عاوز مساعدة عاجلة بخصوص الحواجز اللي بتتعمل لمنع الركنات

**mohamed2002** · 04-05-2012 01:51 AM

عاوز مساعدة عاجلة بخصوص الحواجز اللي بتتعمل لمنع الركنات
عندي في العمارة محلين عملو مواسير ومسبتنها قدامهم ومش بس قدامهم لا كمان قدام بيتي بحيث ان محدش يركن اية الحل
الشكوي بتبقي لمين وهل فعلا بيكون في ازالة للكلام دة؟؟؟؟

**bido600** · 04-05-2012 02:05 AM

عليك وعلي الحي اعمل هناك شكوي و روح القسم اللي حضرتك تابع لية
بيشيلو الكلام دا وبيدفعو اللي عمل كدا غرامة لان الشارع ملك الكل مش ملكهم انهم يعملو حواجز
الا لو كانو عاملين عقد مع ادارة الحي بالمبيت

**mohamed2002** · 04-05-2012 02:19 AM

المشاركة الأصلية كتبت بواسطة bido600

عليك وعلي الحي اعمل هناك شكوي و روح القسم اللي حضرتك تابع لية
بيشيلو الكلام دا وبيدفعو اللي عمل كدا غرامة لان الشارع ملك الكل مش ملكهم انهم يعملو حواجز
الا لو كانو عاملين عقد مع ادارة الحي بالمبيت

للاسف الكلام دة كان الاول دلوقت لالالا وانا تبع حي المنتزة بالاسكندرية

**bido600** · 04-05-2012 02:36 AM

المشاركة الأصلية كتبت بواسطة mohamed2002

للاسف الكلام دة كان الاول دلوقت لالالا وانا تبع حي المنتزة بالاسكندرية

طيب فيه حل تاني يا فندم انت شوف قدام عمرتك و شيل الحواجز اللي هما عاملينها واعملهم انت واي حد تاني معاك في العمارة واعملهم بسلاسل و اقفال وخلي حد يقربلهم
لو راح بلغ يبقي هو اللي جابو لنفسو

**Inteltech** · 04-05-2012 03:00 AM

المشكلة ان البلد دي معدش فيها قانون دلوقتي وربنا يستر

**CalvinKlein** · 04-05-2012 03:20 AM

المشاركة الأصلية كتبت بواسطة mohamed2002

عاوز مساعدة عاجلة بخصوص الحواجز اللي بتتعمل لمنع الركنات
عندي في العمارة محلين عملو مواسير ومسبتنها قدامهم ومش بس قدامهم لا كمان قدام بيتي بحيث ان محدش يركن اية الحل
الشكوي بتبقي لمين وهل فعلا بيكون في ازالة للكلام دة؟؟؟؟

شوف يا صديقى دى برضة اسمها بلطجة...محدش فضيلك الشرطة مش هتنزل معاك عشان تشيلها او تخوف الراجل و الحى نفس الحكاية, اسمع الكلام
هتجيب منشار و تتسلى على الحديد تقطعة هترمية فى الشارع تانى يوم هييجى بتاع الروبابكيا يلمهم و هتحرق دم اللى عملهم اساسا و يا سلام لو معرفش. لو عملها تانى انت طبعا معاك المنشار و بالتاكيد هييجى ناس و يركنوا مكانها و بكدا يموت الكلام.

**KoDaK_Gti** · 04-05-2012 03:22 AM

الشارع عندنا كان كله خوازيق (شارع جانبى)
فجأة من 10 ايام رجعت من الشغل لقيت الشارع ممسووووووح باللودر يمين وشمال شالو كل الحديد والرصيف اللى كان محطوط
طلع ان فى حد عمل شكوى للحى

**mahmoud_anwar** · 04-05-2012 03:24 AM

ياباشا انا لو منك اجيب شكوش او اشيلهم بي اي طريقه
والي مش عجبه يخبط دماغه في الحيط

**Land_Cruiser** · 04-05-2012 03:40 AM

اعمل شكوى فى الحى من الموضوع ده و هما هيكسروا الحديد ده و ما تدخلش فى مشاكل مع حد

**me_medoo** · 04-05-2012 03:46 AM

فعلاً حاجة تغيظ لمن تحس انك في بلدك وبيتاكل حقك قدام عنيك ومش قادر تتكلم ... فعلاً حاجة تحرق الدم لمن تكون قدام بيتك ومش قادر تتكلم او تدافع عنو او تفتح بوقك لأنك انسان محترم ومش بتاع المشاكل بس المشاكل هيا الي بتيجي لغاية عندك .

كل ده وبيسئلوا هما المصرين عندهم السكـــــر ليه ... هل من خفت دمهم ولا من كتر همهم ؟؟؟؟

هما المصرين عندهم ضغطططط ليه ... هرد بمنتهى البساطة واقول ضغط الدم ده نتيجة ضغط المشاكل والهموم علينا ... والضغط والسكر دي علامة عند المواطن مصري انو مواطن مصري زي المصلي لمن بتطلعلو زبيبة الصلى كده .

انا اعرف ان البلد علشان تبقى اسمها بلد بيبقى فيها قوانين تحمي المواطـــن وأمن المواطن وحرية المواطن فين القانون ده الي بيحمينا فييييييييييييييين !!!

الموضوع: عاوز مساعدة عاجلة بخصوص الحواجز اللي بتتعمل لمنع الركنات

LinkBack

أدوات الموضوع

عرض

-

-

-

-

-

المواضيع المتشابهه

طلب مساعدة عاجلة بخصوص تجديد الرخصة

طلب مساعدة عاجلة بخصوص تجديد الرخصة

محتاج مساعدة عاجلة.. الكاسيت مش عاوز يفصل..

مساعدة عاجلة بخصوص dvd

مساعدة عاجلة بخصوص الشاهين

الكلمات الدلالية لهذا الموضوع

المفضلات

المفضلات

ضوابط المشاركة