| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 13

  1. #1

    الصورة الرمزية ahmedmotawa

    رقم العضوية : 21817

    تاريخ التسجيل : 11Oct2008

    المشاركات : 8

    النوع : ذكر

    الاقامة : القاهرة

    السيارة: b d,[]

    السيارة[2]: zoty

    دراجة بخارية: no

    الحالة : ahmedmotawa غير متواجد حالياً

    افتراضي تجربتي مع الاكسبلوجن 2 موديل 2012 - Facebook Twitter whatsapp انشر الموضوع فى :

    hasad">

    السلام عليكم ورحمه الله وبركاته

    ايها الاخوة الاعزاء بعد التحيه ؛

    لقد وفقني الله واشتريت اكسبلوجن2 موديل 2012 سعه 1300 cc كامله مانيوال من الوكيل المسلمي وهيا معايا لسه مكملتش شهر
    وحبيت اعمل الموضوع ده عشان احط فيه كل ملاحظاتي علي العربيه سواء كانت جيده او غير جيده

    اول ملاحظاتي
    الشكل العام شيك جدا من الخارج اما من الداخل التبلوه الي حد ما معقول الشكل يحتوي علي كاست cd جيد وتكييف جيد الي حد ما لكني اعتقد ان في ايام الحر الشديد سيكون علي اد الحال علي كل حال هيبقي الجو داخل العربيه افضل من الخارج. الكراسي مريحه جدا لكن يعيبها ضيق الكنبه الخلفيه وضيق الحوض بالنسبه لقائد السيارة والبنسبه للسرعه والله انا شايف انها ممتازة (ملحوظه انا اساسا مش بحب السرعات العاليه) السيارة عاليه عن الارض بما يكفي يمكن تكون خشنه شويا بس ده بيرجع لكونها كارونه اقتصاديه جدا في البنزين يعني انا عملت بيها 177 كيلو ماشي بطيء مش مشاوير طوالي (طبعا انتو مجربين اما الواحد يجيب عربيه زيرو بيبقي خايف عليها قد ايه وعاوزها هيا الي تركبو مش هوا الي يبكبها) يعني بعد 177 كيلو حبيت ارجل التنك فول خدت 15 لتر او بمعني اوضح ان 15 لتر عملو 177 كيلو مشي متقطع بطيء . الشنطه الخلفيه معقوله المرايات كهرباء لكن يعيبها انها تغلق علي الزجاج في حاله الركن يدويا العربيه جنوط سبور 15 مش طاسات فوانيس شبورة (فرشه امام السيارة فقط يعني ضوئها مش عالي)
    اما الاضائه العاديه للمصابيح الاماميه جيده والنور العالي ممتاز بها سنتر ويعيبها عدم وجود انذار او رافع زجاج علما وان الاربعه ابواب زجاج كهربائي تارة صغيرة ذات شكل جميل بها بور ممتاز لكن يعيبها مكان الكلاكس كبير جدا يعني ممكن صوابعك تيجي عليه وانتا بتغير اتجاهاتك غصب عنك الزجاج الخلفي له مساحه وعليه هيتر تانك يفتح من الداخل سعه 45 لتر تقريبا فرامل abs جيده فتيس 5 سرعات لحد الان لم تظهر به عيوب (ملحوظه :- تم سؤال الوكيل قبل الشراء عن الفتيس خصوصا وان البعض اشتكو منو وكانت اجابته ايوة كل الي انتا سمعتو عن مشاكل الفتيس صحيحه لكن في الموديلات حتي 2008 وتم ابلاغ الشركه المصنعه وتم تغيير الفتيس بالكامل )
    الخلاصه السيارة جيده جدا بالنسبالي وحتي الان لم يظهر لي اي عيوب جوهريه وبخصوص الوكيل لم اجربه حتي الان في الصيانه وسوف اتابعكم ان شاء الله بكل ما هو جديد عن تجربتي معها
    وده تست درايف ليها
    [youtube]http://www.youtube.com/watch?v=VIxjFXVPXIo&feature=player_embedded[/youtube]


  2. #2

    الصورة الرمزية osa92003

    رقم العضوية : 99822

    تاريخ التسجيل : 20May2011

    المشاركات : 306

    النوع : ذكر

    الاقامة : egypt

    السيارة: sprenza 516

    السيارة[2]: ritmo

    دراجة بخارية: no

    الحالة : osa92003 غير متواجد حالياً

    افتراضي -

    مبروك وربنا يبارك لك فيها


  3. #3

    الصورة الرمزية ahmedmotawa

    رقم العضوية : 21817

    تاريخ التسجيل : 11Oct2008

    المشاركات : 8

    النوع : ذكر

    الاقامة : القاهرة

    السيارة: b d,[]

    السيارة[2]: zoty

    دراجة بخارية: no

    الحالة : ahmedmotawa غير متواجد حالياً

    افتراضي -

    اقتباس المشاركة الأصلية كتبت بواسطة osa92003 مشاهدة المشاركة
    مبروك وربنا يبارك لك فيها

    الله يبارك فيك ويكرمك


  4. #4

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    100000000 مبروك
    سعرها كام

