حماية المستهلك وش
رقم العضوية : 798
تاريخ التسجيل : 27May2007
المشاركات : 1,591
النوع : ذكر
الاقامة : Qena
السيارة: Peugeot 505 station1982
السيارة[2]: Renault Logan MCV 2009
دراجة بخارية: لا يوجد
الحالة :
السلام عليكم و رحمة الله و بركاتة
اول امبارح قلت اروح اعمل صيانة ال 80 الف كم للعربية و كانتقراءة العداد عاملة 80500 كم
كالعادة انا بعمل كل الصيانات عند مركز خدمة معتمد اسمه صن جير في الاقصر و ملتزم بكل الصيانات كل 5000 كم بعمل صيانة و بغير زيت كل 10000كم و ملتزم بالتعليمات 100%
وصلت للمركز حوالي الساعة 4:10 عصرا يوم الخميس و سألني مهندس المركز عن سبب الزيارة قلت له عايز اعمل صيانة ال 80 الف و عندي مشكلة في التكييف بيفصل لوحدة و بسمع صوت زي ما بيكون تسريب هواء في حوض العربية و بشم ريحة حاجة سخنة شوية مع بداية شياط و اضطر افصل التكييف و ممكن بعد شوية اشغله يشتغل عادي بس بيرجع يفصل تاني و بخاف اشغله احسن المشكلة تزيد
المهم المهندس استلم العربية و دخلت انا استراحة العملاء و بعد تقريبا 20 دقيقة المهندس جالي و بيقولي العربية محتاجة كارتيرة زيت !!! انا رديت باندهاش ازااااااااااي !!!
قاللي لما فكينا طبة الزيت سن الكارتيرة طلع مع الطبة و مافيش سن في الكارتيرة نربط فيه الطبة تاني و محتاجين كارتيرة !!!!
قلت له و انا ايه مشكلتي ان اللي بيفك الطبة غشيم و مش فاهم شغله
العربية كانت عندكم في الصيانة ال 70 الف و انتوا آخر حد لمس الكارتيرة و طبة الزيت و العربية كل صياناتها عندكم و محش بيقرب لها من برا فلو سمحت اتصرف و حل المشكلة دي
طبعا فضلوا يلفوا و يدوروا حوالين نفسهم و جابولي الفني الي كان بيفك الطبة بيفهمني ايه اللي حصل و انه فوجئ بسن الكارتيره بيطلع مع الطبة !!! مش عارف اقول ايه
انا كان ردي و انا ايه مشكلتي اتحمل ليه تمن كارتيرة جديدة سعرها معدي 2000 جنيه في التوكيل
بعد شوية جالي مدير المركز و طبعا كرر لي نفس الكلام و انا رديت عليه نفس الرد و قلت له حضرتك العربية في الضمان و اتصرف مش مشكلتي ان الطبه اتحلت غلط او الكارتيره فيها عيب صناعة غير الكارتيرة في الضمان و حل المشكلة انا مش هدفع تعريفة فوق تمن الصيانة بتاعتي و معنديش كلام تاني اقوله
بالله عليكم ازاي كارتيرة سنها يبوظ مع انه متفكش غير 8 مرات لو حسبنا عدد مرات تغيير الزيت كل 10 الاف كيلو يعني الصيانة دي رقم 8 اللي بيتفك فيها طبة الزيت هل دا كلام يعقل !!!! دي لو بلاستيك هتعيش اكتر من كدا
المهم بصراحة ما سكتش اتصلت علي خدمة عملاء رينو 16202 عشان اثبت حالة بشكل رسمي و حولوني علي م/ علي بدر و شرحت له الموقف بالتفصيل فقام قاللي هعمل اتصالاتي و ارجع لك تاني
لاحظت ان مدير المركز جاله تليفون و فهمت انه من م/ علي بدر و بعدها لقيته بيقولي خد يا بشمهندس كلم م/علي بدر
كلمته قاللي ما تقلقش يا فندم المشكلة بسيطة و بتحصل كتير و انا كلمت المهندسين عندنا في الورش و قالوا لي انهم بيمشطوا سن الكارتيرة من جديد و بيركبوا طبة زيت بمقاس اكبرو المشكلة بتتحل
و كمان ممكن نفك الكارتيرة خالص و بنزودها بلحام المونيوم و بعدين بنخرط سن جديد علي مقاس الطبة و احنا فهمنا الكلام دا لمدير مركز الخدمة و هيحلوا لك المشكلة و ما تقلقش
انا قلت ماشيمعنديش مشكلة المهم يكتبوا لي في تقرير الصيانة انه حصلت مشكلة في سن كارتيرة الزيت و هي بتتفك و تم حلها بالطريقة الفلانية و اي مضاعفات تنتج بسببها في المستقبل سواء تسريب زيت او اي حاجة تاني تكون مسؤولية مركز الخدمة
الراجل قال اوكيه و دا حقك وهبلغ مركز الخدمة بالكلام دا و خلص الكلام علي كدا
بعد شوية مدير المركز قاللي خلاص العربية جاهزة و تقدر تستلمها قلتله طيب انتو اعملتوا ايه قالللي ركبنا وردة و الطبة ربطت معانا و تمام التمام !!!!
