| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية ahmed4000

    رقم العضوية : 41050

    تاريخ التسجيل : 25May2009

    المشاركات : 2,179

    النوع : ذكر

    الاقامة : cairo

    السيارة: no

    السيارة[2]: no

    دراجة بخارية: no

    الحالة : ahmed4000 غير متواجد حالياً

    افتراضي حد عنده خبرة فى الاكس بوكس كنكت - Facebook Twitter whatsapp انشر الموضوع فى :

    hasad">

    السلام عليكم

    ازيك يا شباب نايل موتورز

    بما انى بقت راجل قديم ومبفهمش فى التكنولوجيا

    عايز اجيب اكس بوكس كنيكت لابنى

    طبعا بدور لقيت اختلافات فى الاسعار واللى مكتوب عليه 4 جيجا واللى مكتوب عليه 250 جيجا واللى مكتوب عليه سلم واللى مكتوب عليه بريميوم واللى مكتوب عليه الترا

    ايه يا عالم كل ده

    ايه الفروق ؟ بس حد يشرحلى بالتفصيل الله يخليكم لانى مش فاهم يعنى ايه يلعب اونلاين واسطوانة اصلية ومضروبة

    شكرا

    ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا
    ارجوك علشان خاطر صحتنا وفر شوية فى استهلاك الكهربااء
    ارجووووك وفر شوية فى استهلاك البنزييييين
    اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة

    خليك ايجابى لنفسك حتى..زهقت من "الامعة" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"


  2. #2

    الصورة الرمزية MTAK

    رقم العضوية : 604

    تاريخ التسجيل : 12May2007

    المشاركات : 3,344

    النوع : ذكر

    الاقامة : مصر المحروسة-السويس

    السيارة: لا يوجد

    السيارة[2]: الحمد لله Tiida 07 auto

    دراجة بخارية: لا

    الحالة : MTAK غير متواجد حالياً

    كيميائى / محمد طه
    ------------------
    بسم الله الرحمن الرحيم
    وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
    صدق الله العظيم
    التوبة 105


  3. #3

    الصورة الرمزية النوبي

    رقم العضوية : 41194

    تاريخ التسجيل : 27May2009

    المشاركات : 2,211

    النوع : ذكر

    الاقامة : الاقصر

    السيارة: اسبرينزا A620

    السيارة[2]: اسبرينزا A620

    الحالة : النوبي غير متواجد حالياً

    افتراضي -




    إضغط هنا لعرض بحجمها الأصلي 694x305px.




    مـــوضوعنـــا النهاردة للرد على جميع تسؤلات كل من سيقبل على شراء XBox360 وان شاء الله اكون قدرت اجمع لكم معظم الاسئلة التى تحير المقبلين على الشراء او الى اشتروا ولسة مبتدئين

    والموضوع سيكون منقسم الى عدة اقسام كل قسم بها الاسئلة التى سئلت فيه وتم جمع هذه الاسئلة من مواضيع ورسائل ومنتديات وغيره

    والموضوع متجدد باستمرار طالما هناك اسئلة جديد وطرق واجابات جديدة



    <----
    أولا
    --->


    <---- المقارنـــــات بين الاجهـــزة --->




    - كمبيوتر ولا كونسلز فى الالعاب ؟

    سؤال ورد على ذهن الكثير من الاعضاء اشترى حاسب قوى للالعاب اولاب قوى ولا اجيب كونسلز

    من وجهة نظرى --->

    اذا كنت من هواة الالعاب وكنت قد وضعت ميزانية 4000 الى 5000 جنيه فامن الافضل ان تشترى كونسلز + جهاز متوسط يعنى ( نت & اوفيس & برامج & افلام ) بس

    وانا كنت من هواة اللعب على الكمبيوتر ولاكن بعد تجربة الكونسلز وجدت متعة اخرى اكبر وافضل