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1


  5. #5

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    الف مبرووووك


  6. #6

    الصورة الرمزية _hema

    رقم العضوية : 80280

    تاريخ التسجيل : 15Sep2010

    المشاركات : 2,700

    النوع : ذكر

    الاقامة : Maadi

    السيارة: ربنا يبعت :D

    السيارة[2]: Nissan Sunny Super Salon H.L

    دراجة بخارية: لا يوجد

    الحالة : _hema غير متواجد حالياً

    افتراضي -

    الف مبروك وربنا يباركك فيها


  7. #7

    الصورة الرمزية abogogo

    رقم العضوية : 49702

    تاريخ التسجيل : 12Oct2009

    المشاركات : 3,421

    النوع : ذكر

    الاقامة : om el donya

    السيارة: - suzuki maruti - lanos

    السيارة[2]: chevroletspark

    دراجة بخارية: CBR 250 FIRE

    الحالة : abogogo غير متواجد حالياً

    افتراضي -

    ربنا يديك خيرها ويكفيك شرها

    [mshosh2]http://www7.0zz0.com/2013/05/08/17/903528565.jpg[/mshosh2]


  8. #8

    الصورة الرمزية Curbis

    رقم العضوية : 70933

    تاريخ التسجيل : 18May2010

    المشاركات : 218

    النوع : ذكر

    الاقامة : Cairo

    السيارة: F-16

    السيارة[2]: Rolls Royce

    دراجة بخارية: لا يوجد

    الحالة : Curbis غير متواجد حالياً

    افتراضي -

    ممكن أعرف بكام دلوقت


  9. #9

    الصورة الرمزية ahmedmotawa

    رقم العضوية : 21817

    تاريخ التسجيل : 11Oct2008

    المشاركات : 8

    النوع : ذكر

    الاقامة : القاهرة

    السيارة: b d,[]

    السيارة[2]: zoty

    دراجة بخارية: no

    الحالة : ahmedmotawa غير متواجد حالياً

    افتراضي -

    اولا اود ان اشكر كل من بارك وهني من صميم قلبي

    ثانيا الاخوة الي بيسئلو عن السعر انا جايبها بـ 68 من الوكيل

    دمتم بكل خير وسلامه


  10. #10

    الصورة الرمزية ahmedmotawa

    رقم العضوية : 21817

    تاريخ التسجيل : 11Oct2008

    المشاركات : 8

    النوع : ذكر

    الاقامة : القاهرة

    السيارة: b d,[]

