رايكوا فى كيا ريو 2012 الجديدة

**mostafa basha** · 02-05-2012 09:39 PM

السلام عليكم

طبعا دا اول موضوع ليا بس ان متابع المنتدى من فترة وعاجبانى الروح الجميلة اللى بين الناس ومساعدتهم لبعض فى كل حاجة وفى المشاكل اللى بتقابل كل واحد وكمان شايف ان المنتدى فى ناس خبرة وفاهمة فى كل حاجة تخص العربيات....

المهم نيجى لمشكلتى..
انا بقالى فترة عاوز اجيب عربية زيرو وكنت محتار بين انواع عربيات كتيرة و روحت معارض كتير لحد ما عجبتنى الكيا ريو الجديدة 2012 هاتشباك وبصراحة جامدة جدا وكنت ناوى خلاص من تانى يوم اروح اشتريها وكانت high line وبصراحة فيها كل الامكانيات اللى ممكن اى حد يتخيلها.
بس بعدها ناس كتير قالتلى ان العربية ضعيفة وكمان تقيلة جدا فى السحب علشان الموتور بتاعها 1400cc والاوتوماتك فيها اربع سرعات بس ورشحوا لى الكسنت rb او البروتون جين 2 على اساس انهم اقوى وكمان 1600cc
فياريت كل واحد يقول راية فى الكيا ريو خصوصا لو كان ركبها وهل هى الافضل ولا accent RB او Gen 2 بس يكون عن تجربة فعلا.........

**mody3on** · 02-05-2012 09:44 PM

انا مركبتهاش , ينفع اقول رايي ؟ :)
عربية حلوة جدا شكلها جميل اوبشن عالي جدا وواسعة , توكيل كويس , مش ضعيفة زي ما انت متخيل يعني , 110 حصان يعني متوسطة , نفس شاسيه الاكسنت مع اختلاف الاوبشن
لو عاجبك شكلها هاتها , بس انا بفضل الاكسنت عشان موتور اقوى وشكل احسن واعادة بيع احسن , مش معنى كده ان الريو بطة برضه , موتورها تقريبا نفس قوة موتور الفيرنا , بالنسبة للفتيس كلهم 6 سرعات ومفيش عربية تحت 130 الف جنيه فتيسها 6 سرعات اعتقد , غير الالنترا والبولو والابيزا

**mostafa basha** · 02-05-2012 10:44 PM

طبعا ينفع وشكرا على المشاركة
والريو فعلا 109 حصان بس هى 4 سرعات بس

**Hosam_Optrawy** · 02-05-2012 10:45 PM

بإختصار لو يهمك الجرى اوى بلاش وخليك فى حاجه 1600 , لكن هى موتورها مناسب لحجمها

كلامى مش عن تجربه برضه :)

**Hosam_Optrawy** · 02-05-2012 10:51 PM

المشاركة الأصلية كتبت بواسطة mostafa basha

يعنى اكسنت ولا ريو ؟

ريو عاجبانى فى كل حاجه عن الأكسنت ماعدا انها 1400 سى سى

يعنى لو جبت اكسنت هاجيبها عشان هى 1600 وارخص , لكن لو مابجريش كتير وبامشى عادى وفى نفس الوقت العربيه مش بطه يعنى وعايز اوفر فى البنزين يبقى ريو

انا عارف ان الموضوح محير وانا شخصيا مش قادر احسمه لحد دلوقتى من ساعة ما الريو نزلت , الاختيار يرجع لاحتياجات كل شخص

**Hosam_Optrawy** · 02-05-2012 10:57 PM

المشاركة الأصلية كتبت بواسطة mody3on

بالنسبة للفتيس كلهم 6 سرعات ومفيش عربية تحت 130 الف جنيه فتيسها 6 سرعات اعتقد , غير الالنترا والبولو والابيزا

الريو 4 سرعات يامعلم زى الاكسنت , ال 6 سرعات النترا وسيراتو وسول وكروز وسونيك

البولو والابيزا 7 سرعات dsg

**Hosam_Optrawy** · 03-05-2012 12:09 AM

المشاركة الأصلية كتبت بواسطة mostafa basha

شكرا حسام
و فعلا الموضوع محير فوق ما تتخيل خصوصا انى حشترى الاسبوع دة او اللى جاى بالكتير

احسبها بالورقه والقلم وصلى استخاره وبالتوفيق فى القرار ان شاء الله ربنا يكتبلك الخير

-

الموضوع: رايكوا فى كيا ريو 2012 الجديدة

LinkBack

أدوات الموضوع

عرض

-

-

-

-

-

المواضيع المتشابهه

كنت عاوز اعرف رايكوا في فانتازيا 2012

محتار النترا 2012 الجديدة ولا شيفروليه كروز 2012

جيب رانجلر 2012 الجديدة ...

Byd f3 2012 الجديدة

الريو الجديدة 2012

الكلمات الدلالية لهذا الموضوع

المفضلات

المفضلات

ضوابط المشاركة