    وطبعا لن نستطيع ان ننكر جرافيك البى سى وانه حاوى على 90% من الالعاب واستخداماته المتعددة والتعديل على الالعاب ولاكن ليس بمتعة الكونسلز فى الالعاب
    من ايام PS1

    أهم مميزات الكونسلز بشكل عام

    1 - متعة الكونترولر
    2 - انسى التهنيج والاوبشن والفيكس وغيره من مشاكل العاب البى سى
    3 - انسى التجديد كل سنة علشان لعبة ولااتنين جداد جرافيكهم عالى
    4 - اونلاين ممتع وسهل
    5 - العاب حصرية رائعة جداا
    6 - اضافات حصرية
    7 - اهتمام شامل بالكونسلز من شركات الالعاب
    8 - يمكن تشغيله على شاشة كبيرة بدون ان تحتاج كارت قوى ولا كروس فاير ولا ال SLi ولالعبة تهنج ولا غيره
    9 - عيش مع ال Kinect & Move





    - أيهما أفضل XBox 360 ولا PS3 ولماذا ؟

    هذا السؤال من اكثر الاسئلة التى وردت على كل ذهن من يقبل على شراء كونسلز ومعظم من يسأل لم يكن جرب اى من الجهازين

    المهم ساعطيكم اجابة مختصرة ان شاء الله

    1 - بلاش التعصب لجهاز عن جهاز لان تقريبا الاثنين متساوين ولكل منهما مميزاته

    2- بالنسبة لنصيحتى لو كنت ناوى على العاب اصلية يعنى مش هتعدله يبقى خليك مع PS3 لان به ميزتين عن الاكس بوكس فى موضوع الالعاب الاصلية

    أ - الاونلاين ببلاش عكس الاكس بوكس الاونلاين بفلوس
    ب - العابه الحصرية اكثر وافضل

    3 - لاكن لو ناوى على مهكر يبقى خليك فى ال XBox 360

    أ - مريح واسهل فى الموضوع ده ومضمون نوعا ما لان مايكروسوفت مش زى سونى فى موضوع محارية الهكرز وكدة
    ب - كل الى هيكلفك تعديل ب 100 جنيه واسطوانة ب 6 جنيه واونلاين بيختلف السعر من مدة لاخرى وعيش مع الالعاب اونلاين واوفلاين وكله

    هناك العديد من المقارانات للجهازين اصليين وليس فى المهكر

    http://youtu.be/I8K3AOqOBgw

    و

    http://youtu.be/fARdxkovMhQ

    - مميزات وعيوب ال PS3 فى الهكرز -

    1 - وضع الالعاب على الهارد بدون اسطوانات
    2 - البان يمكن فكه
    3 - سهولة التهكير
    4 - اونلاين مجانى

    5 - الالعاب غير مضمونة التهكير
    6 - الاونلاين غير مهكر
    7 - كبر مساحة الالعاب
    8 - بعض الالعاب تتطلب اى اسطوانة اصلية للقراءة من البلوراى


    - مميزات وعيوب ال XBox 360 فى الهكرز -

    1 - صغر مساحة الالعاب
    2 - سهولة الحصول على الالعاب فى النت
    3 - سهولة الدخول اونلاين
    4 - سهولة التهكير

    5 - يجب نسخ الالعاب على اسطوانات
    6 - اونلاين باشتراك شهرى او 3 شهور او سنة
    7 - عدم وجود طريقة لالغاء البان
    8 - يجب عمل تشيك للالعاب قبل نسخها لعدم التعرض للبان اثناء العب اونلاين

    وأيضا يمكنك معرفة تاريخ ومكونات كلا من الجهازين من
    هنـــــــــــXBoxــــا و هنــــــــــPS3ــــا





    - كينكت ولا الموفى فى الالعاب ؟

    طبعا مش هقدر افتى فى حاجة مجربتهاش لاكن من مشاهدتى ل E3 وبعض المقارنات والالعاب التى ستصدر فى 2012 التى ستدعم الجهازين

