الموضوع: صوت المتور فى الأكسنت rb

باريت ياجماعه تسعدونى أنا بسمع صوت تكتكه فى الموتور هل ده طبيعى ولا فى حاجه
العربيه عمله 1300 كم
ومعنديش وقت خالص أروح التوكيل
أنا حاسس أنه صوت حاجه كهربائيه أو رششات البنزين
مش صوت كستبنات ولا نقره
ياريت الى عندوا rb يسمع معيا الصوت ده وعلى الأقل نعرف ده جاى منين وسببه أيه

شكرا لحسن تعاونكم

روحت النهارده التوكيل فرع العبور وهو نفس المكان الى تعمل فيه صيانة الألف كيلوا والنتائج:-
1- روحت الساعه 10.30 قعدة لساعه 12 محدش لمسها وبعدين بيكلمونى ويقلى العربيه خلصة أراجع على الزيت زى ما هوه أسمع الصوت زى ما هوى
2- بصراحه زعقت وصوتى بقى عالى لدرجة أنى كنت هاضرب مهندس الأستقبال
الأسباب بيقنعنى أن الزيت مضبوط بدل ميقولى عندك حق وبنعتزر
3- صوت التكتكه سمعنى عربيه تانيه وقالى ده نتيجة تثبيت الرشاشات على مصوره من الألمونيوم معا العلم أنه بيقنعنى أنها كستبنات مع عمود الكامه ألى أن جاء راجل فنى شكلوا فاهم قلى قرب ودنك من الرشاشات وانت هتعرف الصوت جى منين
4-رحت للأستعلامات وطلبت أعرف فين مكتب مدير المركز
الراجل شفنى متعصب راح معيا عند العربيه ولبس النظاره وبص عالى الزيت قلى الزيت زياده . ساق العربيه بنفسه ودخلت معاه الورشه و أول مشفوه معيا الورشه أتكهربت ونده على فنى قله أضبة مقاس الزيت
جاب جهاز الشفط طلع الخرطوم تخين مش و اصل للأخر رفعوا العربيه وفكو الطبه ونزل شوية زيت وضبة المقاس عند النقطه الى تحت حرف f
5- غسل متور العربيه مشعارف بأيه بس سلمنى المتور بيلمع يارب ميكونش استخدم WD40

الدرس المستفاد :

أى حد يروح التوكيل يراجع عالى عربيتوا كويس أذا كانت مايه أو زيت أو سيور غطيان العربيه زى الردياتير والمتور والأريه وزيت الباكم وده أنا شفته فى توكيل نسان السبع قبل مابسلموا العربيه للعميل فى مهندس بيراجع كل حاجه فى المتور والله أنا كنت هبيع النسان 2005 وأجيب 2012 بس قدر الله مشاء فعل جبت أكسنت RB
وربنا يعمل الى فيه الخير قدر الله مشاء فعل