السلام عليكم
إن شاء الله سأذهب صباح السبت 5 مايو 2012 من المعادى إلى هيئة المصل و اللقاح بالدقى لتطعيم ابنتى و فى العودة سأعود إلى مدينة نصر عند دار الدفاع الجوى
و لى هذه الأسئلة أرجو ألا أثقل عليكم بطرحها.. إن شاء الله سأقرأ الإجابات عند الفجر
س 1 : هل هذه المسارات مفتوحة أم لا فى ظل الأحداث الدائرة ؟
س 2 : فى الذهاب من المعادى إلى الدقى عن طريق الدائرى.. هل نزلة البحر الأعظم هى الأنسب؟
س 3 : أرجو توضيح كيفية العودة من الدقى إلى طريق النصر بأول مدينة نصر عن طريق الأوتوستراد بالتفصيل.
س 1 : هل هذه المسارات مفتوحة أم لا فى ظل الأحداث الدائرة ؟
مفتوحة ومافيش فيها اي مشاكل وربنا يستر طريقك ان شاء الله
---------
س 2 : فى الذهاب من المعادى إلى الدقى عن طريق الدائرى.. هل نزلة البحر الأعظم هى الأنسب؟
لو حضرتك تعرف نزلة جامعة القاهرة الجديدة او نزلة شارع بين السرايات هتبقى احسن طبعا لانها هتبقى قربتلك المسافة بشكل كبير
بس مش عارف بصراحة وانت جاي من المعادي هتمشي ازاي عشان تعرف تنزل نازلة جامعة القاهرة ! اعتقد لازم تروح لوصلة المريوطية الجديدة فالاحسن خليك في النزلة اللى انت عارفها حتى ولو ابعد شوية بدل ماتتوه
-------------
س 3 : أرجو توضيح كيفية العودة من الدقى إلى طريق النصر بأول مدينة نصر عن طريق الأوتوستراد بالتفصيل.
حضرتك اول ماتخرج من المصل واللقاح ويبقى المصل واللقاح على يمينك سعتها هيبقى في وشك شارع جامعة الدول العربية
هتاخد اول U-turn بعد ماتخرج من المصل واللقاح مباشرة
كدة انت هتبقى في شارع البطل احمد عبد العزيز هتفضل مكمل علطول لحد ماتلاقي طلعة كوبري اكتوبر على يمينك
تطلع الكوبري تفضل واخده لاخره وفي اخر الكوبري هتلاقيه اتقسم لتلت نزلات "يمين - في النص - شمال" تنزل النزلة الشمال وكدة هتبقى بقيت في شارع النصر
أنا شاكر ليك جدا يا ا. أحمد على اهتمامك
سأتوكل على الله و ادعوا لى ألا تحدث مشاكل على كوبرى أكتوبر
أنا شاكر لحضرتك جدا.. الحمد لله وصلنا بالسلامة حسب الوصفةاقتباس:
المشاركة الأصلية كتبت بواسطة ahmod