    فانا اميل لل Kinect بدون اى تحيز لجهاز عن الاخر

    ولاكنى اراه كما ذكرا مصممين الجهاز انه سيكون

    ( ثورة فى عالم الالعاب للاجهزة المنزلية )

    مقارنة على اليوتيوب

    http://youtu.be/DeJkPN2smB8

    وهناك العديد من المقارانات اخرى



    <---- ثـــانيــــــا --->
    <---- اهم الاسئلــــة عن الانــــواع و الاسعــــار --->




    1 - ماهى انواع الاكس بوكس ؟

    بالنسبة للانواع ( Arcade - Pro - Elite - Super Elite - Slim )

    ويمكنك التعرف على الانواع اكثر من هنـــــــــــــــــــــــ ا


    2 - اين اجد الاكس بوكس ؟

    اما بالنسبة لاماكن البيع

    فهناك العديد من اماكن البيع فى القاهرة

    أشهرهـــــــــــــــا

    Radioshake - Compume - Carfour - B-tech - CityStar

    او

    nefsak.com

    او

    http://egypt.souq.com/eg-ar/?gclid=C...FYoJ3wodSTxmag

    او

    EGPrices.com: search

    او

    http://classifieds.masrawy.com/SearchResults.aspx?CatID=17&SubID=0&q=xbox&pf=&pt= &ty=0

    و

    من السعودية

    البطحاء - جرير - العاب طوكيو



    ويمكن شرائه مستعمل من بعض المنتديات المتخصصة فى ذلك


    3 - ماهى اسعار الاكس بوكس ؟

    اما الاسعار فهى متغيرة ويفضل ان تسئل بنفسك

    Arcade : 1500 : 1800
    Elite : 1800 : 2100
    Super Elite : 2200 : 2500
    Slim 4GB : 2100 : 2300
    Slim 250GB : 2500 : 2600
    Slim + Kinect : 2900 : 3100




    <---- ثــالـــــثا --->
    <---- اهـــم الاسئلـــة عن الــهاردويــر والاكسســـوارات --->




    1 - هو الجهاز بيبقى معاه ايه بالظبط ؟

    1 - دراع وايرلس
    2 - كيبل AV للتفزيون العادي والHD
    3- كبل نيت ورك
    4 - سماعه

    لاكن لو مستعمل مش شرط يجى معاه دا كله

    2 - هل يمكن شحن الكونترولر للاكس بوكس ؟

    هو طبعا عارفين ان الكونترول الاكس بوكس يعمل ببطاريات عادية وليس به بطاربات شحن بال USB كالتى فى ال PS3

    أولا : شراء بطاريات عادية قابلة للشحن + شاحن للبطاريات
    ثانيا : بطاريات قابلة للشحن عن طريق ال USB

    3 - هل الاكس بوكس بيشتغل على شاشة كمبيوتر LCD ؟

    بيشتغل على ال LCD اذا كانت HD او لا
    وبيكون بوصلة ال HDMI .2. VGA اما لو كانت HD بوصلة ال HDMI عالطول بدون تحويل

    4 - هل فيه طرق اخرى لتشغيل الاكس بوكس على شاشة عادية ؟

    عندك طريقة ال TV.XBox ولاكن بتقل جودة الصورة اكيد

    5 - طيب مشكلة الريد لايت ( Red light ) هل مازالت موجودة بنفس النسبة التى كانت عليها من قبل ؟




    هى مازالت موجودة ولا كن فى الاجهزة من النوع الفالكون ولاكن الجاسبر والسليم نسبتها اقل من 5% تقريبا لو الجهاز اشتغل فترات طويلة تحت درجة حرارة عالية

