الموضوع: اتخانقت بسبب الفيليبس رالى

مساء الخير ياهيونداوية واحشنى والله جدا جدا ......

طبعا بعد ما الدسك واسطوانة باظو العربيه بقت مبرجله جدا وبتمشى بالعافيه واخيرا الميكانيكى لسه فاتح النهارده ودتها وهى عندو دلوقتى .....

امبارح بعد العصر لقيت الكهربائى بيكلمنى بيقولى عندو فانوسين امامى استيراد وحالتهم ممتازه وتعالى اركبهملك وكدا قولتلو ياعم مانا جايب اتنين تايوانى وانت اللى مركبهملى مفيش 3 شهور قالى مانت عارف انا قولتلك هات استيراد وانت جبت تايوانى تعالى بص بس على الحاجه الاصلى بتاعت العربيه قولتلو ياعم العربيه بتمشى بالعافيه والدسك والاسطوانه فيهم شغل قالى تعالى اركبهملك ودى عربيتى قولتلو خلاص هاجى ابص عليهم فعلا روحت بالعربيه طبعا اول ماسخنت ركبها عفريت وبقت تكرركر وفضلت كدا لحد ماوصلت لقيت الفانوسين جداد لانج وبيلمعو واستيراد قولتلو بكام قالى علشان خاطرك 130 للفانوسين قولتلو لا هما 100 حلوين قالى ماشى انا لقيتها فرصه لانى كنت سأل عليهم فى الحرفيين الواحد استيراد ب 140 ....

المهم بدأ الفك والتركيب وظبطنا النور وفرق طبعا طبعا ملحوظ وانا ماشى منور النور الصغير حسيت الناس مدايقه اومال لو نورت العالى ياجدعان قولت لازم اجيب شبورة علشان وانا ماشى فوسط الناس ميزعلوش قولت بس لما ربنا يسهلها انا بقا داخل الشارع ومنور النور الصغير الاقيلك واحد قاعد على مكنة صينى هو وواحد صاحبو ومستنيين حد .....

والاقيلك الواد يقف قدام العربيه ويخبطلى عالكبوت اطفى النور ياعم ارحمونا قولتلو ده الواطى والله قالى ماترحمنا قومت نازل مسكت فيه قولتلو ده الواطى انت عاوز ايه متشوحش ومسكتو ضربتو ووقعتو عالمكنة وصاحبو يهدينى وانا ابدا لازم يعتزر طبعا صحابو جم وانا صحابى جم وشدينا مع بعض جامد وفى الاخر قالى خلاص ياصاحبى انا مدايق وكدا لانى جايب تاكسى فيرنا وعليه 70 الف اقساط ومدفعتش ولا قسط وعملت بيه حادثه كبيره .... قولتلو قول كدا بقا انك عاوز تتخانق مع اى حد وقالى انا اسف وحقك عليا وانا ركبت العربيه اجى اطلع تبطل اجى اطلع تبطل لانها سخنه المهم دارت وزودت جامد وروحت وقررت انى اركب شبورة لان بجد الفيليبس رالى نورها غبى اوى ....

ودى كانت قصتى انتظرو تقرير الدسك والاسطوانة قريباااا ....

المشاركة الأصلية كتبت بواسطة ahmedzizo131

بسم الله الرحمن الرحيم
طيب عندى استفسارات
اللى راكب فليس رالى 90 / 100 ولاا 55 / 60؟؟؟؟
و هل راكب على كتاوت ولاا لا ؟؟؟
و كان سعرهم كام ؟؟؟

90/100

كتاوت تركى ب 35 جنية

سعرهم كان 95 جنيه من محل المدينة فى شارع دمشق بس بجد يستاهلو ثمنهم وزيادة