المرايا كالعادة

**drwaelhassan** · 03-05-2012 12:08 AM

إزيكو يا شباب - النهاردة الحمد لله المرايا اليمين خبطت فى عربية نقل - المهم هى سابت من مكانها خالص و الزجاج الحمد لله ما اكسرش.
المهم لما رحت الشغل و احد صحبى فك المرايا لقى فيها حتة بلاستيك اتكسرت و السوستة بتاعت المرايا اللى بتمسك الدراع إتفكت عشان كانت بتلبس فى حتة البلاستيك اللى اتكسرت . المهم حاولنا كتير اننا نوصل السوستة بأى مكان تانى منفعش عشان طول السوستة، بعد كدة طولنا السوستة شوية و شبكناها فى مكان تانى و مسكت الحمد لله و ثبتت بس بقى فيه فراغ نتيجة الطول فمبخليش المرايا توصل و تمسك فى أخر الذراع زى الأول و مش ماسكة قوى.

رحت لواحد فى صقر قريش قالى سيبهالى يومين عشان لازم نخرط الحتة اللى اتكسرت بس شكله مكنش فاهم حاجة.

الحمد لله جربت الكهرباء شغالة مفهاش مشكلة.

رأيكم إيه أسيبها كدة و لا أركب واحدة جديدة ؟ و هى ثمنها كام و مين اللى بيركبها؟؟؟

**blackhorse123** · 03-05-2012 12:38 AM

الموضوع ده كان بيتكلم عن مرايات اللوجان ممكن تستفاد منه

http://www.nilemotors.net/Nile/284592-a.html

**Egyzizo** · 03-05-2012 01:57 AM

طالما البديل تشترى واحدة جديدة ، يبقى مش هتخسر حاجة لما تسيبه يجرب.

**akerima** · 03-05-2012 10:37 AM

تصليح المرايا من اسهل ما يمكن حاول تدور علي واحد بيصلح مرايات يكون نضيف

للاسف لو كنت من اسكندرية كنت دليتك علي واحد كويس

**halem0000** · 03-05-2012 11:01 AM

المشاركة الأصلية كتبت بواسطة akerima

تصليح المرايا من اسهل ما يمكن حاول تدور علي واحد بيصلح مرايات يكون نضيف

للاسف لو كنت من اسكندرية كنت دليتك علي واحد كويس

باشا أنا بلدياتك من إسكندريه ياريت تدلني عليه ينوبك ثواب

**drwaelhassan** · 04-05-2012 11:42 PM

متشكرين يا شباب على ردكم

**akerima** · 06-05-2012 01:35 PM

المشاركة الأصلية كتبت بواسطة halem0000

باشا أنا بلدياتك من إسكندريه ياريت تدلني عليه ينوبك ثواب

في الازريطه جنب الناس بتاعة المرسيدس - انا للاسف مش عارف اسمة ايه بس حتلاقية في الشارع اللي مابين حوده جندل والشارع بتاع مزروعة

**emadm** · 08-05-2012 10:01 PM

انا كان عندى نفس المشكله لا خرط ولا حاجه هى زى ما قلت توصل السوسته وبعدين انت وبتخل مجموعه المرايه خد بالك ليها عدله هى دى اللى عامله الفرق تلاقى المجموعه مش داخله وبايته صح

**El.Hossieny** · 09-05-2012 03:18 PM

يا رجالة انا عندي نفس المشكلة بتاعت صاحب الموضوع بالظبط .... و كنت عايز اعرف عشان افك المراية اشوف ايه اللي اتكسر جوه بالظبط ...لازم افك فرش الباب الداخلي ؟ و هل ممكن افكه بنفسي

**drwaelhassan** · 10-05-2012 09:44 AM

المشاركة الأصلية كتبت بواسطة emadm

انا كان عندى نفس المشكله لا خرط ولا حاجه هى زى ما قلت توصل السوسته وبعدين انت وبتخل مجموعه المرايه خد بالك ليها عدله هى دى اللى عامله الفرق تلاقى المجموعه مش داخله وبايته صح

المشكلة ان فى حتة بلاستيك اتكسرت اللى كانت بتشبك فيها السوستة فوصلتها بحتة تانية أطول فكان لازم أطول السوستة شوية فعملت الفرق ده.