الموضوع: صيانة 65000 للصني باوتو ايجبت (اخر صيانه تحت الضمان)

بسم الله الرحمن الرحيم

تم بحمد الله اتمام صيانة ال65000 امس الاثنين في توكيل اوتو ايجبت ابو رواش
وكان في الاستقبال المهندس اسلام غازي اللي بوجهله كل التحيه والشكر علي زوقه معايه
طلع معايه المهندس طبعا بعد ماخد بيانات العربيه وعرف العربيه من نايل موتورز وان الصيانه دي هتكون اخر الصيانه تحت الضمان قلي سيبلي نفسك خالص وماتشلش هم اي حاجه وان شاء الله لو في اي حاجه محتاجه لتغير في الضمان هتتغير بالاضافه لطلب تغير زيت الفيتيس المنوال للمره التانيه لو فاكرين ان المره الاولي كان في مشكله في طبت الفتيس العلويه مفوته من بره بس يعني الطبه دي بتفك بمفتاح النكيه والمكان اللي بيخش فيه المفتاح مفوت
المهم تم تسليم العربيه ودخلت الصيانه وبدات الصيانه فورا
طبعا الحاجات الروتينيه في المكنه والعفشه والعجل وفحص العربيه كلها
وطبعا لم يتم تغير زيت الفتيس برضو لعدم تواجد قطع الغيار اللازمه في المركز وهي الطبههههههه
المهم كنت بشتكي من بعض الاصوات في العربيه الحمد الله تم معالجتها وتثبيت بعض الاجزاء المتسبب في هذه الاصوات وكنت طالب بعض الكلبسات في الشنطه بعد السمكره اللي كنت عاملها تم تركبها بس الكلبسات غاليه شويتين
وبعدين العربيه راحت قسم السمكره للكشف عن صوت كنت باشتكي منه وتم معالجته
وفي الاخر جالي الاستاذ اسماعيل خبير التجريب في المركز وطلعنا بالعربيه للتجربه لملاحظة اي اصوات في العربيه غير مرغوب فيها
والحمد الله طلعت تمام ماااااااعدا ملحوظه واحده قلقتني خالص
المهندس كان بيقلي ان في تقل في الدبرياش وده مؤشر لقرب تغير طقم دبرياش والفرش وبليت الدبرياش
بعد كده رجعنا المركز وقابلة المهندس اسلام وقلتله ان كان في ملحوظه ان المقصات قدام حاله متوسطه قلي نراجع عليها وكمان عايز اشوف الطبه المفوته دي قلي ندخل العربيه وهانديلك
وهنا المفاجه جالي المهندس وقلي المقصات هتتغير ضماااااان
ببلالالالالالالاش
ورحت معاه نشوف الطبه المفوته وكمان قلي ان قعدت الفتيس الجلد محتاجه تغير كمان 5000 كلم
فقلتله غيره بالمره عشان العربيه يبقي مش ناقصها حاجه
وتم كل المطلوب والحمد الله وخرجت العربيه عالغسيل ورحت اراجع الحساب مع المهندس اسلام
538 جنيه فقط
85 صيانة ال65000
50 كلبسات
20 مستلزمات وسوائل
300 القاعده بتاعة الفتيس
والباقي مصنعيات
تم خصم 80 جنيه لعملاء نيل موتورز
وبكده يكون اجمالي الحساب 461 جنيه فقط لاغير
وفي النهايه تم استلام العربيه ماشاء الله ولا حول ولا قوه الا بالله بجد حاجه تطمن ان نيسان بيقف خلفها توكيل صيانه وخدمة مابعد البيع زي اوتو ايجبت

الملاحظات
1 المركز لسه برضوه تحت التشطيب والدوشه جامده

2 تم السؤال عن جهاز الشفط الخاص بالعتب وتم معاينت الخبطات اللي في العتب من قبل السمكري وقال انها تتكلف 850 جنيه !!!!!!!!!
3 الكاوتش في صيانة ال10000 بس بتم تغيره الامامي في الخلف والعكس ومش كروس زي مابعض الاعضاء كانوا فاكرين
5 المفروض ان الحجات اللي بتتغير بتتحط في الشنطه والمقصات اللي تغيرت متحطتش في الشنطه مع ان قاعدت الفتيس اتحطت بس عادي
4 كنت سعيد جدا بمقابلت العضو احمد fbi وقضيت معاه وقت جميل فرحت انه ماشي مبصوت من المركز

وفي النهايه اسف للاطاله واتمني اكون افتكوا بهذا التقرير المطول