الموضوع: استفسار | حضور ICT Cairo 2012 بمركز القاهرة الدولى للمؤتمرات

المشاركة الأصلية كتبت بواسطة emgi

ازيكم يا رجالة :)

انا من خارج القاهرة وعاوز احضر مؤتمر ict cairo 2012 اللى فى مركز القاهرة الدولى للمؤتمرات .. هوصل بالديزل لمحطة مصر وعاوز بعدها انطلق من رمسيس لمكان المؤتمر بأفضل واسرع وسيلة مواصلات لمدينة نصر.

1). لو متوفر الذهاب بالمترو .. اركب منين وانزل فين؟! ولو مش هينفع المترو ايه اقرب محطة مترو ممكن انزل فيها واركب منها تاكسى يودينى للمؤتمر وادفعله كام اخره علشان ما يشتغلنيش.

2). ولو مش هينفع مترو نهائى .. اركب ايه من رمسيس يودينى دايركت لمركز القاهرة الدولى للمؤتمرات سواء ميكروباص او اتوبيس؟! ولو هاخد تاكسى من رمسيس لمركز المؤتمرات اخره كام؟!

ياريت ياجماعة تشرحولى ازاى اروح بقى بكل وسائل المواصلات اللى ذكرتها سواء (مترو، ميكروباص، تاكسى) علشان ابقى ظابط نفسى الله يخليكم :)

فى انتظار ردودكم ،،

لو حضرتك عايز السرعه فى الوصول

* اركب التاكسى الابيض من رمسيس دا بالعداد وبدايه البنديره 2.5

*لو هتركب ميكروباص اركب ميكروباص عباس العقاد او رابعه ودا بيمشى فى شارع صلاح سالم وانزل عند جامع المصطفى على ناصيه شارع يوسف عباس لو الميكروباص هيدخل من الطيران واركب تاكسى لقاعه الموتمرات من المكان دا مش بعيده. ولو الميكروباص هيدخل من شارع يوسف عباس انزل نهايه الشارع بجوار سور نادى الزهور واركب تاكسى والمسافه كدا قربت اوى.

*اما عن طريق مترو الانفاق فحضرتك هتركب المحطه الارضيه للمترو الثانى من رمسيس للعتبه ومن العتبه هتركب للعباسيه وتنزل محطه العباسيه وتاخد اتوبيس لمحطه الاستاد ومن هناك تركب تاكسى برضو بس المترو هتبقا لفه شويه


وبدال اللف دا كله والبهدله فى المواصلات واختصاراً للوقت فالتاكسى افضل واسرع



تحياتى لحضرتك

المشاركة الأصلية كتبت بواسطة emgi

تسلمولى يا رجالة، انا متشكر جدا على المساعدة :)

لاشكر على واجب

تحت امر حضرتك