الموضوع: تكيف بيكانتو 2006

عندي مشكلة في تكييف العربية وهو إني كل ما أشغل التكييف الفيوز الخاص بيه يتحرق الموضوع ده حصل أواخر الشتاء السنه اللي فاتت بس مش كتير - يعني كانت بتحصل مره أو إتنين في الإسبوع مثلا - في الوقت الحالي بقى بيحصل كل ما أشغل التكييف وفي التوكيل قالولي لازم الكومبريسور يتغير

فأنا عايز أعرف سعره هايكون كام في التوكيل ولو في بدائل كويسه خارج التوكيل ولا لأ - كمات لو الكومبريسور ممكن يتصلح ولا لأ خارج أو داخل التوكيل

وشكرا

المشاركة الأصلية كتبت بواسطة a.saad

الفيوز بيكون عيب فى الكهرباء
قفلة او زيادة حمل
انصحك تشوف كهربائى كويس يشوف السلوك بتاعة دائرة التكييف الاول

المشكلة مش في الكهرباء علشان انا كشفت على التكييف في التوكيل وفي فرعين مختلفين وأجمعوا إن الكومبريسور لازم يتغير

كمان صوت تكة الكلاتش عاليه وخشنه فعلا

أنا بصراحة مش عارف أعمل آيه في الموضوع ده وكمان مش بحب إن حد يشتغل في العربية غير التوكيل وانا أصلا محافظ عليها جدا ويمكن أنا عايز أشوف حل للموضوع ده بره التوكيل علشان السعر وفي نفس الوقت يكون حد مضمون مليون المية