قلت له ازاي وردة يعني و انتوا بتقولوا ان السن كله نزل !!! قاللي ربطنا تيفلون في طبة الزيت و ربطت كويس و مفيش اي تسريب و بعد 48 ساعة تزورنا تاني نعمل فحص و نوف هل فيه تسريب و لا لأ
قلته طيب مفيش مشكلة بس حضرتك تكتب لي الكلام دا في التقرير بتاع الصيانة عشان لو حصل تسريب انتم مسؤولين عنه قعد يماطل في الكلام و يلف و يدور و بدا يلخبط في الكلام مرة يقول انهم ركبوا الطبة الاصلية و مره يقول انهم ركبوا طبة مقاسها اكبر و بصراحة حسيت انهم بيصرفوني و خلاص و عاوزين يكتموا عالموضوع
انا بصراحة قفلت معايا و اتصلت بخدمة عملاء رينو تاني و عملت شكوي بالتليفون بخصوص الموضوع دا و كان رد الشخص اللي بيرد عليا انه خلال 48 ساعة هيكلموني بخصوص المشكلة حتي الان محدش كلمني لسه
و رفضت استلم العربية منهم بالشكل دا وسلمتهم العربية بمحضر استلام رسمي و مشيت الساعة 8 مساءا
المهم انا عرفت من فني بالتوكيل بالصدفة انهم حطوا تيفلون و لحام عالبارد معجون 2*1 !!! ومفيش اي تسريب !!!
بالذمة دا كلام يا جماعة يرضي ربنا حد يعمل كدا لحام اتنين في واحد !!
المهم دلوقتي انا مش هسكت عالمهزلة دي و مش هسيب حقي من الناس دي
تنصحوني اتصرف ازاي
انا بصراحة قرفت من المركز دا و بالذات من مدير المركز و طالما هما بيغشوا كدا و بيتعمدوا يستكردوا الناس يبقي مش هسكت
انا كنت سمعت موضوع عنهم بخصوص عربية سيراتوتقريبا كانت عامله حادثة و بتتصلح عندهم و محتاجة قطع غيار من ضمنها فوانيس و طبعا البهوات ركبوا للعربية فوانيس صيني علي انها اصلي و بنفس سعر الاصلي و الراجل اكتشف الموضوع دا لما لقي الكشاف مش راكب كويس زي الاصلي و لقيه مختلف تماما و مش بنفس الجودة و كانت مشكلة كبيرة و الراجل قصهم في الحساب قصه محترمة
بصراحة انا اما عرفت كدا فقدت الثقة تماما فيهم و قلت لازم افتح عنيا كويس و انتبه لهم جامد
تنصحوني بايه يا رجالة عشان حقي ما يضيعش من الناس دي
منتظر تفاعلكم و ردكم السريع و اسف اني طولت عليكم
ياااااااااااااا رب
رقم العضوية : 72357
تاريخ التسجيل : 05Jun2010
المشاركات : 1,226
النوع : ذكر
الاقامة : egypt
السيارة: رينو لوجان 2012
السيارة[2]: 128&رينو1987&لانوس2010
دراجة بخارية: .3.
