نوبيرا 2 ولا هوندا سيفيك الجيل الخامس

**gadieb** · 25-04-2012 12:53 PM

الساده اعضاء المنتدى الكرم
ناوى اشترى عربيه اوتوماتيك مستعمله فى حدود 45000 وبصراحه محتار جدا اشترى النوبيرا 2 الاتوماتك ولا الهوندا سيفيك الجيل الخامس(1992-1995) بصراحه كل عربيه فيها مميزات وعيوب وانا ميال للنوبيرا (احدث فى الصنع- افخم فى الصالون والشكل) بس الى مقلقنى ان فى ناس ما شكروش فى الفتيس الاوتوماتك والرشاشات والعفشه والطنابير والتيل فكنت عاوز اعرف هل الكلام ده مظبوط ولا لا وهل قطع الغيار عمرها الافتراضى معقول ولا لا والاسعار بتاعه المستهلكات الدوريه فى المعقولا ولا غاليه
ياريت تردو عليا على شان انا بجد مش عارف اخد قرار
وشكراً جزيلاً

**gassarian** · 25-04-2012 10:26 PM

لا دي و لا دي

**kimo-nubira** · 25-04-2012 10:35 PM

بص انا هاقولك علي المفيد بالنسبه للنوبيرا بالنسبه للفتيس الاتوماتك

لو اهتميت بيه وغيرت الزيت وعملتله صيناته في معدها مش هايحصل مشاكل ان شاء الله

بالنسبه للرشاشات بتشتري رشاشات bmw m40 وديه بــ 225 جنيه من الحرفين

بالنسبه للطنابير بتجيب طنابير بريمبو وبتنسها وبلنسبه للعفشه ممكن يا تجيب مساعدين منرو يا kyb وانا عن نفسي افضل المنرو

وكل اللي انا بقلهولك ده عن تجربه في عربيتي معدا الفتيس الاتوماتك لان عربيتي مانيوال واتمنالك التوفيق فيما فيه الخير والصالح ليك

**aboomar22** · 25-04-2012 11:32 PM

اولا الهوندا عربية سابقة عصرها ولو لاقيت عربية si نظيفة يبقى حظك لكن خلى بالك الهوندا النظيف منها قليل قوى عكس النوبيرا الاحدث موديل لان الهوندا اغلب عشقها شباب لكن لو تعبانة هتقرفك فى قطع غيارها وصنايعيتها وكده اما النوبيرا اغلب الميكانيكية بيشتغلوا فيها وقطع غيارها فى كل مكان بس لو انا مكانك وعايز اتوماتيك هشوف لانسر كريستالة نظيفيه ركوبة ممتازة وقطع غيار ارخص من هوندا وكله بيشتغل فيها واعادة بيع كوبسة