نصب فى بيع عمارات بالغردقه

**abokoko** · 24-04-2012 05:10 PM

تم حجز 3 شقق لاختى واخى فى احدى المشروعات الخاصة ببيع الشقق بالغردقه
ومفروض ميعاد التسليم 8/2012 ولانها حتى الان لم تقم باضافة عامود واحد حتى للمرحله
ال2 المتعاقد عليها - بدانا السؤال
وتبين وجود قضيه وحكم فى نهايه مارس بعدم احقيه ارض المشروع للشركة وتليمها للمدعى
وذهبت معهم للشركة للسؤال عن استرداد اموالنا
وبوجود شخص من المرحلة الاولى اعاد الشقه واخبرنا انهم اعطوه شيكات وكلها عليها رفض
من البنك لعدم وجود رصيد
ومحامى الشركة افاد بان الشركة متعثره
وكلام عن التسليم فى 12/2012 -- طبعا واضح انه عايز يكسب وقت
وعن الاسترداد افاد بانه سيكون عن طريق اقساط زى السداد
والشخص الموجود قال مش هتطولوا منهم حاجه
باختصار - الحكايه بالنتسبه لنا نصب فى نصب

المطلوب
نعمل ايه
طبعا بدا من الان سنتوقف عن سداد الاقساط
لكن الخطوات القانونيه اللى ترجع لنا نقودنا
تكون ازاى

**Screenplays** · 24-04-2012 07:56 PM

ابويا برضه رايح دفع زي الزبون مقدم شقه ليا في مشروع

و المشروع قاعد يتأجل يتأجل لحد ما سحبت الفلوس و اديتهاله

و عملي مشكله بس انا عملت كده عشان مبقاش في موقفك

انت تروح الشركه و تقولهم انا عايز انهي التعاقد و عايز فلوسي

**abokoko** · 24-04-2012 11:30 PM

المشاركة الأصلية كتبت بواسطة screenplays

ابويا برضه رايح دفع زي الزبون مقدم شقه ليا في مشروع

و المشروع قاعد يتأجل يتأجل لحد ما سحبت الفلوس و اديتهاله

و عملي مشكله بس انا عملت كده عشان مبقاش في موقفك

انت تروح الشركه و تقولهم انا عايز انهي التعاقد و عايز فلوسي

مش بالبساطه دى
الشركة معترفه انهم متعثريين وبيطلبوا الصبر عليهم وبيدوا ميعاد 12/2012م
وبيقولوا رد الفلوس بطريقه سدادها يعنى دفعه فى الاول ومش هتكون كمان كاملة واقساط شهريه الله اعلى بيها
انا عايز التصرفات القانونيه اللى اتبعها خطوه بخطوه

**AshTurbo** · 25-04-2012 06:20 AM

روح وهددهم بفضح أمرهم وبعمل محضر ونشر أسم الشركة على الأنترنت وبالتالي هيخافوا لتفتح عيون باقي الناس اللي أشتروا ويرجعولك فلوسك بأذن الله ..... بعد ماتاخد فلوسك نفذ تهديدك وأفضحهم لو أتضح أنهم نصابين بجد .

**abokoko** · 25-04-2012 12:05 PM

المشاركة الأصلية كتبت بواسطة ashturbo

روح وهددهم بفضح أمرهم وبعمل محضر ونشر أسم الشركة على الأنترنت وبالتالي هيخافوا لتفتح عيون باقي الناس اللي أشتروا ويرجعولك فلوسك بأذن الله ..... بعد ماتاخد فلوسك نفذ تهديدك وأفضحهم لو أتضح أنهم نصابين بجد .

صدقنى ههدنا وقلنا هنلم بعضنا احنا المتضررين ونرفع قضيه وقلنا هنفضحهم ووو
لكن هما مقريين بالواقع وبيقولوا احنا متعثرين يعنى مفيش فلوس

**Ahmed_Ramadan** · 25-04-2012 12:14 PM

طيب ما تقول اسم الشركة علشان الناس تاخد حذرها

**hossam_elwani** · 25-04-2012 12:34 PM

العبره من الحكايه دى انك ماتدفع فلوس اى عقار الا وانت واخد المفتاح فى جيبك وحاطط رجلك فيه بأى عفش واثبات حاله

لكن موضوع النصب الى ماشى فى مصر ده مدينة الاحلام وجنة الله فى الارض وفى الاخر تاخد صابونه ماعدش ينفع

انا فاكر موضوع حى محرم باشا فى اسكندريه اعلنه عنه سنة 2000 وقلو التسليم بعد سنتين يعنى سنة 2002 او 2003 بكتيره لكن احجز بس انت وادفع على اقساط وحجات من الهجص ده

ولحد النهارده ماتسلمتش وعليها مشاكل يعنى بعد عشر سنين

انت عايز محامى لبط يمشى معاك فى الاجراءات

**abokoko** · 25-04-2012 12:45 PM

Hegaz Misr Group_Index

وال منطقه اللى عليها الخلاف هى ابراج زهرة الحجاز شارع الحجاز

**abokoko** · 25-04-2012 01:00 PM

طاب سؤال ايه اللى يثبت انهم نصابين لحد دلوقتى ؟؟؟؟
بالنسبة لنا
بعد مرور اكثر من سنة لم نرى رفع ولو عامود واحد فى الموقع
والتليم مفروض فى شهر اغسطس
والموقع على حاله من 2008 حسب ما عرفنا
و رد الفلوس - حسب كلام استاذ وليد المحامى هيكون بنفس طريقه السداد
ولما سالناه عن الدفعه الاولانيه - قال - ما اعتقدش
واكد الكلام - الاستاذ\ شريف اللى واخد رفض على شيكاته

ازاى نحول الكلام ده لاثبات النصب
وازاى نمشي فى اجرارءات استرداد النقود
؟؟؟؟

ايه هى الخطوات القانونيه

**Screenplays** · 25-04-2012 10:39 PM

يعني ايه متعثرين ؟ الفلوس اللي لموها من الناس راحت فيهم و هما اصلا مشتروش سيخ حديد ؟ دول نصابين وش و هما بيقولوا متعثرين عشان يماطلوا و يشتروا وقت

اطلع بالعقود بتاعتك علي اي محامي محترم و شوف هيقولك ايه