الموضوع: كـبرنا ..

كل اما بكبر حجم ذنوبي بيكبر
واقول مش هذنب واذنب اكتر واكتر
وبتفضل اعداءك تكتر طول مانت بتكبر
نفسي ارجع انام علي سريري بتاع زمان اول ما احط راسي ع المخده انام
مش شايل هم شايف كرتون حاسس سلام..دلوقتي النوم بيهرب من التفكير ومن الآلام

أحمد مكي جاب م الاخر في اغنيه ايان زمان2

همممم
فى ناس كبرت بسبب الظروف الى حواليها
لكن من ناحيه السن الناس دى صغيره ...
ربنا يكون فى عوننا
........

فعلا احلى ايام حياتى وانا صغير لا تعوض وانتى بين امك وابوك واخواتك ومحجيين عليك ....................

المشاركة الأصلية كتبت بواسطة mohammedabdallh

كـبرنا ..

وأكتشفنا أن الدواء ليس عصيراً ..

كبرنا وأكتشفنا أن جدي لن يعود ثانية
كما قالت امي ..

كبرنا وأكتشفنا أن هنالك أمورٌ تخيفُ
أكثرُ من الظلام ..

كبرنا وما عدنا نبكي
لا على " ريمي " ولا على " سالي "
بل أصبحنا نبكي على قصصنا ..

كبرنا لدرجة شعورنا
بأن وراء ضحكة أمي الف دمعة ..
و وراء قوة ابي الفُ مرض ..

كبرنا لنجد ان مشاكلنا
ما عادت تحل بقطعة حلوى
أو فستان أو حقيبه ..

وأن والدينا لن يمسكا أيدينا دائما
لعبور الشارع أو منعطفات الحياه ..

كبرنا واكتشفنا أننا لم نكبر وحدنا فقط
بل كبر أبوينا معنا
وأوشكوا على الرحيل
أو رحلوا فعلاً ..

كبرنا جداً ..
وعرفنا ان قسوة أمي كانت حب
وغضبها حب وعقابها حب

يالها من حياة وما أغربها من دنيا
وما أقصر العمر

الله يحفظ والدينا ويرزقنا برّهم أمين

كل كلمة انت كاتبها
انا بحس بيها كل يوم
الاول باقول بابا
ماما

دلوفتى ابنى هو اللى بيقولى بابا

الاول كنت بشوف حاجة نفسى فيها بقول بابا

دلوقتى لما بشوف حاجة نفسى فيها

اقول لأ ابنى عايز حاجات اهم خلينى دلوقتى بعدين

الاول لما بكون فرحان بيكون فرح حقيقى

دلوقتى انت حتى لما بتفرح بيكون فى جنب الفرح الف هم وهم

الاول ما كانش فى اعداء ليك ولو حتى فى حد مزعلك بتروح تحكى لماما وبعدين بتنسى

دلوقتى عدوك امامك كل يوم وانت مضطر انك تتعامل معاه لنه ده شغل ولا مفر من التعامل

الاول كان فى ابتسامة

دلوقتى انت بترسم الابتسامة

زمان كنت انت كل حاجة عند بابا وماما

دلوقتى

مش عارف اقول ايه انت ولا حاجة فى الدنيا

كلماتك لمست قلبي وروحي
الله عليك انت بجد انسان فعلم ايها الانسان انها هي الحياة