| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 14 1 2 3 4 5 6 11 ... الأخيرةالأخيرة
النتائج 1 إلى 10 من 133

  1. #1

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي عفوا يا ملاك السيراتو ! ! السيراتو عايزة سواق !! ؟ - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    ازيكم يا نمور كيا بصفة عامة وملاك حبيبتي السيراتو بصفة خاصة

    والله يا جماعة السيراتو من اكتر العربيات اللى انا عن نفسي من زمان وانا بحترمها وبحبها

    وبعد كمان ماركبت عربية ياسر حبيت السيراتو واحترمتها اكتر واكتر

    والله بقيت بحسها عربيتي وانا مديهاله كدة تفضل معاه حبة ههههههه

    ادائها جميل وشكلها اروع عربية بتديلك كل حاجة بسعر قليل

    كان فيه ناس بتتكلم عن الثبات بتاعها وانه مش قد كدة ! !

    لحد ما في مرة ياسر فرجني على العربية وادائها على الطبيعة !

    داخلين ملف على 130 والعربية ماشاء الله ولا الهوا ! ! مع انه ملف رخم اعتقد انا اخري ممكن اخده على 60/70 ! <<< الملف اللى وانت راجع من اكتوبر وداخل على طريق الواحات ! فيه ملف يمين بيوديك على جامعة ال MSA هو الملف ده

    واكتر حاجة عجبتني اني حسيت العربية خدت الملف زي مالكتاب ماقال بالرغم من اننا داخلين الملف بسرعة عالية ! بس ماحستش ان العربية عامت او خفت او رفعت او اي حاجة من الحجات دي نهائيا ! ! قلت بس ماشاء الله على السيراتو وعربية من الاخر وثبات وجري وكل حاجة

    بغض النظر عن الكام غرزة اللى خدهم واني سعتها كنت شوية وهنزل اقعد في الدواسات !! بس العربية ماشاء الله ماكنتش بتتحرك ولا سنتي زيادة عن حركة الدركسيون لا يمين ولا شمال

    وحسيت اني شوية كدة وهقوم بايع الياريس ومشتري سيراتو

    لحد مالنهارده حصل موقف قدام عيني قفلني من العربية بصراحة

    على الرغم من اني والله بحبها جدا اكنها عربيتي زي ماقلتلكم الا ان اللى حصل قدام عيني قفلني جامد اوي من العربية

    كنت في مدينة نصر وراجع في اتجاه كوبري اكتوبر

    عند منصة السادات الحتة دي عموما انا بحب اجري فيها

    انا ماسك الشمال وبجري سخن معايا واحد معاه سيراتو كوبيه عاملها مط احمر غامق ومركب ديفل وحركات والعربية شكلها ماشاء الله تبارك الله

    لقيته راح جاري من اليمين

    بقيت انا ماسك الشمال وبجري وهو ماسك اليمين وبيجري

    غرزة من هنا على غرزة من هنا

    مرة واحدة لقيت بتاع السيراتو

    هووووووووووب من اقصى اليمين لاقصى الشمال من قدامي عشان يطلع كوبري اكتوبر ! انا لو سرعتي كانت اعلى من كدة حبتين كان هيلبس فيا لانه داخلها بسرعة من غير مايبص

    قلت معلش غشومية سواق مش مشكلة يعني

    قطم غرزة على مطلع الكبري مابين عربيتين ورحت انا واخدها وراه

    بقى هو قدامي وانا وراه مباشرة والمفروض انك اول مابتطلع كوبري اكتوبر من شارع النصر الكبري بيلف يمين

    انا هديت حبة وهو تقريبا داخل الملف ده بسرعة بس مش سرعة عالية يعني اعتقد مش اعلى من 100 !! تقريبا داخل الملف 70/80 حاجة كدة

    دخل الملف على الواسع وزي الفل مافيش اي مشكلة مرة واحدة

    الاقي العربية بتعرض منه الله واعلم هو رفع الهاند ولا العربية عرضت ليه !! لسه هقول يابن الاعيبة واخد الملف دريفت والواد ده برنس ! مالقحتش الكلمة تطلع من بقي

    الاقي اول ماخرج من الملف تقوم العربية ترد العكس بطريقة غرييييييييييييبة جدا !!

    الملف يمين ! فبدل ماكانت العربية معرضة وضهرها نحية الرصيف الشمال ! اول مايخرج من الملف بيعدلها تتعكس تماما

    ويبقى ضهر العربية لليمين ووشها للرصيف الشمال !

    وفي اللحظة دي تكون عربية جاية من الحارة الشمال !!