الحالة :
حماية المستهلك وش
لا تكن أحادي الرأي فمن الجميل أن تؤثر وتتاثر
رقم العضوية : 116973
تاريخ التسجيل : 21Nov2011
المشاركات : 304
النوع : ذكر
الاقامة : اسيوط
السيارة: لا يوجد
السيارة[2]: لوجان 2012
دراجة بخارية: لا يوجد
الحالة :
رقم العضوية : 7612
تاريخ التسجيل : 18Mar2008
المشاركات : 867
النوع : ذكر
الاقامة : ALEX
السيارة: RENAULT LOGAN 2010
السيارة[2]: fiat 128
دراجة بخارية: لا
الحالة :
ابعت الشكوي علي جروب رينو في الفيس بوك ... هما بيقلقوا من التسييح في الجروب جدا ... خصوصا ان معاك حق
رقم العضوية : 798
تاريخ التسجيل : 27May2007
المشاركات : 1,591
النوع : ذكر
الاقامة : Qena
السيارة: Peugeot 505 station1982
السيارة[2]: Renault Logan MCV 2009
دراجة بخارية: لا يوجد
الحالة :
في البداية بشكر حضراتكم جدا علي التفاعل معي و لكني بصراحة هأجل الخطوة دي لغاية ما شوف رد فعل الشركة المصرية العالمية وكيل رينو في مصر بناءا عليه هيترتب باقي الخطوات
اشكرك يا باشا علي نصيحتك و انا فعلا علمت شكوي في مشاركة عالصفحة بتاعة رينو مصر عالفيسبوك امبارح بالليل و لسه مفيش اي استجابة حتي الان
Willkommen bei Facebook - anmelden, registrieren oder mehr erfahren
معاهم للساعة 2-3 و بعد كدا لو محدش كلمني انا هبعت لحماية المستهلك و لرينو فرنسا مباشرة
انا عل مصالحي و شغلي واقفه بسبب عدم وجود العربية و مش عارف اعمل حاجة تماما
ربنا ييسر الحال
ياااااااااااااا رب
رقم العضوية : 7018
تاريخ التسجيل : 06Mar2008
المشاركات : 6,388
النوع : ذكر
الاقامة : Cairo
السيارة: Mercedes C200
السيارة[2]: Golf MKII
دراجة بخارية: Honda CBR 400 FireBlade
الحالة :
ربنا معاك .. أنا مقدر طبعا شعورك خاصة انك سايب العربية عندهم.
ربنا يعديها على خير ان شاء الله.
القران الكريم بجودة صوت عاليه جدا
http://www.nilemotors.net/Nile/230790-a.html
رقم العضوية : 13565
تاريخ التسجيل : 24Jun2008
المشاركات : 191
النوع : ذكر
الاقامة : Cairo
السيارة: إكسيل, لانوس
السيارة[2]: لوجان
دراجة بخارية: no
الحالة :
واللة حرام تلاقيك دافع صيانات على الاقل 3 ضعف تمن الكارتيرة دى !!
وتوكيل فرنساوى مش يحترموا الماركة واسم الشركة النضيف !!
مصر النسيم في الليالي وبياعين الفل ,, ومرايه بهتانة ع القهوة .. أزورها .. واطل .
النخل في العالي والنيل ماشي طوالي ,,معكوسة فيه الصـور .. مقلوبة وانا مالي. صــــــلاح جـــــاهيــــن
رقم العضوية : 77128
تاريخ التسجيل : 06Aug2010
المشاركات : 378
النوع : ذكر
الاقامة : cairo
السيارة: logan
السيارة[2]: logan
دراجة بخارية: لا يوجد
الحالة :
على فكره تم اصلاح المشكله وتغيير الطبه بس مش عارف صاحب الموضوع منزلهاش هنا ليه وعمل شكر على موقع رينو
رقم العضوية : 442
تاريخ التسجيل : 03May2007
المشاركات : 3,648
النوع : ذكر
الاقامة : Egypt
السيارة: 127 & 128
السيارة[2]: Logan 2010 FO
دراجة بخارية: none
الحالة :
رقم العضوية : 25108
تاريخ التسجيل : 13Nov2008
المشاركات : 239
النوع : ذكر
الاقامة : cairo
السيارة: lanos
السيارة[2]: 128
دراجة بخارية: لا
الحالة :
اكيد لا.... مجرد انه شاف الشكر على موقع رينو
المفضلات