بعد سرقة السيارة بأكثر من 14 شهر ... الحمد لله رجعت إلى صاحبها

**Elawany13** · 25-04-2012 05:19 PM

بسم الله الرحمن الرحيم

عربية جارى اتسرقت من طنطا فى أيام الثورة العام الماضى
بجوار كازينو الريان على طريق القاهرة اسكندرية الزراعى
كان لسه شاريها قبلها بشهور بسيطة وملحقش يفرح بيها

عربيه ديهاتسو تيريوس موديل 1999 أو موديل 2000
كان بيصلى الفجر وكانت مركونة أمام البيت
على الساعه 7 الصبح نازل شغله ملقهاش !!!
داخ عليها السبع دوخات ولف فى الجبال وراح للعصابات
على أمل انه يدفع فديه ويرجعها مفيش فايده !!!
بعد شهور طويلة واحد قريبه فى بنها قاله انه شافها هناك ومتأكد انها بتاعته
نزل جرى على بنها لفها شبر شبر مفيش أثر

النهاردة بعد صلاة العصر لاقيته بيقولى وهوه فى منتهى السعاده ان العربية رجعت
والله فرحت قوووووووووى ومكنتش مصدق نفسى

العربية اتمسكت على الطريق الدولى بعد مطاردة مع الشرطة
بيقول ان العصابه كانت بتسخدمها فى تهريب المخدارت فى الجبل
العربية حالتها متبهدلة شوية من الخارج
والكاسيت متغير والاسلاك طالعه
بس الحمد لله إنها رجعت
طبعا العصابة مغيره النمر بتاعت العربية
راح استلمها من الشرطة فى كفر الدوار
وهيه حالياً عند الكهربائى
طبعا صاحب السيارة مكنش حاطط فى دماغه قبل كده تأمين السيارة
بقوله أكيد هتشترى جى بى اس تراكر
قالى وديه فيها كلام
هجيبه طبعا
ههههههههههههه

الحمد لله ... ألف حمد وشكر ليك يارب

تحية لضباط الشرطة الشرفاء اللى رجعوها
وعقبال كل واحد اتسرقت عربيته ترجعله بإذن الله
إنه على كل شيئ قدير

**hossam_elwani** · 25-04-2012 06:03 PM

فرحه ما بعدها فرحه ربنا يريح قلب كل واحد عربيته مسروقه منه

القرش فى مصر مابيجيش بساهل

**Elawany13** · 25-04-2012 06:36 PM

المشاركة الأصلية كتبت بواسطة me_medoo

يارب دايمن سمعنا كده الاخبار الحلوة ورجع كل الحقوق لصحابها يا صاحب الملك. واسعد كل الناس يارب وابعدهم عن ولاد الحرام ، لان فعلاً الناس والله اغلب من الغلب. وصعب قوي ان يجي واحد يسرق شقى عمرك. بالسهولة دي يارب طمنا باه على بلدنا وهدي سرها يارب قادر ياحق
تسلم يا احمد باشا دايماً كده بتجبلنا الاخبار الحلوة. يا جميل

آمين يااااااااااارب العالمين
أخى الحبيب أستاذ محمد
الله يسلمك ويباركلك يارب

**Elawany13** · 25-04-2012 06:41 PM

المشاركة الأصلية كتبت بواسطة hossam_elwani

فرحه ما بعدها فرحه ربنا يريح قلب كل واحد عربيته مسروقه منه

القرش فى مصر مابيجيش بساهل

انت بتقول فيها
فعلا فرحة كبيرة
أنا حاسس انى فرحان اكتر من صاحب العربية

الواحد قرف من الاخبار السيئة اللى بتحل للكل فى كل مكان فى مصر
وما صدق لقى خبر يفرحه

**mrghost** · 25-04-2012 07:38 PM

يارب عقبال باقى الناس يارب

**wael6** · 25-04-2012 11:10 PM

الحمد لله رب العالمين
وعقبال يارب كل واحد حقه ضايع يرجعله بحق ربنا سبحانه وتعالى
واللهم حسن اوضاع مصر ورجع الاخلاق و الضمائر للناس
وتحيه غاليه اكيد لرجال الشرطه الشرفاء المخلصين
وشكرا