نيسان صني ولا اكسنت rb ولا شيفرولية أوبترا

**iv727** · 29-04-2012 02:23 AM

السلام عليكم

ايه رأيكم يا جماعة أختار أي عربية في دول:
1- نيسان صني سوبر صالون.
2- هيونداي اكسنت rb أول فئة أوتوماتيك.
3 - شيفرولية أوبترا أوتوماتيك.

طبعا ال 3 عربيات في نفس السعر تقريبا، انا عايز حاجة أوتوماتيك وزيرو، اللي يهمني ان العربية تكون قطع غيارها متوفرة بشكل كبير واسعارها معقولة.

انا قريت مقارنات كتير عن الصني والأوبترا، بس عايز أعرف الفرق في قطع الغيار لصالح مين، وكمان دلوقتي الأكسنت rb شكلها حلو وتكنولوجيا أحدث بس امكانيات أقل من الصني في نفس السعر، ومعرفش حاجة عن قطع غيارها، ياريت يا جماعة اللي عنده خبرة يفيدني.

ولو في حاجة تانية في نفس السعر أو أقل كويسة وقطع غيارها متوفرة ياريت تقولولي.

**abou-yahia** · 29-04-2012 11:41 AM

انصح حضرتك بلاتي :

اولا حضرتك تزور كل قسم منهم وتقرا تجارب الاعضاء والمشاكل بتاعت كل عربيه

ثانيا تروح تزور مركز خدمه كانك بتسال علي عربيتك وتقعد تسمع من خبرات الناس اللي هناك وتقدر تحكم بنفسك عن مستوي مراكز الخدمه .

ثالثا انت لازم تحدد احتياجاتك من العربيه اللي انت عايزها

ترجع هنا تسالنا عن استفساراتك بعد اللي انت شوفته شان محدش يفتيلك او يعيش عليك

غير كده انا شايف انك تبقه غلطان انك تدفع فلوس علي السمع بس

وربنا يوفقك للي فيه الصالح

وشكرا

**abou-yahia** · 29-04-2012 11:48 AM

صحيح كمقارنه اسعار قطع غيار الاوبترا عن الصني

الاوبترا قطع غيار اقل والاتنين منتشرين

وشكرا

**Bently** · 29-04-2012 07:43 PM

المشاركة الأصلية كتبت بواسطة iv727

ألف شكر على رد حضرتك

أنا دخلت هنا المنتدى وقريت مقالات كتير جدا عن كل العربيات اللي في السعر ده وعجبني عربيات كتير بس كل حاجة كان بيبقى ليها مشكلة بالنسبالي أنا من أهم الحاجات عندي ان العربية يبقى ليها قطع غيار منتشرة لأن أنا ساكن في الزقازيق وفي عربيات هنا ملهاش قطع غيار.

يعني أنا مثلا عجبتني جدا البيرسونا إليجانس بس ملقتلهاش أي حاجة في الزقازيق.

الصني والأوبترا ليهم حاجات في الزقازيق عشان كدة فكرت فيهم وقريت عنهم ريفيوهات كتير قوي كل واحدة منهم ليها ميزة عن التانية بس أنا ميال للصني أكتر عشان وسائل الأمان.

لكن في نفس الوقت فكرت في الأكسنت rb لقيتها بدأت تنتشر وفيها تكنولوجيا أحدث وشكل التابلوة جميل لكن معرفش حاجة عن العربية نفسها من ناحية الإعتمادية بتاعتها واستحمال عفشة لشوارعنا الجميلة و العمر الإفتراضي للموتور، أنا مش ناوي أغير العربية لفترة كبيرة وعايز حاجة تستحمل ومتوجعليش دماعي بعد نهاية الضمان

انا كنت فى نفس حيرة حضرتك...بس كانت الحيرة بين الصنى و الار بى (عشان احدث من الابترا)
فالصنى قوة و تحمل و ثباااات و اماااااااااااااان وشكلها الخارجى كلاسيكى بس محترم (يتحب)
الار بى شكل جديد و شبابى و تابلوه جميييييييييييل من ناحية الشكل مش الخامات
فاخترت الصنى عشان محتاج كل ميزة فيها و لحد النهاردة مقتنع جدا باختيارى
شوف احتياجات حضرتك و ربنا يوفقك

**Sehsss** · 29-04-2012 07:57 PM

صني، يا باشا كفاية إن السوبر صالون بتتفوق على الاتنين في الكماليات، ودا مش معناه إن العربيتين التانية وحشين، بالعكس الثلاثة ممتازين

**mody3on** · 29-04-2012 11:27 PM

صني احسن لان فيها وسائل امان مش اكتر , انا بفضل الاكسنت في كل حاجة تانية بس الاكسنت متتجابش غير الهايلاين عشان الايرباج وال abs , لو ناوي على اول فئة يبقى هات السوبر صالون