الموضوع: تأكيد ميعاد (مبادرة تويوتا ) في مول العرب ب 6 أكتوبر

بسم الله الرحمن الرحيم

قعدنا كتير نفكر ونخطط ونتكتت ونعمل استفتائات واستقصائات لدرجة اني حسيت اننا هنختار رئيس جمهورية واحنا قاعدين هههههههههه ... حبايب قلبي واللهِ .

لحد ما استقرينا في النهاية :

الميعاد : يوم الخميس القادم الموافق ل 10/5/2012 م
الوقت : الساعه 8 مساءً .
المكان : مول العرب ... بمدخل مدينة السادس من اكتوبر .
التجمع : بمنطقة المطاعم داخل المول بوابة رقم 20 .

هدف المبادرة :

أعزائي احبابي اشقائي فلذات اكبادي ....
مش عاوز اقول مقابلة او اجتماع القمة ، او لقاء الوحوش وكل الكلام ده ، لكن اقول دعوة للصداقة والبحث عن الاصدقاء ، والدعوة هتكون في مكان مفتوح في منطقة المطاعم في مول العرب انا شايف انها مكان كبير وواسع ، ومش هتكلف اي حد اي حاجة الي عاوز حاجة يطلبها على طول مش عاوز ميطلبش حاجة ومكان مكيف ولزيز ومواقف العربيات بالهبل هناك حتى ممكن. بعد ما نخلص نلفلنا لفه نعاكس شوية ههههههههههههه

واهو نتعرف ببعض ونشوف ايه اخبار كماليات العربيات والاكسسورات الجديدة الي كل واحد مركبها ، ولو حد يعرف ميكانيكي شاطر او كهربائي شاطر ياريت يجيب معاه عنوانوا او رقم تيلفونوا علشان كلنا نفيد ونستفيد وهنبحث في موضوع تزيق العبشة والناس الي عندها اصوات غربية في عربيتها نساعدهم في اكتشاف مشكلة الصوت ده طالع منين واذا كان حد عندو اي مشكلة او استفسار نقدر نساعدو على ارض الواقع .... واللقاء انشالله حتى ساعه كده من وقتك انتا غير ملزم باي شيء ومش خسران حاجة بالبعكس انتا الكسبان

حتى بعد كده هنخش على سوبرماركت سبينس عندهم حبت حاجات وملمعات للعربية حكاية ونشوف مين جرب ايه. ونتمشى شوية في المول وتننا راجعين

مبدئياً. مين عندو استعداد علشان نبتدي نسق ... وتحياتي. اخوكم مي ميدو

صور : لمول العرب ... مكان اللقاء

اللقاء هيكون جمب النافورة الراقصة

هندخل طبعاً عند البوابة رقم 20 موقف العربيات مجاناً

وهنا بقة هنقعد
مكان مكيف ... وجمبيك كل المطاعم ..
عاوز تطلب حاجة براحتك أمريكاني ييعني .
ولامنيم أتشارج ولاميكسيمم أتشارج
براحتك يامعلم ... وكل المطاعم جمبك
كنتاكي + مؤمن+ كشري التحرير + مكندونلز
.... الى أخره

وبعد الاجتماع ممكن نطلع نتمشى شوية و نعاكس ونتمشى كده في المول شوية
والي عاوز يروح يروح .

يالله ... الي والي عاوز يجي يا أهلاً وسهلاً
مش شرط من قسم تويوتا نحن نرحب بالمجميع .
يا أهلاً وسهلاً ميت مليون مره أهلاً بيك

يعني الدعوة عامة ومحدش يقول دول هيقعدو يتكلمو عن الكورولا واليارس .لالالالا الدعوة مفتوحه للجميع ..

ومحدش يقول اصل انا معرفش حد هروح اعمل ايه ... كل الي جين ياباشا محدش يعرف حد أحنا جين نتعرف على بعض بعيد عن الاسئلة الشخصية والخاصة التي لا نسئلها أطلاقاً .

ومش شرط تيجي بالعربية نهائي ... في ميكروباصات في تكوسة ... وممكن تركب مع اي زميل ليك من الاعضاء.
(أحسبها صح تعيشها صح )

يالله مين قال انا جي ... وتحياتي .
__________________