محتار ما بين الكارينز والقشقاي والسبورتاج دلوني يا خبراء

**a_salah** · 10-05-2012 12:16 PM

السلام عليكم ورحمة الله وبركاته
اولا انا لا افهم في السيارات والمواتير الا القليل جدا وناوي إن شاء الله اشتري عربية mpv او suv وكانت شروطي انها تكون عائلية وواسعة لزوم السفر وتكون ذات قوة و تحمل و ثباااات و اماااااااااااااان وقطع غيار اسعارها معقولة بالنسبة للعمر الافتراضي وتكون اتوماتك
وكنت توكلت علي الله علي الكارينز اوتو ولكن زغللت عينية عربيتن تانيين في فئه سعريه اكبر
هما النيسان قشقاي اوتو والكيا سبورتاج في حدود 175 الف
ايهما من الثلاثه سيارات بعد اذن حضرات الساده خبراء المنتدي المحترمين
السعر مقابل القيمة المضافة ( Add Value) ثمنها فيها واكثر
بمعني عربية تعيش وتستحمل شوارعنا ومطباتنا الغير طبيعية يعني ماتور معمر وعفشة قوية واعتماديه ومصاريفها اقل من حيث مدة الاستخدام وتوكيل محترم وانا من النوع الي ما ببعش عربيتي بسرعة
وجزاكم الله خير الجزاء لمساعدتي

**mody3on** · 10-05-2012 12:40 PM

رايي المتواضع القشقاي , امان وتحمل وثبات كويسين , موتور السبورتاج اقوى منها , قطع الغيار في الاتنين متقاربة جدا
القشقاي بحوالي 185 الف , السبورتاج الكاملة تقريبا ب 210 بكماليات اكتر بكتير , شكل السبورتاج بالنسبة لي احسن من القشقاي ( اللي مصممها اصلا كان شغال مصمم في اودي ) , السبورتاج واسعة جدا , بس النيسان ارخص واعتمادية كويسة وتقفيل انجليزي وخامات كويسة وتابلوه كويس , تقريبا الفرش مش جلد , طبعا انا شلت الكارينز من المقارنة عشان هي عفشتها اقل وموتور اقل بكتير وكماليات اقل

**gebreel** · 10-05-2012 12:53 PM

قاشقاي ب 175 ممتازة

**thunder155** · 10-05-2012 01:16 PM

كارينز أعلى فئة

لو حتدفع أكتر من كده شوف جيتا 2011 هاى لاين

و ممكن حته 318 2010

**hossfo** · 10-05-2012 02:55 PM

سبورتاج شكلا افضل من القشقاى الكارينز سيارة عادية جداا هى زى ال ماتريكس بالظبط وكمان دى حاجة تانية غير القشقاى والسبورتاج انا افضل القشقاى

**mohamed_selim** · 10-05-2012 03:23 PM

المشاركة الأصلية كتبت بواسطة hossfo

سبورتاج شكلا افضل من القشقاى الكارينز سيارة عادية جداا هى زى ال ماتريكس بالظبط وكمان دى حاجة تانية غير القشقاى والسبورتاج انا افضل القشقاى

طبعا رأى حضرتك يحترم بس معلش الكارينز مختلفه كتير عن الماتركس سواء فى الوسع او الشنطه او الاستجابه

**Land_Cruiser** · 10-05-2012 04:09 PM

الكارينز
مزاياها
- واسعه
- ارخص حوالى ٥٠ الى ٦٠ الف جنيه من القاشقاى و الاسبورتيج ففرق السعر لصالحها
- عاليه عن الارض و مش هتحك فى المطبات

اما عيوبها انها تقيله على الموتور بتاعها وده بيخلليها تقيله فى السحب حبتين و كمان ابتداء من ٢٠١٣ هينزل منها جيل جديد بشكل و مواصفات مختلفه عن الموجوده حاليا

الاسبورتيج
احسنهم شكلا و اغلاهم سعرا و هى واسعه لكن مشكلتها الاوفر برايس او حكايه تحجز و تستلم بعد ٦ شهور دى والناس اللى جابتها بتشكر فيها و العربيه بدأت تنتشر و هى البنزين المثالى ليها ٩٥ و ان كان البعض بيحطلها بنزين ٩٢ و قالوا ان الفرق مش كبير بس الله اعلم ايه التأثير على المدى الطويل لان

القاشقاى
سعرها متوسط بين الاتنين وواسعه برضه متوسطه بين الاسبورتيج و الكارينز و تقفيل انجليزى و اكيد هتبقى اعتماديه و استهلاكها للبنزين معقول و هى لسه نازله قريب فاكيد ما انتشرتش اوى فى الشوارع عندنا و لكن الناس اللى اشتريتها و عملت لها تست درايف شكرت فيها قوى

انا نصيحتى لو عايز حاجه فى الرينج القليل يبقى فكر فى الكارينز بس هات الشكل الجديد لما ينزل اما لو تقدر تعلى كمان ممكن تفكر فى الاسبورتيج او القاشقاى بس أوعى تشترى باوفر برايس و احجز عادى و استناها ما تستعجلش و ممكن برضه تروح تتفرج علي الاتنين و تشوف اى واحده فيهم عاجباك اكتر و بالتوفيق