    خلاص هيلبس فيها بوشه

    يقوم رادد العربية العكس !! هنا حسيت انه فقد التحكم في العربية تماما والعربية بقت بتتحكم فيه بمزاجها

    العربية تتعكس بس بشكل غبي جدا وضهرها يرجع تاني للشمال ووشها لليمين بس في اللحظة دي كان هيطير العربية اللى جاية من العكس بشنطته !!

    وكان هيلبس فيا من قدام !! انا لحقت نفسي بفرامل وانتظار وقاعد بتفرج مستني اسمع

    طاااااااااخ بووووووووووووووووم فييييييييييييييش !!

    لكن الحمد لله لولا ستر ربنا السيراتو وقفت بفرق سنتي ميترات عن العربية اللى جاية من النحية التانية وبفرق تقريبا متر من عربيتي !! وراح عادل نفسه وطاير على نزلة صلاح سالم !!

    مش عارف اذا كنتم متخيلين اللى حصل ولا لاء فقلت لما ارسملكم رسم كروكي كدة يوضح الموقف



    زي ماحضراتكم شايفين السيراتو اللى عاملها بالاحمر طالعة الكوبري

    بتلف الملف ! عند اول سهم احمر بيوضح ان العربية بدات تعرض من ضهرها

    اول ماخرج من الملف بيعدل العربية اتعكست معاه تماما وبقى وشها هيخبط في العربية السودا اللى جاية من النحية التانية

    وعشان مايخبطش بيعدلها تاني قامت لافة منه بزيادة وبقى هيلبس في نفس العربية السودا بس بشنطته !!

    انا مش عارف بصراحة هو ايه اللى ممكن يكون حصل عشان العربية تعرض بالمنظر ده ! هل هو رفع الهاند ؟ ؟ ولا كان داخل الملف بسرعة ومعرفش يتحكم في العربية !! ؟

    ايا كان السبب بس اللى شفته ان استجابة العربية في الموقف ده = صفر كبيييير !!

    العربية ولا الهوا وبقت كلها محاولات فاشلة من السواق انه يعدل العربية بس للاسف ولا واحدة فيهم نجحت ! ومن اول مالعربية عرضت وهو بيحاول يجبها يمين شمال مافيش فايدة كل مرة تعرض اكتر وهو فاقد السيطرة عليها تماما

    وده طبعا حاجة مش كويسة بالنسبة للعربية ! ماشي ممكن يكون انها عرضت بسبب غباء منه لكن كنت متوقع ان استجابة العربية تكون احسن من كدة !

    انا مثلا عندي في الياريس اه بتعوم وبتعرض بسهولة لكن مابيحصلش الكلام ده لما العربية بتعرض !! يدوب تعرض وتقوم عادلة نفسها مع نفسها وبستر ربنا طبعا

    وفيه عربيات كتير بتعرض بسهولة بس بتتلم علطول ودي شفتها في اكتر من عربية !

    لكن بصراحة اللى شفته في السيراتو النهارده اول مالعربية ماعرضت خلاص بقى كل سنة وانت طيب

    قعدت تلف تلف لحد ماتقريبا وقفت ولولا انها وقفت كان ممكن تفضل مستمرة في انها تعرض يمين وشمال

    اللى سمعته ومش عارف مدى صحة الكلام ده ان العربيات اللى عفشتها ناشفة بتبقى من الصعب التحكم فيها وعدلها لما بتعرض ! بعكس العربيات اللى عفشتها ناعمة بتعرض بسهولة بس بتتلم بسهولة برضوا !

    ايه تفسيركم يا ملاك السيراتو ؟ فعلا العربية لما بتعرض بيبقى صعب التحكم فيها ؟

    وايه اخبار العربية معاكم في الملفات ؟ هل عايزة سواق حريف عشان يعرف يتحكم فيها في الملفات على سرعات عالية ولا اي حد ؟ ؟

    عايز اسمع تعليقاتكم عن اللى حصل مش هينفع افضل مقفول من حبيبتي كدة كتير حد يفسرلي اللى حصل


  2. #2

    الصورة الرمزية eng.m7md.ali

    رقم العضوية : 55300

    تاريخ التسجيل : 09Dec2009

    المشاركات : 8,794

    النوع : ذكر

    الاقامة : مدينة العبور

    السيارة: PROTON GEN2

    السيارة[2]: ...

