بولو و ايبيزا و فيستا و ميجان

**emadmedhat** · 08-05-2012 02:23 PM

السادة الأعضاء المحترمين عايز لو سمحتوا مقارنة فنية تفصيلية بين الفورد فيستا و السيات ابيزا و الفولكس بولو و الرينو ميجان هاتشباك و كلهم موديل 2012 ...يا ريت تبقى مقارنة فنية يعنى الفروق في عزم الموتور نظم التعليق عوامل الامان الخ ...يعنى قصدي مش مقارنة عامة علشان ان عارف ان الرينو ميجان مثلا فئة اكبر شوية و الفولكس و الايبيزا فيها حاجات كتير مشتركة و لكم جزيل الشكر مقدما :)

**S O P H O S** · 08-05-2012 04:18 PM

فورد والميجان مع بعض
والابيزا والبولو مع بعض
اظن كده المقارنة افضل
متابع

**Hossam_hassan4** · 08-05-2012 06:23 PM

الميجان ممكن احسنهم من ناحيه اوبشنز اكتر وسائل الامان اعتقد اكتر الموتور 1.6 تتفوق عليها الابيزا اعتقد بفضل الفتيس ال dsg و يعيبها خامات التابلوه و الصالون مش كويسه خالص

انا عن نفسي شايف المقارنه ف الفئه دي بين الابيزا و الكورسا

**emadmedhat** · 08-05-2012 09:33 PM

الميجان اكبر من الفورد فيستا كصالون ....الابيزا هل الفتيس الdsg عيب ولا ميزة ؟؟؟!! ..و موافق على ان خامات الابيزا الافقر في كل العربيات دول فعلا

**Hossam_hassan4** · 08-05-2012 11:10 PM

المشاركة الأصلية كتبت بواسطة emadmedhat

الميجان اكبر من الفورد فيستا كصالون ....الابيزا هل الفتيس الdsg عيب ولا ميزة ؟؟؟!! ..و موافق على ان خامات الابيزا الافقر في كل العربيات دول فعلا

ال dsg فتيس بتكنولوجي متطوره جدااا بسبع نقلات اتوماتك بيطلع العربيه من 0-100 في 10.7 ثانيه بس كان بيبوظ اول ما نزل 2009 بس بعد كده صلحوا العيب ده و مفيش منه مشاكل بس ما زالت الناس بتخاف و تقول منغامرش احسن

و الخامات فقيره بس شكلها مش وحش قريبه من الكوري شويه و الميجان نفس الموضوع علي فكره. لكن الفييستا لو اللي بينزلمصر زي اللي في الصور يبقي كويس جدا

و ممكن تدخل. الكورسا خامات كويسه جدا 96 حصان جنوط 17 و مثبت سرعه و وسائل امان كامله و 2 اير باج و عتب ابواب بس يعيبها التوكيل بتعها سئ جداا