وأخيرا أنتهت رحلتى مع نقل ملكية السيارة أنا تعبت جدا يا جماعة لأن رخصة العربية كانت منتهية وشهادة بيانات وبصمة ومطابقة وأفلام
عرض للطباعة
وأخيرا أنتهت رحلتى مع نقل ملكية السيارة أنا تعبت جدا يا جماعة لأن رخصة العربية كانت منتهية وشهادة بيانات وبصمة ومطابقة وأفلام
العربية كانت رخصتها منتهية وطبعا دة خلانى أبدأ المشوار من الزيرو وكانت مرور طوسون فى الأسكندرية وأنا من المنصورة ودة خلانى تعبت شوية بس الحمد للة
الف مبروك نقل الملكيه والتجديد.
ممكن تقولنا ايه الاجراءات بتاعت نقل الملكيه والتكلفه كانت كام؟
ممكن اعرف الإجراءات علشان أنا حنقل عربيتى لمرور فيصل
أنا هقول لحضراتكم عن خطوات نقل الملكية للسيارة الخاصة بى حيث أن كل سيارة يمكن أن تكون لها حالة مختلفة وعلى العموم أكيد هيكون فية أشياء متطابقة كتييييييييير
أولا أنا الرخصة بتاعة العربية كانت أساسا منتهية وكانت على مرور طوسون بالأسكندرية فطبعا أول حاجة كان لازم صاحب السيارة يقوم بالتجديد لمدة عام ويدفع التأمين ودة كان حوالى 310 جنية وبعدين يجيب شهادة مخالفات وبردة هوة اللى يدفعها لو فية مخالفات وبعد كدة هيعمل الفحص الفنى للعربية ودة اللى بياخدوا فية البصمة ودايما بيبقى فى مكان جنب المرور على طول بعد كدة نيجى لأهم حاجة وهية شهادة البيانات تمام كدة يا رجالة
ناخد كل الورق دة وطيران على المرور اللى عايز ترخص علية وأنت فاكر أنك كدة خلصت هاهاهاهاه هيقولك الباشا تروح تانى المرور بتاع السيارة الأصلى بناء على جواب من المرور المراد الترخيص منة عشان تعمل مطابقة وتروح طبعا زى الباشا وتعمل المطابقة فى خمس دقايق وترجع للباشا بتاع المرور اللى حضرتك عاوز ترخص علية وبعد كدة يتعمل للعربية ملف وتعمل نقل ملكية وهيكلفك 1560 جنية تدفعهم زى الباشا وطبعا أنت عندك ترخيص سنة كان معمول من صاحب العربية عاوز تكتفى بكدة ماشى عاوز تزود براحتك والسنة بحوالى 350 جنية وتاخد نمرك ورخصتك وألف مبرووووك وعمار يا مصر
أنا لسه ناهي إجراءات مقل ملكية سيارة أفيو 2007 من مرور عين الصيرة لمرور المنصورة والإجراءات كالتالي علشان تسهل علي نفسك:
1- تروح المرور إللي إنت تابع ليه وتجيب أورنيك فحص فني ب 10 جنيه وترفع بصمات الشاسية والموتور وهيكتبوا لك في ظهر الأورنيك جواب للمرور التابع ليه السيارة بمطابقة البصمات المرفوعة علي ملف السيارة + إستعلام أمني.
2- تروح المرور التابع ليه السيارة وتطلع شهادة مخالفات (براءة ذمة) وشهادتين بيانات (لو ماكنتش سجلت العربية في الشهر العقاري) واحدة للشهر العقاري وواحدة للمرور إللي إنت تابع ليه (تكلفة الشهادتين 20 جنية + الضريبة سنة 260 جنية لو الرخصة منتهية وبتختلف من عربية موديل للتاني) وتطابق البصمة علي الملف في نفس الوقت وتروح تعلم الإستعلام الأمني (كدة تأخذ يوم واحد بدل يومين).
4- لو معاك توكيل تروح الشهر العقاري وبشهادة البيانات الأولي تسجل تالعربية بإسمك (أنا دفعت مصاريف تسجيل 1140 جنية وة بيتوقف علي عدد سلندرات العربية وموديلها).
5- تأخذ مطابقة البصمة والإستعلام الأمني (عملته في الدراسة علشان العربية مرور القاهرة) + عقد الملكية ورخصة العربية وتروح تكمل إجراءات الفحص الفني والترخيص عادي جدا ودي إتكلفت حوالي 400 جنيه ولاحظ إنك هتسلم النمر القديمة في المرور إللي إنت تابع ليه وهتستلم نمر جديدة.
هو موضوع نقل الملكية ده صعب شوية بس بترتاح في الاخر لانك بتحس ان عربيتك معليهاش اي مشاكل