    السيارة[2]: zoty

    دراجة بخارية: no

    الحالة : ahmedmotawa غير متواجد حالياً

    افتراضي صيانه الـ 1000 كيلو متر -

    hasad">

    الاخوة الاعزاء
    حابب احكي لكم تجربتي مع الوكيل في صيانه الـ 1000 كيلو .
    اولا انا حجزت ميعاد للصيانه قبلها باسبوع تقريبا لاكون اول واحد وقد تم وكان معادي معاهم الساعه 9 صباحا وكنت هناك الساعه 8:20 صباحا وانا الي فاتح المكان مع فرد الامن انتظرت لحد اما وصلت المهندسه الساعه 9:00 وطلبه انها تستلم السيارة وبل الفعل قمت بتسليمها السيارة ولحسن الحظ المرايه الجانبيه يمين طول طريقي للوكيل كانت شغاله اول ما راحت عندهم فصلت مش عارف ليه
    المهم استلمت المهندسه السيارة وبعد كدا حاولت تعرف ان كان فيه اي شكوي من السيارة وانا كنت مجهز كام ملحوظه قلتلها ان الدبرياج ثقيل نوعا ما والتارة بها زنه بصفارة خفيفه وفيه صوت تزييق في المساعدين الخلفيين عند النزول في مطب حتي لو كنت بطيء وان الاسبويلر الخلفي غير مثبت الا من ناحيه واحده فقط . كتبت المهندسه كل ما قولته وطلبت مني دخول الاستراحه .ووصل مهندس الصيانه ودخل السيارة واغلق الباب وروحي يا ساعات وتعالي يا ساعات واحلام تشلني واحلام تحطني المهم صحيت لقيت الساعه 11:30 ظهرا وعرفت من الساعي انهم بيخدو ساعه راحه من 12:00 الي 1:00 بعد الظهر قلت لما اطلع اشوف سبب التاخير وبالفعل قابلت المهندس وسئلته ايه الاخبار وليه التاخير قالي لالالا متقلقش كله تمام بس احنا هنغييرلك المرايه اليمين وللاسف لون عربيتك مش متوفر حاليا فمعلش هتنتظر معانا شويا لحد اما نرشها وتنشف عشان تبقي نفس اللون. تعجبت طبعا من كلامو وقلتلو يعني اد ايه قال بالكتير ساعه.طيب يا مسهل ده طبعا ساعه بعد ساعه الغدا يعني الساعه 2:00 بعد الظهر وبالفعل انتظرت لحد الساعه2:00 2:30 طب استني شويا 3:15 وبعدين بقي فخرجت من الاستراحه فيه ايه يا جماعه انا عاوز امشي
    طلبت مني المهندسه الدخول للمكتب معاها فدخلت خير يا بشمهندسه فقالت معلش احنا اسفين علي التاخير اولا وثانيا فيه مشكله صغيرة حصلت هيا الي عطلتنا شويا قلتلها خير فيه ايه قالتلي اصل السنتر بتاع الباب اليمين ادام عطل واحنا بنركب المرايا وكل الوقت ده كنا بنحاول نصلحو بس للاسف لازم يتغيير . قلتلها عطل ازاي مهو كان شغال وانتي استلمتي السيارة علي كدا قالتلي بالفعل كان شغال بس عطل قلتلها خلاص غيروة اعتقد ان ده من حقي قالت طبعا من حقك تغييرة مجانا بس هيا دي المشكله السنتر عاوز قربه 2 طرف وهيا مش متوفرة عندنا دلوقت ان شاء الله لما تيجي صيانه ال5000 ك هيكون وصل ونغيرهولك دخل المهندس قلتلو ينفع كدا يعني ؟ فقعد يعتزر وحاول يرضيني وقالي علي فكرة انا صلحت المرايه مغيرتهاش وهما بيجمعو الباب جوة وهتستلم السيارة بعد شويا واحنا اسفين المهم الساعه 4:10 لقيتو خارج بالعربيه عشان يجربها ركبت معاه وفي اول مطب سمعت صوت التزييق زي ما هوا في المساعدين فقلتله مالصوت زي ما هوا اهو قالي مفيش صوت ولا حاجه لسه مكملش ونزل في مطب تاني وطلع الصوت قولتلو امال ده ايه وهممممم
    قالي لالالالالا ده مش مساعدين دي اكرة الباب بتاع الشنطه عاوز يتحط علي الكالون حته شحم بس
    المهم رجع ودخل الورشه وحط الشحم وطبعا انا مش مقتنع وخرج مرة تانيه ركبت معاه ولقيت نفس الصوت قالي بص انا هخفيهولك ودخل تانيه 5 دقائق وخرج معاه الميكانيكي ودخل تاني 5 دقائق وخرج تاني بالميكانيكي ودخل تاني وانا تعبت بصراحه بعبت جدا لدرجه اني مكنتش شايف المهم طبعا هما معاد الانصراف الساعه 5 وبقينا 4:45 دقيقه المهم باب الورشه اتفتح لقيتو رايح علي العربيه ومعاه جوز مساعدين جداد باكياسهم قلتلو هتغير قالي اه قلت في سري (يا سبحان الله) مكان من الاول المهم غير المساعدين وخرج وركبت معاة وبالفعل اختفي الصوت وقالي انا فصلتلك السنتر بتاع الباب اليمين لحد اما تيجي ان شاء الله في صيانه 5000 ابقي اغيرهولك واحنا اسفين المهم براجع علي الزنه الي في التارة لقيتها زي ما هيا ايه ده يا بشمهندس قلي لالالالا انا بصيت عليها ده عادي مفيهاش اي مشكله الزنه دي طبيعي فببص علي الاسبويلر لقيتو زي ما هوا قلتلو طيب وده قالي ايه ده هما مربطوهوش بيبص فيه لقاه مكسور من المسمار قالي ده مكسور والله مش مننا قلتلو غيرو بكام سعرو قالي 350ج بس حرام اني ادفعك المبلغ ده وهوا شغال انتا ممكن باي ماده لاصقه تلحمه بس اوعي تجيب حاجه علي الزجاج الخلفي المهم انا مكنتش قادر اتكلم اصلا وعاوز امشي باي طريقه. يعني باختصار انا غييرت زيت ومساعدين خلفيين وبوظت السنتر كل ده من الساعه 8:20 لحاد الساعه 5:30 وزي ما فتحت المركز قفلتو يعني المفروض اطالبهم بمرتب يوم عندهم عمركو شوفتو سيارة تروح للوكيل سليمه تعمل صيانه تطلع بايظه
    حسبي الله ونعم الوكيل



 
صفحة 1 من 2 1 2 الأخيرةالأخيرة

المواضيع المتشابهه

  1. تجربتي للالنترا 2012 بالصور
    بواسطة novo في المنتدى هيــونــداى
    مشاركات: 42
    آخر مشاركة: 12-02-2014, 12:45 PM
  2. تجربتي مع النترا 2012 سيئه
    بواسطة OMARION88 في المنتدى هيــونــداى
    مشاركات: 41
    آخر مشاركة: 08-05-2012, 05:12 AM
  3. مشاركات: 14
    آخر مشاركة: 19-02-2012, 08:56 PM
  4. تجربتي الشخصية مع بيرسونا 2012
    بواسطة mohammad_rady في المنتدى بــروتـــون
    مشاركات: 29
    آخر مشاركة: 09-02-2012, 07:39 PM
  5. عن الاكسبلوجن و اللي ورا الاكسبلوجن
    بواسطة dya2008 في المنتدى الصيــــــنى العـــــــام
    مشاركات: 5
    آخر مشاركة: 07-05-2009, 01:25 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2