الموضوع: ما هي الشكاوي من السيراتو بالنسبة لمالكيها !!!

المشاركة الأصلية كتبت بواسطة احمد المصرى

عيب السياره من وجهه نظرى ان العفشه تعتبر نشفه شويه عن باقى السيارات ولكن فى المقابل الثبات كويس وموضوع العفشه بتغلب عليه بالسواقه بهدوء فى الاماكن المكسره

المشاركة الأصلية كتبت بواسطة medo_elgezy

السيراتو بعد تجربة سنتين لاعلى فئة من الاخر هى:
1-وسط بين اليابانى و الصينى فى الخامات المستخدمة بدليل المشاكل المشتركة (رسترة الفلاشة و الفوانيس الى بتسرطن عادى بدون سبب و الفوجات الى بتفصل برده من غير سبب)
2-اداء الماتور بالنسبة لاستهلاك البنزين عجيب زى استهلاك عالى قوى وصل معايا 15 ليتر و التسارع برده مش قد كده و قلنا عيب بنزين مع انها هى هى مكنة الالنترا 2009 و غيرنا البزينة و الزيت و الفلتر و اهه شدت شوية مع السفر المستمر
3-بالنسبة للعفشة الى هتجنن الكل فهية بالنسبة للجنط ال17 و الياي قصير و المساعدين غاز ده طبيعى جداا و لو اى حد راكب عربية و عامل فيها الكلام ده هيفهم ان ده طبيعى بس فى الطرق النضيفة كويسة بس لو طريق مكسر او معرج فربنه يكون فى عونك
4- تعليقى بقى ان فعلا العربية دية فيها حاجة غريبة فى حجتين الاستيرنج و الدنجل ورا بالزات لما يختل توازن العربية على مفصلات الكبارى
ولاى تفاصيل اخرى

المشاركة الأصلية كتبت بواسطة m.hosni

أنا معايا العربية من سنتين و نصف تقريبا مشيت بيها 60000 كم

- الحمد لله لغاية دلوقتي محصلش أي مشاكل كبيرة

- المشكلة الأساسية بالنسبة لي كانت نشوفية العفشة , بس بعد شوية إتعودت عليها

- حاجة تانية بسبب شوارعنا الهايلة و أنا عربيتي فيها جنط 17 , عانيت كتير من البلالين , جبت مرة طقة كاوتش كامل و العربية عاملة 17000 كم , و بعدين جبت فردتين عند 50000 كم

- صوت الموتور عالي شوية , بس مش مزعج

- ليها ميزة كبيرة إنها زي الالنترا (الشكل القديم مش الحالي ) بالضبط فممكن تلاقي ناس كتير شغالة فيها , و كمان قطع الغيار مشتركة بين الاتنين , يعني لو عايز قطع غيار أصلية ممكن تركب بتاعة الالنترا

شاااااااكر ليكم جدا يا جماعة ..

ربنا يجازيكم خيييييييييييير ..

المشاركة الأصلية كتبت بواسطة ابو ليلى

منورنا يا كبير اقرا الموضوع ده للاخر
http://www.nilemotors.net/nile/227629-a.html

جبت من الآخِر يابو ليلى .. تحيااااااااتي