    وسيتم بعض الحلو لهذه المشكلة ان شاء الله

    طيب هنعرف الجهاز الجاسبر منين ؟

    هتقلب الجهاز وتقرا الفولت







    طبعا هتختار الجاسبر لانه مابيسخنش لاكن لو هتجيب جهاز سليم يبقى مش محتاج تشوف جاسبر ولا فالكون السليم كله كويس

    6 - طيب اعمل ايه علشان اجمى نفسى من المكشلة ( Red light ) ؟

    1 - تجيب بوردة الجهاز جاسبر مش فالكون
    2 - توفر له تهوية جيدة ويفضل لو تكيف
    4 - لاتضعه على خشب وضعه على زجاج
    5 - تنظيف الاتربه من حين لاخر ويفضل لو ب بلور يعنى دخ هواء للتنظيف من الداخل
    6 - تشغيله على سبليزر ( منظم كهرباء )
    7 - ماتلعبش اكتر من 5 الى 6 ساعات
    8 - تضعه فى مكان ثابت علشان مايقعش او يتهز كتير

    7 - هل يمكن تركيب هارد كمبيوتر للاكس بوكس لانه ارخص من هارد الاكس بوكس ؟

    أيوا ينفع الطريقة من هنـــــــــــا

    8 - هل يمكن تشغيل ( Mouse & KeyBoard ) معا الاكس بوكس فى جميع الالعاب ؟

    نعم يمكن ولاكن هناك اكثر من طريقة

    1 - ان تقوم بشراء كيبورد للكتابة فقط وهى من مايكروسوفت ويتم وضعها مع الكونترولر مثل هـــــــــــذا

    2 - ان تقوم بشراء محول للماوس والكيبورد وتوصليهم بالجهاز واسمه XFPS360 وهتلعب مثل
    http://youtu.be/LeQ_o3a2AsM
    9 - هل تنصحنى باللعب بالماوس والكيبورد ؟

    لاطبعا لان متعة اللعب فى الاكس بوكس او اى كونسلز هى بالدراع او الجوى ستيك او الكونترولر وبيكون صعب فى البداية ولاكن بعد ذلك سيكون مفضل لك عن الكيبورد والماوس

    10 - انا اشتريت الجهاز ازاى اركبه ؟

    1 -وضعية الجهاز

    لازم تختار الجهاز يكون بالوضع الافقى ولا الراسى


    طيب اية الفرق؟

    مفيش فرق خالص غير ان الوضع الراسى بيدى
    تهوية افضل للجهاز وخصوصا كارت الشاشة
    (معالج الرسومات)

    2 - توصيل الجهاز بالتلفزيون


    الصورة الى فوق بتوضح توصيل تلفزيون الhd بسلك كمبومنت himd فالسلك الav فية ثلاث اسلاك (احمر-ابيض-اصفر) ودة للتلفزيونات العادية

    3 - توصيل محول الكهرباء بxbox360 (توصيل الكهرباء بالجهاز)

    المحول يتكون من جزئين
    الاول :المحول ويربط بالجهاز
    الثانى:وهو سلك يشبك بالمحول ثم بفتحة الكهرباء
    كما هو موضح بالصورة


    4 - تشغيل الدراع اللاسلكى

    قبل ما ابتدى فى زر دائرة دائرة الضوء موجد بين زرى start و select
    توجد ارقام حول دائرة الضوء هذة 1و2و3و4
    هذة الارقام تعنى ان يمكن توصيل اربع ذراعات فى نفس الوقت و الضوء سيشير الى احد تلك الارقام
    يعنى لو ذاراعك هو الذراع الثالث فان الضوء سيشير الى رقم 3 وهاكذا و زر التشغيل اذا اضهر ثلاث اضواء فهذا معناة ان هناك ثلاث ذراعات موصولة بة

    1-اضغط على زر دائرة الضوء الذى يدعى xbox guide كما هو موضح بصورة

    استمر بضغط لمد تزيد عن 4ثوانى حتى ترى الدائرة مضاءة
    2-اذا كان جهازك مغلق فشغله عن طريق الضغط على زر التشغيل كما هو موضح بصورة

