الكوريك التمساح مبيتصلحش ؟

**misoalex** · 29-04-2012 11:49 PM

المشاركة الأصلية كتبت بواسطة axel

بيتصلح يا باشا بس عايز اقولك ع حاجة اغلب اللي هتلاقيه بيتباع ع الواقف مضروب و الطن بيبعوه ع انه 2 طن يرشوه و يغيروا العلبة غير ان طبعا زي ما شوفت بيبوظ عالطول

عايز نصيحتي هات كوريك زي الفبريكة اللي اسمه العفريتة تقريبا اللي عامل زي السمبوكسة بصراحة برقبة التمساحة ملوش صيانة نهائيا غير انك لو حسيت بخشونة فيه حتة شحم ع المسمار الكبيرة
وزنه خفيف جداااا و تقدر تخطه ورا الجنط في الشنطة منها يصد اي خبطة لا قدر الله و منها مياخدش مساحة
ده توضيح ع ادي للي قصدي عليه معلش المستخدم برنامج الرسام هههههههه

كل كوريك وليه مميزات وعيوب الكوريك ده مثلا مره اخد العربيه ونزل بس الحمد لله مكنتش فكيت العجل لسه عشان القاعده بتاعته مش بتتثبت كويس على الارض عشان صغيره
وخصوصا لو مش واقف على الاسفلت وواقف فى حته رمل او مكسره حيتعبك اخر حاجه
وعلى فكره هو المفروض ليه فتحه يتثبت فى العربيه من عند العتب لان غير كده ممكن يتزحلق برضه
عموما هو على حسب كل واحد مهو متعود ولولا اختلاف الازواق لبارت السلع

**lad** · 30-04-2012 12:54 AM

الكورك التمساح لو اتقلب بيفضى الزيت لازم يفضل عدل يعنى على العجل بتاعه

**pegpus** · 10-05-2012 05:14 AM

فى شارع \ احمد سعيد على الرصيف اللى فيه البنزينه حتلاقى محل متخصص بيع وتجديد كواريك ممتاز انا اشتريت منه كوريك مستعمل لسيارتى شيفورليه استيشن سياره ثقيله جدا \ ولديه صيانه ايضا بضمان واكد عليه اولا

**ahmed_h_g** · 10-05-2012 05:56 AM

شكرا" ليك
هروح أجرب شغله ان شاء الله

**AHMED MOHSEN** · 28-07-2012 06:47 AM

طب يا حضراااااات ماتقولونا اسم الراجل ده ايه لاني رحت هناك ولقيت واحد اسمه الحاج اشرف وعنده شب اسمه حماده علي نفس الخط بعد بنزينة التعاون ربنا لا يباركلهم نصابين واشرف ده مش سالك كده ملاوع
خدت من عندهم كوريك 1.5 مستعمل ب 70 جنيه لولا الواحد كان مستعجل بس
حسبنا الله ونعم الوكيل

**Nistelrooy** · 28-07-2012 10:16 PM

المشاركة الأصلية كتبت بواسطة Axel

بيتصلح يا باشا بس عايز اقولك ع حاجة اغلب اللي هتلاقيه بيتباع ع الواقف مضروب و الطن بيبعوه ع انه 2 طن يرشوه و يغيروا العلبة غير ان طبعا زي ما شوفت بيبوظ عالطول

عايز نصيحتي هات كوريك زي الفبريكة اللي اسمه العفريتة تقريبا اللي عامل زي السمبوكسة بصراحة برقبة التمساحة ملوش صيانة نهائيا غير انك لو حسيت بخشونة فيه حتة شحم ع المسمار الكبيرة
وزنه خفيف جداااا و تقدر تخطه ورا الجنط في الشنطة منها يصد اي خبطة لا قدر الله و منها مياخدش مساحة
ده توضيح ع ادي للي قصدي عليه معلش المستخدم برنامج الرسام هههههههه

عندي التمساح وبايظ في العربية
وعندي المثلث وبايظ في العربية ..

وكان موقفي وحش لما العربية عملتها علي الدائري واضطريت اشحت كوريك من تاكسي xD

الكوريك المثلث بيلف علي الفاضي لا بينزل ولا بيطلع !!

**Nistelrooy** · 28-07-2012 10:18 PM

ياريت بالظبط فين ف شارع احمد سعيد علشان نروح احنا كمان اصلح الاتنين الي عندي ولا اجيب حاجة مستعملة !

**tarek l gammal** · 08-02-2016 05:22 AM

انا الكوريك فيه صاموله اتكسرت و فضى الزيت اللى فيه كله
و كل ما احط زيت يشتغل سنه و يقف و ينزل الزيت كله . روحت لواحد يصلحه طلب 120 ج
روحت لخراط يعملى صاموله غير اللى اتكسرت و هركبها و انزلك النتيجه