الموضوع: ما هي الأوبترا؟

الأوبترا سياره مواصفتها كالآتي:
http://up13.up-images.com/up/viewimages/74ef875df9.png

ومميزاتها كالآتي:
1- سياره عائليه بكل معنى الكلمه
2- واسعه تماما
3- ثبات عالي (على ارغم من بند 28)
4- إستهلاك بنزين موفر
5- قطع غيار متوفره
6- أسعار قطع غيار رخيصة وفي ماتناول الجميع
7- سعر البيع تنافسي جدا
8- سعر إعادة البيع ممتاز
9- مراكز الصيانه متوفره في كل مكان
10- أماكن تخزين داخليه كثيره
11- رحابه الصالون
12- شنطة واسعه وكبيره
13- طابلوه شيك إلى حد ما
14- قليلة الأعطال
15- تكييف ممتاز
16- سنتر لوك
17- ريموت كنترول
18- مرايات كهرباء
19- زجاج كهرباء
20- خدمه شاقه
21- سفر طويل (مريح)
22- شكل جذاب
23- قطع غيار GM
24- مصاريف الترخيص معقوله جدا
25- إمكانيه تركيب إكسسوارات كثيره بشكل مميز
26- خامات التابلوه جيده
27- وضعية قياده مريحه
28- إرتفاع مناسب جدا عن الأرض (نظرا للطرق المصريه المميزه)
29- مفتاح السياره ريموت شامل
30- صناعه كوري 100% (المصريين ممدوش إديهم فيها والحمد لله)
31- فتيس ممتاز
أما العيوب:
1- صاج ضعيف (مع وجود سيارات أخرى بصاج أضعف)
2- بدون إير باج
3- بدون ABS
4- كاسيت فقير في بعض الموديلات
5- صوت المحرك عالي نسبيا (ودي طبيعة الشيفروليه عاما)
الصيانه:
1- مراكز الصيانه كتير ومنتشره في كل مكان
2- أحسنهم بالترتيب
* مركز هاي كواليتي (مدينة نصر بجوار مدرسة المنهل - الحي الثامن)
* مركز صيانة منصور بالتجمع الخامس (بجوار الجامعة الأمريكية)
* مركز أبو غالي (مدينة العبور - خلف سوق العبور - أمام كارفور)
* مركز إخوان مقار (بالمهندسين - شارع أحمد عرابي)
* مركز منصور (بالهرم)
* مركز منصور برابعه العدويه (مدينة نصر - شارع الطيران - أمام مسجد رابعة العدويه)
* مركز منصور (النزهة الجديدة - آخر جسر السويس - شارع جوزيف تيتو - بجوار حمدي لادا)
الخلاصه:
السياره مميزاتها كتير وأكتر من عيوبها، كذلك العيوب الموجوده يمكن تحسينها بإستثناء الصاج الضعيف.
كذلك كل ماسبق كان بناءا على الإستخدام الشخصي وأكثر آراء السادة الأعضاء و وكلاء الصيانه.
التقييم يختلف تبعا وطريقة الاستهلاك وطريقة الصيانه سواء دورية أو في مراكز معتمده من غيره.
أما بالنسبه للشكل وشكل التابلوه فهذه أشياء نسبيه يعني مسألة أذواق.
إليكم بعض النصائح (يا تاخدوا بيها يا ماتخدوش):
* حافظ على الصيانة في مياعادها (مش كل 5000) خليها كل 20000 (ده بالنسبة للي خرج بره الضمان) ويا ريت تكون في التوكيل أو مركز صيانه معتمد.
* ما تروحش غير لمراكز الصيانه التي أشاد بها الأعضاء.
* ما تروحش غير لمراكز الصيانة التي تتم فيها أعمال الصيانه أمام عينك.
* الزيوت والفلاتر وجميع السوائل مش محتاجه تتغير في التوكيل إلا لو هتتغير بسبب مشكله ما.
* صاين العربية وصونها تصونك ستهينها (آسف) هتهينك.
* لا تعتمد على تجارب الآخرين (ومنهم أنا) في تقييم سيارتك أنت أقدر واحد على تقييم سيارتك.
* لو حد حب يقارن بين الأوبترا وأي سياره لازم تكون المقارنه مبنيه على نفس الأساس (يعني مايجيش واحد بيحب الجري أوي ويقولك دي مابتسحبش مثلا زي الهوندا لأن الأوبترا سياره عائلية مش سياره جري وهري) مثلا محدش يقولك دي عفشتها ناشفه في المدقات لأن ده طبيعي دي مش عربية 4X4 دي سيدان عاديه .... وهكذا.
* نصيحه شخصيه منصورفي الصيانه (آسف دول عصابه أو شوية حراميه).
كل ما سبق رأي شخصي بحت وغير ملزم لأي شخص بس مجرد نقل خبرات وآراء يا تاخد بيه يا ماتخودش.
هذا الرابط عن مواضيع الأوبترا في المنتدى (http://www.nilemotors.net/Nile/38458-a.html)
لو حد قام بتجربة ما أو صادفته مشكله وعرضها على المنتدى وأخذ رأي الناس أو لم يأخذ فبرجاء تكملة الموضوع وتوضيح كيف تم التوصل لحل مشكلته أو كيف أتم إضافتة وإلى ماذا أدت
وهذه بعض أسعار قطع الغيار (منقول عن الساده الأعضاء)
1- فلتر زيت 15.5 جنيه
2- فلتر بنزين 37 جنيه
3- فلتر هواء 53.5 جنيه
4- بوجيهات 121 جنيه
5- تيل فرامل امامي 224 جنيه
6- تيل فرامل خلفى 288 جنيه
7- طنبورة اماميه 461 جنيه
8- طنبوره خلفيه 272 جنيه
9- مساعد أمامى 500 جنيه
10- مساعد خلفى 390 جنيه
11- سير كاتينة 218 جنيه
12- شدادة سير كاتينة 242 جنيه
13- بلية كاتينة 121 جنيه
14- سير دينامو 99 جنيه
15- شدادة سير دينامو 222 جنيه
16- فانوس امامي 790 جنيه
17- فانوس خلفي 522 جنيه
18- اكصدام امامي 1353 جنيه
19- اكصدام خلفي 1353 جنيه
20- كابوت 1412 جنيه
21- شبكة امامية 400 جنيه
22- علامة شيفروليه الخلفية 100 جنيه
23- كف مراية ( الازازة) 75 جنيه
24- قنطرة امامية 3542 جنيه
25- ردياتير 1362 جنيه
26- سربانتينة 2283 جنيه
27- سير المحرك 100 جنيه
28- قربة مياه بالغطاء 120 جنيه
29- علبة البيئة 3680 جنيه
30- كارتيرة عجلة أماميه 140 جنيه
31- دلايات عجل 120 جنيه
32- جنط سبور 14 بوصه 1500 جنيه
33- جنط عادى 15 بوصه 500 جنيه
34- طاسة عجل 120 جنيه
35- اسبراي تنظيف طنابير 21 جنيه
36- اسبراي تنظيف محرك 23 جنيه
وده رابط الموضوع:
http://www.nilemotors.net/Nile/161611-a.html
ما كان من توفيق فمن الله وما كان من سهو أو خطأ فمني ومن الشيطان وتقبلوا مروري
أخوكم / أمـجــــــد

تسلم ايديك