    دراجة بخارية: no bike

    الحالة : eng.m7md.ali غير متواجد حالياً

    افتراضي -

    هحكيلك تجربتي مع اني مش من ملاكها
    السيراتو بالجنوط ال 17 طبيعي جدا تبقى اثبت من ال16 بس انا حصل معايا كذا موقف غريب
    مرة سوقت سيراتو بجنوط 17 وكانت زي الزفت في الثبات
    ومرة تانية سوقت واحدة تانية بنفس الجنوط وكانت احسن بكتير
    ومرة تالتة سوقت واحدة بس بجنوط 16 ولقيتها احسن واحسن متفهمش ليه
    مع ان متوسط عمرهم من 35 الف لحد ال 50 الف كيلو تقريبا يعني ممكن نقول الحالة واحدة

    طبعا اللي حصل ده ممكن يكون من السواق عشان داخل بسرعة عالية ولعلمك السيراتو بتعوم بسهولة عشان العفشة الخلفية
    عكس الواجا عفشتها multi link صعب انها تعمل كدة في ملف زي ده لاني عارف انه رخم بس انا باخده بسرعة 70 او 80 زي مانت كاتب ومبيحصلش كدة

    eng f3lix سابقا


  3. #3

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    ahmod بييييييييييه عامل إيه يا ريس ..

    صحيح عرفني ولا لأ !!! اوعى تكون نستني ..

    بس فعلا زي ماقلت العربية عايزة سواق .. أي عربية مش سيراتو بس ..

    اللي عمله ده غشومية بمعنى الكلمة .. مفيش تفسير تاني .. هي ااااااااه عافشتها وحشة .. لكن مش بالطريقة دييييييييه ..

    عموما خليك بس في 160 بتاعتك ديه لحد متتحل ههههههههههه ..


  4. #4

    الصورة الرمزية Inteltech

    رقم العضوية : 123619

    تاريخ التسجيل : 24Apr2012

    المشاركات : 335

    النوع : ذكر

    الاقامة : 10th of ramdan city

    السيارة: None

    السيارة[2]: None

    الحالة : Inteltech غير متواجد حالياً

    افتراضي -

    لو كانت العفشة المشكلة تبقى المشكلة نفسها في الالنترا لان العفشة واحدة يعني ولا ايه ؟؟؟؟!!! وربنا انت بدأت تقفلني من الكوري مع اني بديت اقتنع فيه ونويت عليه بس انا بكل الحالات مش بجري ولا بزود عن 120 على الطرق المفتوحة خلاص اتعملت وشفت كثير وبالمدينة مش بزيد عن 60 - 80 .


  5. #5

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    على فكرة هو لو ممكن ميكونش عارف ان طلعة أكتوبر فيها ملف جامد كده .. عشان انت بتقول انه خد الطريق من أقصل اليمين لأقصى الشمال عشان يطلع أكتوبر .. فممكن ميكونش عامل حسابه ان الملف جامد كده.

    الحاجه التانيه لو هو عارف ان فيه ملف جامد.. يبقى ده عيب سواق وش .. لأنه المفروض انه حافظ
    اداء عربيته .. و عارف هيدخل الملف ازاي .. و هيقرص امتى و هيشعر فرامل امتى .. و هيلف الدركسيون ازاي.

    و ربنا يسترها علينا جميعا.

    القران الكريم بجودة صوت عاليه جدا
    http://www.nilemotors.net/Nile/230790-a.html


  6. #6

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    اكيد انته الى سخنته وخليته يعمل فى نفسه كده
    بطل شقاوة يا دكتور احمد


  7. #7

    Evo

    الصورة الرمزية Evo

    رقم العضوية : 45742

    تاريخ التسجيل : 30Aug2009

    المشاركات : 977

    النوع : ذكر

    الاقامة : On earth

    السيارة: Japanese

    السيارة[2]: German/ American

    دراجة بخارية: No

    الحالة : Evo غير متواجد حالياً

    افتراضي -

    أنا باخد الملف دة بعربية اروبي بسرعة عالية زي د تقريباً وأكتر ومبتعرضش ليه
    دة إسمه Oversteer وعيب شهير في بعض العربيات خصوصاً ال- Torsion beam


  8. #8

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي -

    اقتباس المشاركة الأصلية كتبت بواسطة eng f3lix مشاهدة المشاركة
    هحكيلك تجربتي مع اني مش من ملاكها
    السيراتو بالجنوط ال 17 طبيعي جدا تبقى اثبت من ال16 بس انا حصل معايا كذا موقف غريب
    مرة سوقت سيراتو بجنوط 17 وكانت زي الزفت في الثبات
    ومرة تانية سوقت واحدة تانية بنفس الجنوط وكانت احسن بكتير
    ومرة تالتة سوقت واحدة بس بجنوط 16 ولقيتها احسن واحسن متفهمش ليه
    مع ان متوسط عمرهم من 35 الف لحد ال 50 الف كيلو تقريبا يعني ممكن نقول الحالة واحدة

