مش جد.. حيث ان الدقيقة المفترض تكون 60 ثانية ومع ذلك عند 58 ثانية يتم خصم 28 قرش (يعني الحساب على دقيقتين).. وكانت المشكلة من قبل على نظام اهلا بالثانية فكانت ال 5 ثوان مثلا.. حسابها كإنها 7 ثوان وليس 5.. وعند الاتصال بخدمة العملاء.. الرد التلقائي.. جاري تحديث البيانات..


بصراحة الشركة بقا نظامها سيء جدا جدا جدا جدا جدا.. وخدمة العملاء بأكملها دون المستوى وياريت يتم تغيير الردود البايخة امثال جاري تحديث البيانات.. فمن غير الممكن ان تحدث الشركة بياناتها 24 ساعة في ال 24 ساعة.. مستحيل يعني..


ملحوظة1: نفس الشيء والشكوى لبعض الزملاء في العمل.. والجميع اجمع على سوء الخدمات من الشبكة الموقرة واتفقوا على التحويل..

ملحوظة2: كان من المفترض الاتصال لخدمة ADSL من شركتكم ، لكن نظرا لخدمة العملاء السيئة.. فتم التعاقد مع شركة فودافون !

اتمنى الإهتمام بالرد.. وإلا فسوف اقوم بعمل تحويل لشركة اخرى محترمة وتحترم عملائها..




وللأسف لم اتمكن من ارسالها.. حيث يظهر لي الخادم مشغول (تحديث بيانات بس بشكل تاني)


حد عنده حل في محل البقالة دا (شركة اتصالات سابقا) ؟؟

يمكن في ابديت للسيرفر و لا حاجه
جرب تاني بكره