الموضوع: سؤال لذوى الخبرة والتجارب

كل العربيات تستحمل الي حضرتك بتتكلم عليه ده انت لو جبت لانوس هتستحمل الموضوع ده عادي

الفكره في ال 90 الف دول عايز مستعمل ولا جديد لو جديد قدامك خيارات قليله زي صني واوبترا تقريبا وممكن يبقوا اغلى كمان

لو يوزد عندك بقى كل الي نفسك فيه النترا سيراتو صني كورولا بورا لانسر اوكتافيا ايه 4 نضيفه جدا

رايي الشخصي لو انت عايز عربيه صيانتها سهله والكلام ده متطلعش من الصني والانسر وال 90 الف دول يجيبولك صني كسر زيرو ده كمان 80 او 85 الف صني كسر زيرو واتوماتك ويجيبولك كمان لانسر موديل عالي نضيف جدا جدا جدا وبرضو كورولا موديل عالي بس الكورولا عيبها الوحيد الثبات

لو عايز تركب ركوبه ممتازه اركب سكودا ايه 4 بس بصراحه ممكن تعاني شويه في قطع الغيار والصيبانه على حسب انت ساكن فين لاي مش اي حد يشتغل فيها بس ك ركبوه ممتازه وعيبها الوحيد انها ضيقه

انا رايي الشخصي بدل ما توجع دماغك الفروقات بين العربيات الي في السعر ده مش عاليه قوي يعني مفيش فرق شاسع اوي بين الكورولا ولانسر والصني والنترا كل عربيه متفوقه على الاخري في حاجه وخسرانه في حاجه تانيه

العربيه الي تلاقيها قدامك نضيفه ومضمونه من غير ما توجع دماغك في التدوير خلص فيها وانجز مصالحك
بس انت فعلا اي حاجه تشتريها النهارده لازم متدفعش عربون اكتر من الف جنيه وتطلع على المرور التابع ليه العربيه وتعمل استعلام امني عنها عشان المسروقات كتيره اليومين دول وكمان في حاجات كتيره اوي رخصها وورقها كله مضروب في مضروب

1_ صني
2_ كورولا

ألف شكر يا جماعة .. بجد كنت محتار والحمد لله ابتديت ارسى على بر

1000 1000 شكر بجد :)

جزاكم الله خيرا يا رجالة

بجد الف شكررررررررررررررررررررر يا رجالة

بس كان عندى استفسار صغير كمان معلش .. اي رأيكو فى الهيونداى عامة من ناحية التحمل والوكيل وقطع الغيار و هل هى معمرة وللا ؟ وبصفة خاصة ال i20

والنيسان صنى انا قريت عنها كلام مش تمام بالنسبة لكثرة العيوب واسعار قطع غيارها غالية نسبيا ؟؟؟

نيسان صنى ثبات قوة تحمل واتزان عالى
قطع غيار متوفره واسعاها مناسبة جدا
وتوكيل محترم جدا
وبالسعر اللى انت عايزه
وشكلها حلو
ويابانى