    طبعا اللي حصل ده ممكن يكون من السواق عشان داخل بسرعة عالية ولعلمك السيراتو بتعوم بسهولة عشان العفشة الخلفية
    عكس الواجا عفشتها multi link صعب انها تعمل كدة في ملف زي ده لاني عارف انه رخم بس انا باخده بسرعة 70 او 80 زي مانت كاتب ومبيحصلش كدة
    والله هي العربية دي فعلا غربية !!

    مرة اشوف سيراتو وتبقى ماشاء الله عليها طايرة ومحدش عارف يجيبها ! وسعات العكس تلاقيها على قدها في الجري

    اللى انا استنتجته انها عربية حساسة يعني اللى مهتم بيها وبصيانتها وقطع الغيار بتاعتها بيلاقي منها احلى اداء واللى مكبر دماغه مش بياخد منها اي حاجة

    اقتباس المشاركة الأصلية كتبت بواسطة Ahmazong مشاهدة المشاركة
    ahmod بييييييييييه عامل إيه يا ريس ..

    صحيح عرفني ولا لأ !!! اوعى تكون نستني ..

    بس فعلا زي ماقلت العربية عايزة سواق .. أي عربية مش سيراتو بس ..

    اللي عمله ده غشومية بمعنى الكلمة .. مفيش تفسير تاني .. هي ااااااااه عافشتها وحشة .. لكن مش بالطريقة دييييييييه ..

    عموما خليك بس في 160 بتاعتك ديه لحد متتحل ههههههههههه ..
    حبيبي فاكرك طبعا يا كبير انت بتتكلم في ايه !!

    والله لسه معملتش حاجة في موضوع ال 160 ده قول يارب بس

    ان شاء الله قريب هروح اغير زيت الفتيس وخير ان شاء الله

    اقتباس المشاركة الأصلية كتبت بواسطة Inteltech مشاهدة المشاركة
    لو كانت العفشة المشكلة تبقى المشكلة نفسها في الالنترا لان العفشة واحدة يعني ولا ايه ؟؟؟؟!!! وربنا انت بدأت تقفلني من الكوري مع اني بديت اقتنع فيه ونويت عليه بس انا بكل الحالات مش بجري ولا بزود عن 120 على الطرق المفتوحة خلاص اتعملت وشفت كثير وبالمدينة مش بزيد عن 60 - 80 .
    والله انا مش عارف المشكلة في ايه بالظبط لكن لو العربية عرضت بسبب غشومية سواق

    فبصراحة استجابة العربية وهي معرضة كانت وحشة جدا ! يعني اعتقد لو عربية بعفشة ناعمة زي الكورولا او الياريس وعرضت نفس التعريضة دي

    اعتقد كانت هتتلم بسهولة وماكنتش هتعمل كل ده !!

    اقتباس المشاركة الأصلية كتبت بواسطة kar!m مشاهدة المشاركة
    على فكرة هو لو ممكن ميكونش عارف ان طلعة أكتوبر فيها ملف جامد كده .. عشان انت بتقول انه خد الطريق من أقصل اليمين لأقصى الشمال عشان يطلع أكتوبر .. فممكن ميكونش عامل حسابه ان الملف جامد كده.

    الحاجه التانيه لو هو عارف ان فيه ملف جامد.. يبقى ده عيب سواق وش .. لأنه المفروض انه حافظ
    اداء عربيته .. و عارف هيدخل الملف ازاي .. و هيقرص امتى و هيشعر فرامل امتى .. و هيلف الدركسيون ازاي.

    و ربنا يسترها علينا جميعا.
    لا عادي مش شرط عشان جيه من اقصى اليمين للشمال عشان يطلع الكبري يبقى مش عارف الطريق ! اصلا الكبري باين من بعيييييييد

    وناس كتير بتعمل كدة وانا واحد منهم بحب اجري في الطريق ده نحية اليمين عشان الشمال عنده U-turn فبتتفادى ال U-turn من خلال انك تجري من اليمين وتروح واخد الطريق بالعرض عشان تطلع الكبري طبعا لازم تخلي بالك من مراياتك عشان فيه ناس بتبقى جاية طايرة من ورا

    واما الملف فانا مش هلوم العربية على التعريضة عادي ممكن تكون خشومية سواق او دخل الملف بسرعة او وارد يكون رفع هاند الله واعلم

