تعليمات الشهر العقارى الجديده الخاص بتوكيلات السيارات

**hossam_elwani** · 05-05-2012 11:49 PM

واحد صاحبى مشترى عربيه هيونداى ماتركيس من سنتين وكان الرخصه لسه فيها مده المهم شاريها هو بثلاث توكيلات وراح عشان يسجلها بأسمه فى الشهر العقارى عشان ينقل ملكيه فى المرور ويرخص جديد قالوله لازم تجبلنا مايفيد ان البائعين فى الثلاث توكيلات على قيد الحياه قالهم ازاى ومنين قالوله اتصرف دى تعليمات جديده ولازم ننفذها

حد مر بلتجربه دى قبل كده قريب؟؟

**Zika9909** · 06-05-2012 12:04 AM

إللي اعرفه إن لو العربية متباعة بتوكيل و صاحبها الأصلي (البائع) مات
العربية بترجع للورثة

ربنا يستر

**chicobon** · 06-05-2012 12:17 AM

مش عارف بصراحة عشان كده اول حاجة التسجيل مهم التوكيلات مش تمام

**misoalex** · 06-05-2012 12:29 AM

يروح شهر عقارى تانى

**Kareem Fawzy** · 06-05-2012 12:39 AM

هو يا جماعة مش التوكيل دة غير قابل للالغاء ولا انا بيتهيئلى
يعنى اية صاحب العربية مات العربية ترجع للورثة
مكنش حد غلب بقا :)
خليه يروح شهر عقارى تانى

**me_medoo** · 06-05-2012 01:32 AM

يانهررررررررر. ازرق ده انا عندي عربيتي فيها توكيل ومخليها وقلت توكيل توكيل هو زيادة فلوس ولسه حتى مفكرتش اروح الشهر العقاري وبعدين انا هروح للتاجر اقولوا اثبتلي انك حي ازاي يعني. ولا هروح لصاحب العربية الي مسافر السعودية ازاي يعني. واقول اذا كان حي ولا ميت يعني معقوله اقولووا ابعتلي. شهادة والنبي انك حي ترزق طيب ازاي ده هيقفل السماعه في وشي ويقولي روووح العب بعيد يا كبتن ههههه. هما مش عارفين ازاي يخزوقوا المواطن وبيدوروا على اي حاجة جديدة يخزوقونا بيها والسلام طيب ومالو السيخ الحديد. بس مش فاهم انا ، هاتولهم سيخ حديد ويطلعوا. شعار خازوق لكل مواطن احسن مايقعدووو يشحططونا كده بين خلق الله .... لا اله الا الله

**rawhany** · 06-05-2012 01:41 AM

ياعم انت في مصر يعني دهلز الدهاليز هتلاقي المظف بيقوللك صاحب العربية عايش وابوة عايش وامة عايشة بس انت ظبط الدنيا بس وفك الكيس

**MARTINDALE** · 06-05-2012 01:42 AM

يا جماعه بهدوء هتفهموا الوضع ...
لو انت اشتريت عربيه المفروض في خطوتين :
الخطوه الاولى تعمل توكيل من البائع ليك بحريه التصرف في السياره والبيع للنفس او الغير .
الخطوه الثانيه انك تعمل عقد بيع لنفس بناء على التوكيل وده مش كلنا بنعمله .

طيب لو لاقدر الله صاحب التوكيل مات ولسه الخطوه التانيه ماحصلتش , بالتالي هيسقط التوكيل وهتعتبر العربيه ملك للورثه وبكده ماتقدرش تبيعها لنفسك او للغير , علشان كده خطوه البيع للنفس مهمه جدا بعد التوكيل وللاسف كتير مننا بيتاجاهلها وهو ده اللي يقصده الشهر العقاري والله اعلم .