شوروا عليا يا جماعة نفسيا وانسانيا.

**Ayman-Ahmed** · 27-04-2012 12:43 AM

السلام عليكم ورحمة الله وبركاته

اخباركوا ايه يا جماعة نايل موتورز.اتمنى الجميع يكون بخير بامر الله .

الموضوع باختصار كنت راكن تحت البيت ومغطى العربية الصبح وسمعت الانذار لقيت عربية تريلا تقريبا لازقة فى الباب اليمين وناس حواليه بتقوله بس بس بس هوب الله يخرب بيتك. نزل السواق جرى وانا كمان بصيت لقيت القايم اليمين كدة وسبحان الله من غير خربوش :

سواق النقل والله يا باشا مخدتش بالى ومش عارف حصل ازاى ده(سواق النقل راجل كبير معدى الستين).

قولتله: وانا مش عارف اقولك ايه يا حاج.

جارى : االعربية مخبوطة فى القايم ولازم تعمل محضر على الاقل اثبات حالة عشان لو عوزت تبيع.

السواق : لا ابوس ايدك انا مش حمل بهدلة ( قلبى الطيب زقزق بس العربية مخبوطة قايم). ما هو يا حج العربية مخبوطة فى القايم.

بص يا ابنى اللى انت عاوزه اعملوهولك وهصلحها وارشها كلها على حسابى.

مش هينفع يا حج ارش قايم.طب بص يا حج نكلم البوليس ونثبت حالة وهتنازل عنه عشان ضمان حقى.

البوليس جيه عملنا المحضر روحنا القسم والراجل فضل يعيط طول الطريق لان العربية هتتحبس وربنا يسترها والعربية عندى كان لازم تقعد وعرض على نيابة وموال(المهم خلصناها معارف ومقعدتش).المهم عملت المحضر والمفروض بكرة لاما اروح اكمل او اتنازل.

من جوايا فى كلمة عمالة تزن فى دماغى(شاء الله وما قدر لطف) بس متضايق.

مش عارف اعمل ايه.انتوا رايكوا ايه.

**M.FOUAD** · 27-04-2012 12:50 AM

قول الحمد للة و مكنش ليها لازمة المحضر و القصة دية و متقلقش دية متعيبش العربية في حاجة و اي سمكري نظيف يردهالك و عمرها ما هتبان انا عندي نقرتين زي دول بس مش عارف بقى جم ازاي

**Ayman-Ahmed** · 27-04-2012 12:53 AM

والله انا مكنتش ناوى على محضر ولكننى كنت زى المتكتف واحد يقولى لازم محضر اثبات حالة عشان الخبطة فى القايم ومن جوايا سواق التقل صعبان عليا ولكنى متكتف ومش عارف اعمل ايه والله يعلم بالنوايا ولكننى مش عاوز ابهدله وعمال افكر انزل وانهى المحضر واكلم الراجل اطمنه.

**A7MED_PHARMA** · 27-04-2012 12:55 AM

إحمد ربنا ياراجل
قول الحمد لله ..

إنت نزلت لقيت عربيتك منقورة في القايم
غيرك نزل مالقاش عربيته خالص

الحمد لله على نعمته وفضله ..

**elpasha1** · 27-04-2012 12:59 AM

المشاركة الأصلية كتبت بواسطة m.fouad

قول الحمد لله و مكنش ليها لازمة المحضر و القصة دية و متقلقش دية متعيبش العربية في حاجة و اي سمكري نظيف يردهالك و عمرها ما هتبان ا

++++++++11111111111111

**ahmed_mido1889** · 27-04-2012 01:00 AM

انهي المحضر دلوقتي طالما مش هيعمل حاجه

والحمدلله انها جت بسيطه وهي واقفه

**Ayman-Ahmed** · 27-04-2012 01:06 AM

المشاركة الأصلية كتبت بواسطة a7med_pharma

إحمد ربنا ياراجل
قول الحمد لله ..

إنت نزلت لقيت عربيتك منقورة في القايم
غيرك نزل مالقاش عربيته خالص

الحمد لله على نعمته وفضله ..

الحمد لله على كل حال.شاء الله وما قدر لطف

المشاركة الأصلية كتبت بواسطة إبراهيم المصرى

الله يعوض عليك

اللهم امين.

المشاركة الأصلية كتبت بواسطة ahmed_mido1889

انهي المحضر دلوقتي طالما مش هيعمل حاجه

والحمدلله انها جت بسيطه وهي واقفه

الحمد لله والمحضر ما هو الا اثبات حالة وظروف الخبطة ولكننى من جوايا مش عاوز المحضر ولكننى قلقت من خبطة قايم والقلق وحالة الضيق.

**shaddadfalcon1** · 27-04-2012 01:08 AM

طالما راجل ببسيط وغلبان ومعترف بخطاه وعايز يصلح كمان يبقي ملوش لازمه اي حاجه من الحاجات دي وفدي ظفرك ياحج ومش دي اللي هتوقع بيعها يعني

**Ayman-Ahmed** · 27-04-2012 01:11 AM

والله يا جماعة انا كنت زى المتكتف ومش عارف اعمل ايه.عمرى ما اتحطيت فى موقف زى كدة ويارب ما يعاد تانى ولا حد يشوفه.

-

الموضوع: شوروا عليا يا جماعة نفسيا وانسانيا.

LinkBack

أدوات الموضوع

عرض

شوروا عليا يا جماعة نفسيا وانسانيا. - انشر الموضوع فى :

-

-

-

-

-

-

المواضيع المتشابهه

شوروا عليا بشنيور محترم

شوروا عليا يارجال

شوروا عليا

ارجوكم شوروا عليا يا اهل الخبرة

شوروا عليا قبل ما ارتكب جناية

الكلمات الدلالية لهذا الموضوع

المفضلات

المفضلات

ضوابط المشاركة