غطاء العربية حماية ام ضرر

**amirboulos** · 29-04-2012 11:38 PM

يا شباب كنت عايز اخد رائيكم في موضوع غطاء العربية ده ...انا معايا لوجان 2012 طبعا بغطيها علشان التراب واذي اطفال الشارع ..بس بلاحظ ان الغطاء بينزل تراب علي العربية ولما بشيله بحس ان التراب مع تقل الغطا وهو بيتلم من علي العربيه مع الوقت هيأثر علي الدهان وهيطفي اللون ...فكرت اجيب الغطا الوتر بروف اللي ليه ناحيه قطيفه من جوه ...مش عارف...ايه رائيكم مع العلم اني لازم اغطيها هل الغطا ده افضل ولا في خامات تاني احسن ولا اعمل ايه ؟؟

**hzem** · 29-04-2012 11:43 PM

فصل غطاء بلاستيك تقيل من حوه مشمع علشان المطر و التراب

**hossam_elwani** · 29-04-2012 11:50 PM

الووتر بروف افضل ولكن كلهم بيلمو تراب انسى......

**keeko** · 30-04-2012 01:59 AM

هو الغطاء العادي بكام دلوقتي؟؟

**amr.elsayed** · 30-04-2012 02:08 AM

احسن حاجة تحافظ على دهان العربية الوتر بروف الخفيف علشان بيحميها من الشمس ومن الاطفال وحتى التراب
اللى بيدخل تحت الغطا بيبقى التراب الناعم .. لو العربية اتعملت بالريشة حتبقى بتلمع
عيبه الوحيد انه بيتقطع بسرعة بالذات لو بتركن فى منطقة حيوية

**sherifboo** · 30-04-2012 03:20 AM

المشاركة الأصلية كتبت بواسطة amr.elsayed

احسن حاجة تحافظ على دهان العربية الوتر بروف الخفيف علشان بيحميها من الشمس ومن الاطفال وحتى التراب
اللى بيدخل تحت الغطا بيبقى التراب الناعم .. لو العربية اتعملت بالريشة حتبقى بتلمع
عيبه الوحيد انه بيتقطع بسرعة بالذات لو بتركن فى منطقة حيوية

ودة ده رنج سعره كام اخي الكريم

**amr.elsayed** · 30-04-2012 03:48 AM

هو فيه منه اسعار كتير عند بتوع الغطيان .... وانا لما جيبته كان معانا فى قسم رينو عضو اسمه هانى شاتو الله يمسيه بالخير
وكان جايب لنا عرض من شركة اسمها توب كافر وكان سعره 150 جنيه بس هو دلوقتى اغلى طبعا
بس بامانة كان غطا تحفة وفيه حزام بيلف من تحت العربية علشان ميطيرش
دة غير انه متفصل على العربية والمرايات بالظبط وفيه سوست فى الاجناب علشان لو عايز تفتح باب ماتشيلش الغطا كله
وبيجى فى شنطة انا ممكن ادفع فيها ال 150 بصراحة هو جميل جدا ويستاهل سعره ربنا يكرمه بقى هانى كان ظبطنا فى الموضوع دة وجابلنا العرض دة
على فكرة هم ليهم سايت على النت ممكن تعمل عليهم سيرش فى جوجل وتتصل بيهم تسال على سعر الغطا كام حاليا
.....................
لكن لو مستغلى سعره ممكن تلاقى حاجات شبهه برة بس طبعا مش زيه وبيبدأ سعره من 60 جنيه وانت طالع على حسب الخامة والتفصيل

**sherifboo** · 30-04-2012 03:57 AM

المشاركة الأصلية كتبت بواسطة amr.elsayed

هو فيه منه اسعار كتير عند بتوع الغطيان .... وانا لما جيبته كان معانا فى قسم رينو عضو اسمه هانى شاتو الله يمسيه بالخير
وكان جايب لنا عرض من شركة اسمها توب كافر وكان سعره 150 جنيه بس هو دلوقتى اغلى طبعا
بس بامانة كان غطا تحفة وفيه حزام بيلف من تحت العربية علشان ميطيرش
دة غير انه متفصل على العربية والمرايات بالظبط وفيه سوست فى الاجناب علشان لو عايز تفتح باب ماتشيلش الغطا كله
وبيجى فى شنطة انا ممكن ادفع فيها ال 150 بصراحة هو جميل جدا ويستاهل سعره ربنا يكرمه بقى هانى كان ظبطنا فى الموضوع دة وجابلنا العرض دة
على فكرة هم ليهم سايت على النت ممكن تعمل عليهم سيرش فى جوجل وتتصل بيهم تسال على سعر الغطا كام حاليا
.....................
لكن لو مستغلى سعره ممكن تلاقى حاجات شبهه برة بس طبعا مش زيه وبيبدأ سعره من 60 جنيه وانت طالع على حسب الخامة والتفصيل

10000 شكر لحضرتك بس انا معايا stepway وميتهيألي كده ان من المستحيل الاقي المقاس المظبوط

..هل ممكن غطا الماتريكس ييجي عليها اصل بحس انهم نفس الابعاد و شكرا ليك مرة تانية

**amr.elsayed** · 30-04-2012 05:11 AM

العفو يا باشا على ايه .. بس نصيحتى لحضرتك انك وانت بتشترى الغطا تكون العربية معاك علشان تقيس الغطا على العربية
لكن لو حاولت تجيبها بالتقدير ممكن يطلع واسع او ضيق فا لازم تكون عند الراجل بالعربية