الوسواس

**shooda2020** · 09-05-2012 02:12 AM

مش عارف حاسس انها حاجه عاديه وساعات بحسها حاجه غريبه
لما باجي اركن العربيه
وابقي كاسر الدريكسيون شويه علشان ارجع بضهري اركن
لو ماظبطش رجلي اسمع صوت كركبه جايه من تحت الدركسيون زاي كانها هاتطفي مش عارف دا عادي ولا علشان مش بظبط رجلي ولا ايه
حاسسها حاجه رخمه بجد
بس لما بمشي عادي مش بسمعها مش عارف يا جماعه افيدوني مع العلم العربيه مش بطلع بيها كتير ماخدتش ولا مطب الصيانات في ميعادها لسه عامل صيانه ال 15 من كام اسبوع لسه مربط عفشه
افيدوووووووووووووووووني

**john55** · 09-05-2012 02:22 AM

هي مانيول ولا هيدرومتيك

**shooda2020** · 09-05-2012 02:32 AM

لا مانيوال
ودا ايه علاقته طيب حضرتك؟؟

**S O P H O S** · 09-05-2012 04:56 AM

اظن الدربياج
حضرتك ممكن تكون مش زابط رجلك او الدربياج واطي
والله اعلم

**ahmedkhairy** · 09-05-2012 10:14 AM

متابع

**artist** · 09-05-2012 11:52 AM

طب ولو اوتوماتيك ؟!

**Sir_Mohd_Sabra** · 09-05-2012 01:57 PM

انا عندى اوتوماتيك وبتعمل كده لما اجى اركن واكسر ع الاخر بتعمل الصوت ده من زماان بقالها 6 شهور وانا مطنشها وهى ماشيه معايا زى الفل مفيش تغيير فى حاجه السحب او البنزبن او اى حاجه فانا كبرت دماغى عشان كده بس واحد قالى لما بتكسر الدريكسون ع الاخر العربيه بتبقى فى اضعف حالاتها فبتعمل كده بس لما بسيب سنه مش ع الاخر مفيش صوت
اقولك كبر دماغك زى طالما مفيش اى مشكله لانها لو بتعمل مشلكه كانت عملتها عندى من زمان
وربنا يباركلك فيها ياكبير

**artist** · 09-05-2012 02:16 PM

متابع!

**HAITHAM1985** · 09-05-2012 04:02 PM

حمل المقص فى إتجاه واحد مع عزم الموتور بيخلى السكاترة تتعصر وده طبيعــــــــــــــــى جداااااااااا هاتلاقيه حتى فى البوجاتى مش الفيرنا الغلبانة

**shooda2020** · 09-05-2012 04:38 PM

شكرا يا جماعه انكم طمنتوني جدا بس الاستغربتله ان الصوت ماكنش ظاهر في الاول بس الصوت بييجي لما مش بكون كاسر الدريكسيون جامد دا يا دوبك سنه صغيره بحس كدا زاي مايكون حاجه في درج التابلوه بتعمل الصوت دا بس المشكه ان الصوت دا ناحيتي انا مش ناحيه الدرج و احساسي ان العفشه مش متربطه كويس بس انا لسه رابطها مافيش اسبوع او ممكن تكون قواعد الموتور بس برضه مربطها