    لكن انا اللى مضايقني واللى استغربتله بصراحة هو اداء العربية واستجابتها

    العربية تقريبا تكاد تكون اول ماعرضت منه خلاص فقد التحكم والسيطرة عليها تماما !! يجيب يمين تقوم معرضة يمين بطريقة غبية ! يلم شمال تقوم معرضة العكس اكنك بالظبط بتتزحلق على الجليد !! حاجة غريبة فعلا

    اقتباس المشاركة الأصلية كتبت بواسطة lanos2004 مشاهدة المشاركة
    اكيد انته الى سخنته وخليته يعمل فى نفسه كده
    بطل شقاوة يا دكتور احمد
    لا والله يابوحميد انا الحتة دي علطول بجري فيها مع نفسي هو اللى جايز سخن من صوت الشكمان عندي الله واعلم بس انا ماجتش جمبه نهائي

    اقتباس المشاركة الأصلية كتبت بواسطة Evo مشاهدة المشاركة
    أنا باخد الملف دة بعربية اروبي بسرعة عالية زي د تقريباً وأكتر ومبتعرضش ليه
    دة إسمه Oversteer وعيب شهير في بعض العربيات خصوصاً ال- Torsion beam
    ماهو فرق العربية برضوا يا كبير ! مع انك ماذكرتش نوع العربية بس واضح انها عربية تقيلة خصوصا انها اوروبي والاوروبي معروف انه ثباته افضل من الكوري والياباني

    شوف انا برضوا هقولها تاني اانا مش مستعجب ان العربية تعرض ده وارد وبيحصل وفي اثبت العربيات كمان لو السواق اتغاشم على العربية بتعرض

    وياما شفنا على المحور جيتا وفانتزيا وحتى سيفك بيعرضوا ولولا ستر ربنا بتبقى العربية هتخيش

    فالفكرة مش فكرة ان العربية عملت oversteer !

    الفكرة في استجابة العربية بعد كدة وهي في حالة ال oversteering !! حسب مانا شفت قدام عيني فاستجابة العربية كانت في البطيخ ! والحمد لله ربنا اللى سترها


  9. #9

    الصورة الرمزية janjon1978

    رقم العضوية : 3311

    تاريخ التسجيل : 19Nov2007

    المشاركات : 310

    النوع : ذكر

    الاقامة : cairo

    السيارة: جوك 2014

    السيارة[2]: mazda 3 2008

    دراجة بخارية: لا يوجد

    الحالة : janjon1978 غير متواجد حالياً

    افتراضي -

    دة ملف 90درجة و صغير .. اخرة 80 الى 90 فى كل العربيات .. اكتر من كدة عايز بورش او فيرارى .. اخرى بالماذدا 80


  10. #10

    الصورة الرمزية lanos2004

    رقم العضوية : 119672

    تاريخ التسجيل : 27Jan2012

    المشاركات : 6,807

    النوع : ذكر

    الاقامة : النزهه الجديدة

    السيارة: اتباعت

    السيارة[2]: lanos 1.5 16 v

    دراجة بخارية: لا يوجد

    الحالة : lanos2004 غير متواجد حالياً

    افتراضي -

    hasad">

    انا كل الى بحس بيه من ناحيه السيراتوا انها زى ورقه اليناصيب انته وحظك--تقريبا ما فيش رقابه ولا اختبار جودة على المنتج النهائى -



 
صفحة 1 من 14 1 2 3 4 5 6 11 ... الأخيرةالأخيرة

المواضيع المتشابهه

  1. ممكن يا ملاك السيراتو تصوتوا لو سمحتوا؟
    بواسطة zico900 في المنتدى كـــــيا
    مشاركات: 6
    آخر مشاركة: 16-02-2011, 02:13 PM
  2. الساده ملاك السيراتو الكرام
    بواسطة adhamxx في المنتدى كـــــيا
    مشاركات: 6
    آخر مشاركة: 23-06-2010, 11:26 AM
  3. مشاركات: 6
    آخر مشاركة: 18-04-2010, 12:25 PM
  4. الى ملاك السيراتو المرضى بالتهيؤات
    بواسطة abouwesam في المنتدى كـــــيا
    مشاركات: 10
    آخر مشاركة: 12-03-2010, 10:12 PM
  5. رابطة ملاك السيراتو - احنا كام واحد ؟؟
    بواسطة ethan82 في المنتدى كـــــيا
    مشاركات: 42
    آخر مشاركة: 05-12-2009, 01:04 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2