الموضوع: حاجة مضيقاني جداااا في النترا 2009

متهيألي العربيه بتزحف برضه بال abs بس بدرجه اقل بس الميزه ان الدركسيون بيحود اثناء الفرامل فبتقدر تتفادى الخبطه انما من غيره اول العربيه ما بتزحف مافيش حاجه تقدر تعملها

ينفع تركب ايه بى اس بس هيكلفك اكتر من انك تبيع اللى معاك و تجيب واحده فيها اصلا غير معتقدش هيكون مظبوط زى اما يكون نازل فيها غير كميه اللعب فى العربيه
الزحف دا فى كل العربيات فى مصر (من غير ال اىة بى اس ) و بيتوقف بنسبه كبيرة على الارض فيها حبه تراب ( مش رمل لانو اللرما بيودى النار خالص ) ولا لأ
و بيختلف بنسبه قليله من عربيه لعربيه
حضرتك مفروض بتتعود على طريقه ضغط على الفرامل بحيث متزحلقش و لو زحلقت ارفع سنه من الفرامل مهما ان كان لا اما بتقفش مرة واحده فى اى عربيه من غير ايه بى اس على حبه تراب بتتزحلق وبتفقد السيطرة و بتقف فى مسافه كبيرة جدا

ممكن تتفادى الموضوع دا مع الفرمله القويه مش لاخر الدواسه او الفرمله على مرتين او تلاته ( لو الوضع يسمح ) ودا فى اسوء الحالات احسن من الضغطه مرة واحده مستمرة و تتزحلق حتى لو حتخبط هتبقى خبطه بسيطه
و ربنا ميجبش خبط خالص

راجع على ضغط الهواء فى الاطارات و أتأكد انه مضبوط و مفيهوش هواء زياده لان ده بيساعد فى زياده حكايه الزحف دى و كمان بالمره اكشف على الكاوتش و شوف لو النقشه ممسوحه او محتاج تغيير و أرجح ان الكاوتش محتاج تغيير على فكره او لو مش هتغير دلوقتى على الاقل بدل فرد الكاوتش و هات اللى ورا قدام و اللى قدام ورا بس الافضل يتغير لانه كده ابتدى يبقى خطر يعنى اغلب الظن المشكله عند حضرتك مع الكاوتش و الفرامل ملهاش دعوة لان اى فرامل فى الدنيا الطبيعى توقف العربيه مش لازم abs و ان كان احسن اكيد انما حتى العاديه بتوقف العربيه برضه و الا تبقى قلتها احسن

اظن ينفع بس مكلف جدا وحوار

المشاركة الأصلية كتبت بواسطة formulator

- تشيك على حالة التيول والديسكات، وزيت الباكم طبعا..
- راجع ضغوط الكاوتش، وحالته.. واعمل الـrotation فـ مواعيده.
- لازم تعمل engine-braking بالفتيس فـ مواقف الطوارىء، سواء مانيوال أو أوتو..
ده فـ أوقات كتيييييييييير ممكن يعديك من لبسة زى اللى لبستها..؟!!



لأ، مش لازم..
لو فرامل تمام: ضغوط الماسترز، مقاسات الديسكات وتناسبها مع الباور والوزن والـmaterial بتاعتها، معدل الـfriction بتاع التيل..
لو كل ده مضبوط.. والسواق بيعرف نقطة الـthreshold-braking، المفروض انها ماتزحفش.. بالعكس تقف فـ مسافة/زمن أقل..؟؟!!!

لكن للأسف؛ الألنترا معروفة بضعف فراملها،
ومعظم السواقين بيضرب full-brake فـ المواقف دى.. وبيقعد يتفرج عليها وهى بتزحف،
حتى مش بيكارج عـ الفرامل عشان يقدر يستخدم الدركسيون أو يقلل الزحف.


هو فـ أنظمة الـabs الجديدة (أو المتقدمة)، زى الـbosch 8.0/8.1..
المفروض ان لحظة الـwheel-lock (الزحفة).. لا بتتشاف ولا بتتحس، من سرعة رد فعل الـsystem..؟؟!!!
لأن الـabs بيقفل ويفتح (يمسك ويسيب) بمعدل 30 مرة فـ الثانية (كـ أقصى pulse-rate)..!!

لكن الفعلى اللى بيحصل (أكثر فـ الأنظمة القديمة/اللى مش متطورة أوى)؛ ان فـ بعض العربيات بتلاحظ زحف-متقطع كده..؟؟؟!!
أعتقد ده عشان السيستم مش بيشتغل بكامل القدرة بتاعته، (يعنى بيعمل pulse بسرعة قليلة).. تقدر عين واحساس الـhuman تلاحظها.
بالضبط زى الدواسة لما ترعش تحت رجلك (فـ الفرامل الـabs برضه)،

إنما الجديد؛ سرعة الـaction بتاع الـabs/ معدل الفتح والقفل سريع جدا.. اسرع من ان الـ1 يقدر يلاحظه..؟؟!!!
لا زحف ولا رعشة فـ الدواسة (موجودة بس مش هتلاحظها من سرعتها).. :copy of majd(4):

+1111111111111111
الكلام دا من الاخر خالص
:b4_388: