| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 34

  1. #1

    الصورة الرمزية fahd101

    رقم العضوية : 473

    تاريخ التسجيل : 04May2007

    المشاركات : 130

    النوع : ذكر

    الاقامة : Egypt

    السيارة: 127

    السيارة[2]: Hyundai

    دراجة بخارية: no

    الحالة : fahd101 غير متواجد حالياً

    افتراضي توكيل ابو رواش ( ارجوكم القراءه للعظة ) - Facebook Twitter whatsapp انشر الموضوع فى :

    hasad">

    اولا انا اسف اذا كنت بكتب ليكوا الموضوع ده لانه للاسف موضوع يندى له الجبين لما نشوف ازاى اننا كمواطنين مصريين بيضحك علينا وبنتسرق ونتزل من مواطنين مصريين برضة المهم علشان مطولش عليكوا انا هحكى ليكوا تجربتى بكل صراحة ووضوح فى توكيل هيونداى ابو رواش وطبعا مروحتش هناك غير لما اشتكيت من عربيتى الفيرنا 2008 وكنت عامل موضوع بشكوتى اسمه فيرنا 2008 وابداع التوكيل فيها وطبعا لما اشتكيت للشركة كلمونى كذا مره وحددوا لى ميعاد علشان اروح ويشوفوا لى العربيه فيها ايه وطبعا من سذاجتى صدقت انهم ممكن يعملوا حاجة تعوضنى عن ماساتى فى توكيل قليوب وانى هخرج من عندهم العربيه زيرو ومش هعرفها ولكن وللماساة وللاسف حصل الاتى

    1 - وصولى الساعه التاسعه الا ربع وانتظارى مايقرب من نص ساعه علشان حد يرضى يطلع ويشوف معايا العربيه والاستقبال طبعا مكون من بنتين مش بيعملوا اى حاجة غير انهم بيتكلموا مع بعض ويضحكوا واول ما تدخل عليهم علشان تسأل على حاجة يدوك رقم ويقولوا لك اتفضل انتظر لما رقمك لما ييجى ورئيسهم طبعا واقف يتكلم معاهم وهاتك ياضحك معاهم وسايب الناس تولع وتتخانق والمفروض انه رئيس قسم الاستقبال المهم انتظرت رقمى لما ييجى وطبعا قعدت اكلم نفسى واقول لما المهندس ييجى هقوله كذا وكذا وكذا وهيطلع يجرب العربيه معايا وعمال احلم بقى وللصدمه الشديدة طلع لى مهندسة او معرفش وظيفتها ايه غير انها لابسه جاكت عليه كلمه هيونداى وقاعده على المكتب المهم قلت ياواد عديها مش لازم تحرجها وتقولها ان عايز مهندس جرب وشوفها هتتعامل ازاى مع العربيه المهم خرجت الست هانم معايا وطبعا فى اثناء خروجها قعدت تضحك مع فلان وعلان وسابتنى روحت على العربيه وهى جت ورايا المهم انا متاخرتش وطبعا اول ما شافت العربيه نزل عليها الوحى فجأة وكانها قدام مفاعل نووى وقعدت تبص للعربيه ولا مخرجين السينما وقعدت تعمل بوظات من فوق لتحت وطلعت الورقه اللى بتكتب فيها الشكوى واللى مرسوم عليها شكل العربيه طبعا قالت لى ممكن تفتح لى الكبوت ؟؟ وهى واقفه تتفرج مش عارف ليها جايز مش طايله !!! المهم وخدت لفه حلوة حولين العربيه وطبعا منهم لله اللى بيركنوا ورايا وقدامى الاكصدام فيه خربوش فى النص ورا منهم وخربوش فى الزاوية المهم قالت لى العربيه مخبوطة من ورا قلت لها ده خربوش مش خبطة قالت لى يعنى انا بعرفك ودورت العربيه بتاع دقيقه وقعدت تسمع صوتها وهى دايرة ( الصوت طبيعى جدا ) قالت لى ياه ده سير الكاتينه عندك عايز يتغير ( من الصوت عرفت !! ) المهم قالت لى ماشى خلاص ومشيت وسابتنى اقفل العربيه ولما دخلت لها كانت المفاجاة بقى وقالت لى العربيه هتكلفك فى حدود 3000 جنيه ليييييييييييييييييييييييي يييه قالت لى سير الكاتينه مغيرتوش ليه قلت لها السؤال ده لي انا ولا لبتوع قليوب اللى كنت عندهم من 500 كيلو فى صيانه 25000 كيلو معملوش حاجة غير الزيت كالعاده وفلتر الهواء المهم قلت لها يعنى السير ب 3000 جنيه قالت لى لا ب 900 جنيه والدبرياج ب 1600 جنيه والباقى بقى مصنعيات ولو فى حاجة تانيه ممكن تتغير هنقولك عليها وقلت لها هو الحاجات دى ظهرت فجاة مقالوش عليها فى قليوب ليه قالت لي انا مليش دعوه ببتوع قليوب احنا عندنا هنا ناس متخصصة ( ركزا فى الكلمة دى كويس هتعرفوا معناها بعدين ) المهم قلت لها يعنى هما مش بيفهموا فى توكيل قليوب قالت لى ماليش دعوه المهم قلت لها يعنى انتوا مستنيين لما اخرج من الضمان علشان اسمع كل ده لكن جوة الضمان مش بسمع غير العربيه زى الفل ياباشا وغيرنا زيت وفلتر الهواء والبنزين !!!!!!!!!!!!!!!!!!!!!!
    المهم قلت لها ماشى غيرى وطبعا مفيش امل لتخفيض التكلفه المهم مفيش بعد نص ساعه بالصدفه بكلم واحد شغال فى هيونداى نفسها وقالى ايه ياعم الاسعار دى الكاتينة كلها على بعضها بالدبرياج مش هتزيد عن 1000 جنيه بره ؟؟؟ يعنى الموضوع نصب قالى خش قولهم انك عايز تسحب العربيه والكلام ده بعد نص ساعه بس ؟؟ المهم روحت وسالت على العربيه قالوا لى ان العربيه شغالين فيها يعنى سراع اوى ومصدقوا لقوا صيده طبعا ماهو 3000 جنيه مبلغ مش قليل وطبعا فضلت قاعد من الساعه 10 صباحا من ساعة مابداوا فى العربيه ولحد الساعه 4 الا ربع العصر وحصل فى ال 6 ساعات دول المهازل الاتيه الاتىة
    1- عميل بيزعق ويقول انتوا حرامية ازاى العربيه تتفتح وتتقلب وطبعا مدير الاستقبال بكل برود احنا ملناش دعوه احنا قلنا شيل الحاجة من العربيه واى حاجة فى العربيه تبقى مسؤليه العميل من احنا فالراجل قاله انتوا قولتوا شيل الولاعه بس لكن مش لدرجة انى افتح التابلوه الاقى فلاشة متاخذة والفلوس الفكة كمان اتخذت قالوا لو احنا ملناش دعوه قام الراجل قالوة انتوا حرامية ونصابين وبتشغلوا عندكوا ناس حرامية فالمدير قالوة احنا عندنا احسن ناس ( فاكرين كلمة ناس متخصصة )
    2- عميل تانى بيزعق ويقول الولاعه اتخدت والمهندسة ترد عليه احنا ملناش دعوه دى مسؤؤليتك احنا قلنالك خد الولاعه انت مرضتش ؟؟ المفروض يعنى ان احنا داخلين الحرفيين مثلا مش توكيل محترم قالها انا مش هستلم العربيه غير بولاعه قامت مشوحة بايديها وقالت انت حر خليها مركونة قالها انتوا حرامية قامت لفت ليه وقالت له متعليش صوتك واللى عندك اعمله علما ان العميل سنه فى حدود 50 سنه والمهندسة ف حدود 30 سنه
    3- عميل بيزعق ويقول قولتوا لى ان العربيه محتاجة بطاريه وبقالى 3 ساعات قاعد علشان بطاريه وبعد كل ده يوقولوا لى لسه العربيه متعملتش علشان مفيش بطاريه طيب سايبنى قاعد ليه كل ده محدش قالى ليه من الاول ولما حاول يسحب العربيه برضه رفضوا وقالوا له العربيه مرفوعه ونص ساعه وتخلص وخذوا الراجل فى الاوضه اللى جوة ومشفتوش تانى
    4- واحد بيزعق برضه ازاى ادخل علشان اغير زيت 5000 وبعد ساعتين ونص تقولوا لى احنا خلصنا والفاتوره مكتوب فيها زيت 10 الاف بناء على ايه هو بمزاجكوا بتحطوا الزيت اللى انتوا عايزينه وبرضه كملوا خناقه
    5- العبد لله انا العربيه زى ماقلت لحضرتكوا كان فيها خربوش ورا فى النص وفى الزاويه ؟؟ العربيه استلمتها فيها كحته وتقشير جامد ورا فى النص وخبطة فى الزاوية غير اللى كانوا موجودين فى الاول وفى الرفرف اللى قدام حكة تانيه ولما الفنى اللى وصلها لى نزل يجرى وسابها ندهت له وقلت له العربيه فيها خبطات فضل واقف بعيد ومش عايز ييجى ولما بدات ازعق والناس تتفرج عليا جه وهو قرفان بالعافيه وقالى ماليش دعوه شوف المهندسة اللى استلمت منك العربيه وقول لها وطبعا الهانم لما ندهت لها جت وقالت لى هى كانت مخبوطة من الاول قلت لها معلش دى عربيتى وانا حافظها شبر شبر والخبطات دى ماكنتش موجودة قالت لى امال انا معلمه على الحاجات دى فى الورقه ليه قلت ليها متستصحيش عليا انتى معلمه على الخبطات اللى تحت مش اللى فوق قالت لى انا مش بستنصح انا بشوف شغلى قلت لها ماشى العربيه دى اتخبطت جوة قالت لى مفيش حاجة تخبطها فى الارتفاع ده وطبعا محاولات يائسة منى لاثبات صحة كلامى
    ودة كان يومى المتعب فى التوكيل واللى مش هسيبهم والمرة دى هشتكى للشركة العالميه نفسها بس الاقى العنوان بتاع الايميل بتاعهم وهنشوف بقى احنا ولا ابو رواش بس ارجوكوا اللى يعرف يقولى على الايميل او طريقه اخرى للشكوى وانا هتكفل بتنفيذها
    المهم انا حبيت بس اعرفكوا ازاى الناس دى ببتعامل مع العملاء ودة كل اللى حصل قدامى مابالكم بيحصل ايه كل يوم


  2. #2

    الصورة الرمزية Screenplays

    رقم العضوية : 105302

    تاريخ التسجيل : 26Jun2011

    المشاركات : 3,817

    النوع : ذكر

    الاقامة : Port Said \ Cairo

    السيارة: Toyota Corolla 2008

    السيارة[2]: Hyundai Verna 2009

    دراجة بخارية: Kia Cerato 2010

    الحالة : Screenplays غير متواجد حالياً

    افتراضي -

    لا حول و لا قوه الا بالله ... هو التوكيل الزباله ده مش ناوي يتعدل ؟ ده احنا شيلنا مبارك و مش عارفين نغير غبور ؟ حسبي الله و نعم الوكيل ... دلوقتي من هنا عليك و علي الحرفيين لان الفيرنا محفوظه مش محتاجه توكيل و يتحرق الضمان


  3. #3

    الصورة الرمزية fahd101

    رقم العضوية : 473

    تاريخ التسجيل : 04May2007

    المشاركات : 130

    النوع : ذكر

    الاقامة : Egypt

    السيارة: 127

    السيارة[2]: Hyundai

    دراجة بخارية: no

    الحالة : fahd101 غير متواجد حالياً

    افتراضي -

    يا اخى الفاضل انا مبقاش يهمنى الضمان انا كده كده خلصت الضمان وبعدين اساسا مفيش ضمان انهى توكيل فى الدنيا اللى يقول انك تدفع فى كل ميعاد صيانه بدا من صيانه 1000 مش اقل من 300 وطبعا بتفتح بعد كده امال الصيانه والضمان فيه لما انا عمال بكع من ساعتها ده انا كده هدفع ثمن العربيه فى الصيانات


  4. #4

    الصورة الرمزية Android

    رقم العضوية : 120663

    تاريخ التسجيل : 18Feb2012

    المشاركات : 236

    النوع : ذكر

    الاقامة : الجيزة

    السيارة: مازدا 323 Mod 1983

    السيارة[2]: مازدا

    دراجة بخارية: NO

    الحالة : Android غير متواجد حالياً

    افتراضي -

    بجد حاجة تنرفز ربنا يقويك ويصبرك على الى شوفته بجد

    دي حاجه اخر استهتار واهانة للعملاء
    وهو نفس البوق في كل توكيل احنا ناس متخصصين وملناش دعوة بغيرنا وهما في الاخر على ما تفرج
    والله الحرفيين برقبتهم وحوار الضمان ده زي قلته بيسرحو بالناس عشان يشترو في الاول وبعدين العميل يلبس كل الليله ويقعد يكع في فلوس

    ربنا يتوب علينا


  5. #5

    الصورة الرمزية mshmshm3

    رقم العضوية : 51635

    تاريخ التسجيل : 31Oct2009

    المشاركات : 1,932

    النوع : ذكر

    الاقامة : Egypt-Cairo

    السيارة: NoThInG yEt

    السيارة[2]: فيرناتيتي 2oo8

    دراجة بخارية: Honda CBR 900

    الحالة : mshmshm3 غير متواجد حالياً

    افتراضي -

    للأسف العملاء اللي حصل معاهم المشاكل ولاد ناس محترمين
    هما عايزين عربجي يسمعهم من الشتايم و الذي منه
    السكوت عن الحق شيطان اخرس و قولتلك اللي بيروح هناك مؤدب و محترم هما عايزين شلة عربجية
    في مراكز خدمة كويسة جدا و بتقف جنب العربية من اول لما تدخل لحد ما تخرج وناس ذوووووووووووق جدا الواحد بيزعق فيهم تلاقي ابتسامة منهم بيجوا علي نفسهم علشان يرضوا العميل بجد لكن التوكيل اذا كان ابو رواش ولا قليوب دي زريبة و فيها بهايم

    لا تجادل الاحمق فقد يخطئ الناس في التفرق بينكما


  6. #6

    الصورة الرمزية Inteltech

    رقم العضوية : 123619

    تاريخ التسجيل : 24Apr2012

    المشاركات : 335

    النوع : ذكر

    الاقامة : 10th of ramdan city

    السيارة: None

    السيارة[2]: None

    الحالة : Inteltech غير متواجد حالياً

    افتراضي -

    اخي الكريم بجد الله يكون بعونك والله العظيم انا تحرق دمي واتنرفزت من اللي قريته والحمد لله انك عرفت تسيطر على اعصابك هناك . المشكلة مش في الرسالة اللي هتبعتها للشركة الام بكوريا المشكلة ان حضرتك ازاي هتثبت الكلام اللي قلته ؟؟ انت كان المفروض ترفض الاصلاح وتبلغ بحماية المستهلك والعربية هناك بس بما ان ده حتى دلوقتي معدش مفيد لحضرتك جدا فانت حلك الوحيد الوكيل ده مش توصله بعد كده وصيانتك تعملها مع ميكانيكي تثق بيه وتعرف شغله كويس والفيرنا بقت محفوظة وهي سهلة بالصيانة زي ما قالك الاخ
    </B>Screenplays من شوية وربنا يعوض على حضرتك وادي موقع الشركة الدولي الخاص بهيونداي يا باشا WorldWide | Hyundai Motor Company


  7. #7

    الصورة الرمزية حماده المصري

    رقم العضوية : 1483

    تاريخ التسجيل : 18Jul2007

    المشاركات : 2,590

    النوع : ذكر

    الاقامة : cairo

    السيارة: just one

    السيارة[2]: sunny 2006

    دراجة بخارية: no

    الحالة : حماده المصري غير متواجد حالياً

    افتراضي -

    بص توكيل هيونداي ده اعوذ بالله فعلا كل مصر عانت معاهم وكل مصر مش طايقاهم

    اقسم لك بالله المشكله فينا مش فيهم لان محدش بيبطل يشتري هيونداي

    والمشكله الاكبر ان محدش بيفكر يعمل مثلا اعتصام جدي قدام التوكيل المفروض المعامله وخدمه العملاء تتزبط اكتر من كده

    ولسه بقى لما تخرج برا الضمان شوف الحلاوه بقى لو حصلت معاك مشكله هتلاقيهم مبسوطين ومش بعيد يزغرطوا والعربيه لو في الضمان تبقى زي الفل ومفيهاش اي عيوب ولو عندك المتور مفوت برضو في نظرهم زي الفل ومفيش اي مشكله خالص المتور ممتاز


  8. #8

    الصورة الرمزية حماده المصري

    رقم العضوية : 1483

    تاريخ التسجيل : 18Jul2007

    المشاركات : 2,590

    النوع : ذكر

    الاقامة : cairo

    السيارة: just one

    السيارة[2]: sunny 2006

    دراجة بخارية: no

    الحالة : حماده المصري غير متواجد حالياً

    افتراضي -

    ده حتى جهاز حمايه المستهلك كان زمان تبع وزاره الصناعه والجهاز كان شغال زي الناس

    دلوقتي بقى تابع ل وزاره التضامن مش فاهم ازاي

    يعني لما مواطن يتنصب عليه هما وظيفتهم ايه يطبطبوا عليه ولا ايه


  9. #9

    الصورة الرمزية M_Marwan

    رقم العضوية : 6395

    تاريخ التسجيل : 25Feb2008

    المشاركات : 1,432

    النوع : ذكر

    الاقامة : Maadi - Al Khobar

    السيارة: Lancer EX High line

    السيارة[2]: Pajero 2014 High Line

    دراجة بخارية: No Have

    الحالة : M_Marwan غير متواجد حالياً

    Angry -

    هو مفيش فايده فى غبور ده ؟؟


  10. #10

    الصورة الرمزية Kareem Fawzy

    رقم العضوية : 81610

    تاريخ التسجيل : 30Sep2010

    المشاركات : 2,966

    النوع : ذكر

    الاقامة : مدينة نصر

    السيارة: لايوجد

    السيارة[2]: Hyundai Elantra 2007

    دراجة بخارية: لايوجد

    الحالة : Kareem Fawzy غير متواجد حالياً

    افتراضي -

    hasad">

    من غير ما تزعل المنى
    الغلط من عند حضرتك
    لان فى المواقف اللى زى دى قلة الادب وعدم التربية والشتايم وسبهم هما واللى مشغلنهم الحل الوحيد
    متسبش حقك وارجعلهم وافضحهم ومتعملش حاجة غير انك تقعد تزعق وتشتم التخين فيهم
    دة توكيل عره
    والمرة اللى جاية نصيحة ليك روح اى مركز معتمد او مركز سبيد بتاع البشمهندس هانى ميخائيل
    بره فى اعلان عنه راجل فاهم وشاطر وعارف شغله



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. صيانه 10,000 فى توكيل ابو رواش
    بواسطة ooosha_14 في المنتدى كـــــيا
    مشاركات: 8
    آخر مشاركة: 01-06-2010, 06:00 AM
  2. توكيل ابو رواش الرئيسي
    بواسطة medo_noh في المنتدى سبـــيرانزا
    مشاركات: 7
    آخر مشاركة: 19-11-2009, 02:04 PM
  3. توكيل ابو رواش
    بواسطة castelo في المنتدى بريليانس
    مشاركات: 25
    آخر مشاركة: 25-04-2009, 03:38 AM
  4. توكيل كيا فين فى ابو رواش
    بواسطة A.Saad في المنتدى كـــــيا
    مشاركات: 6
    آخر مشاركة: 06-03-2009, 09:19 PM
  5. توكيل تويوتا ابو رواش
    بواسطة magnooon في المنتدى تـويوتـــا
    مشاركات: 4
    آخر مشاركة: 31-03-2008, 12:42 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2