الموضوع: كنت تعبان وخليت صاحبي يسوق عمل حادثة و الحمد لله

السلام عليكم ورحمة الله

اولا قدر الله و ماشاء فعل و الحمد لله انها جات في الحديد ومحصلتش علي الطريق السريع

كنت رايح انا وصاحبي مشوار اسكندرية تحديدا لادكو

و كنا طالعين من دمياط الجديدة وكنت اساسا دايخ و تعبان فقلتلة يجي يسوق بدالي

هو بيسوق من زمان بس مساقش اوتوماتيك قبل كدة

قوم ايه وصلنا ادكو بدري عن الميعاد حوالي ساعه و ربع فقولنا نطلع نشرب حاجة في اسكندرية و نرجع

قوم ايه في شارع 45 لقيت صاحبي كان هيخش علي الرصيف و ووقف فجاة هب العربيه اللي ورايا لبست فينا

انا من الصدمه مخدتش بالي بس هي حاجة 4 باي 4 من بتوع زمان و محمله يمكن حاجة امريكي

المهم انا نزلت لقيت صاحبي بيقولي انا الغلطان هاعمللك كل حاجة و لقيتة راح للي خبطني و قاله هاعملك كل حاجة وتقريبا مكنش عنده حاجة قالنا انتو بس صعابنين عليا وخلاص مشيت

جاتلي الفوقه بعدها وخدت العربية و لا روحنا ادكو و لا بتاع و طلعت علي المنصورة علي عيسي

وهناك قالولي ان الباب هايتغير و الاكصدام وحاجات كدة مش فاهمها و دهان و خلافة و انها هاتتكلف
8000 جنية استغليت الرقم وقلت افكر بس كنا فتحنا الشنطة بالعافيه و مابتتقفلش تاني و لشئ في نفسي وعلشان شفت هناك عربيه كانت مخبوطة نفس خبطتي و رجعت زي الجديدة و لان العربيه لسه 2011 و قلت ماخليش حد يلعب فيها المهم لفيت و سبتلهم العربيه. الكلام ده من 8 أيام تقريبا النهارده دخلت للدهان و احتمال تخلص علي الاربعاء او الخميس ان شاء الله عاوز اقولكم ان عدم وجود العربيه دي حاجة تضايق اوي خصوصا بعد ما الواحد اتعود عليها و علي فكرة انا مش مأمن علي العربيه

أدعولي ان تكون اول و اخر الصدمات ربنا يعافينا من شر الطريق
ونصيحة مني محدش يركب عربيتك غيرك انت لان لو حصلها حاجة هاتزعل قوي

قدر الله و ماشاء فعل و بفكر لو كان حصل الكلام ده علي الطريق السريع لاقدر الله كان زمان لا فيه عربيه و لا فيه انا و لا صاحبي بس الحمد لله قدر و لطف

معلش طولت عليكوا