الموضوع: اكتر عربيه مشنه ركبتها فى حياتك قديم و جديد

هههههههههه موضوع جامد
بلنسبه للقديم ركبت عربيه سيات تقريبا كان ركبى فى دقنى و كانت مخلعه و مفيش صالون اساسا و الباب اليمين مكنش بيقفل و حاجه يعنى تكرهك فى عيشتك
و ركبت ال 1300 اللى انت بتقول عليها دى دى فعلا كرهتنى فى العربيات فتره كبيره اوووووووى
مكنش فيها حاجه سليمه اساسا و الفرد اللى قدام كل واحده فى ناحيه و حاجه يعنى تقرف الكلب
و بلنسبه للجديد
ركبت هيونداى اكسنت موديل 2004 او 2005 على ما اعتقد كنت مأجرها علشان اسافر بيها بورسعيد
رايح فى 4 ساعات لان العربيه كانت مش بتعدى سرعه 60 كيلو + كل 10 كيلو تسخن + ضربت بتاع 4 فرد كاوتش و كل شويه اشترى فرده من الطريق بس اخدت حسابهم من عينه
و راجع بقا العربيه كسرت دبرياج على الطريق و راجع مش عايزه تاخد غير التالت بس و حالفه طلاق تلاته ماهى واخده الرابع تماما و كل شويه تحدف يمين فى شمال و تقريبا رجعت القاهره فى 6 او 7 ساعات على سرعه 40 كيلو على ما اعتقد بس اللى كان مصبرنى عليها انها كان فيها كاسيت حلو و دى فى دى كويس
قمت مشغل مسرحيه فى فيلم و عايش الحياه
بصراحه ركبت شويه كنب ملهومش حل
^_^

فيات بترا 2003 بعد كام حادثة و ولعت مرة
متعديش 80 و 90 في المنازل والهوا معاك
مفيش باور يمين إلا لو دايس بنزين :d
لو ملف مثلاً سرعته 40 أو 60..لو خدته على 20 تلاقي الكاوتش بيطلع صوت زي صوت الريفت كده.
بس فراملها كانت ماسكة نفسها شوية بس أقل من الزيرو..و الزجاج الكهربي شغال و Follow me home لسة شغال.
مع إن العربية دي أما كانت زيرو كانت جامدة أوي.

و عربية رينو 5 ملك نفس صاحبي بتاع البترا
كان فيها أوبشن جميل أوي..أي ملف لو خدته بسرعة عادية أو غرزة الباب اليمين ورا يتفتح :d

و فيه كمان 127..اللي قاعد جنب السواق لو فرد رجله وداس على الارضية اللي قدامه العربية كانت بتزود سنة بنزين.

أكتر عربيه مشنه ركبتها .. كانت عربيه ايسوزو ربع نقل .. كانت عندنا فى المصنع .. و كان بيركبها عمال و فنيين و كل حاجه .. و بتشتغل فى المصنع و فى المحاجر .. أصلا كانت بتتساب مفتوحه .. معتقدش ان أبوابها كانت بتقفل أصلا.

اكتر عربيات مشنة عامة عربيات التاكسى القديم مشنة على الاخر بس اكتر عربية ملاكى ركبتها و كانت مشنة عربية سكودا فيليشيا اول ما ركبتها و مع اول مطب الموتور وقع على الارض هههههههههههههه