    3-اضغط على زر الربط اللاسلكى كما هو موضح بصورة

    4- اضغط على زر الربط اللاسلكى بالذراع كما هو موضح بصورة

    5-بعد كدة ستدور الاضاءة بالذراع حتى تقف الاضاءة على رقم 1 وكذلك ستدور الاضاءة فى الكونسل حتى تثبت على رقم 1 اعرف ان الذراع تم توصيلة وسيكون شكل الذراع كدة

    عندما تريد فصل الذراع اضغط على زر xbox guide لمدة ثلاث ثوانى وعندها سوف تظهر لك قائمة اضغط على turn off controller بس واقفل الجهاز عن طريق الضغط على زر التشغيل
    ملحوظة :
    اذا اغلقت الجهاز من دون فصل الذراع اولا ستضل تعمل حتى عندما تشغل الجهاز مرة اخرى


    11 - هل فيه نصائح اخرى بالنسبة لتوصيل الجهاز ؟


    1 - بالنسبة لوضع الجهاز

    (أ )- لاتضع الجهاز على طاربيزة خشب لان الخشب بيمتص درجة الحرارة فحط الاكس بوكس على طاربيزة زجاج

    (ب)- لاتضع الجهاز فى مكان مكتوم اثناء تشغيلة
    عشان الاكس بوكس ياخد مساحة فى التهوية

    (ج)- عندما تضع قرص بداخل الاكس بوكس اياك ان تغير الوضع الجهاز اثناء قراءة القرص


    (د)- فى الوضع الراسى تاكد عندما تضع القرص بالجهاز والعب عدم تحرك او اهتزاز الجهاز حتى لا يقع و ينكسر


    (ز)- عندما تضع الجهاز بالوضع الراسى لا تضع اقراص قطرها 8 سم
    كدة خلصنا من النصائح وتركيب الجهاز



    2 - بالنسبة للجوى ستيك

    1- قرب الذراع من الجهاز على قد ما تقدر
    2- تاكد ان البطاريات نوعها كويس
    3- تاكد ان لايوجد فاصل بين الجهاز والذراع اى كان نوعة
    4- تاكد ان الذراع امام الجهاز
    5- اذا لم تعمل الذراع اغلق الجهاز وشيل البطاريات وحطها تانى وكرر الخطوات المذكورة اعلاه





    <---- رابـعــــــا --->
    <---- اهــــم الاسئلـــة عن التعديـــــل --->






    1 - ايه لازمة تعديل الاكس بوكس ؟

    طبعا التعديل بيكون لمن لايريد شراء اسطوانات اصلية ويريد ان يعتمد على العاب منسوخة بدون شرائها


    2 - هل يمكن ان العب لايف بعد التعديل ؟

    ان شاء الله يمكنك ان تلعب لايف كما تريد بعد اخر تعديل ولاكن طبعا هناك نسبة بسيطة من حدوث ( الباند ) لجهزك


    3 - هل اى جهاز يمكن ان يعدل ؟

    ان شاء الله كل الفات حتى االان بيعدل وشغال لايف تمام

    والسليم ايضا

    4 - كم يتكلف سعر التعديل فى مصر على يد متخصص ؟

    بتختلف طبعا ولاكن الاكثر انتشارا

    1 - اى جهاز فات لو لاول مرة يعدل بيكون ب 150 جنيه علشان ( استخراج ال Key )
    2- اى جهاز فات معه ال ( Key ) بتاعه بيكون ب 100 جنيه
    3 - جهاز السليم بيتم تعديله بطريقة الحفر ب 300 جنيه
    4 - جهاز السليم بيتم تركيب بوردة لفك قفل البوردة ب700 جنيه

    5 - هل يمكننى التعديل بنفسى ؟

    أكيد يمكنك ولاكن يفضل ان يكون اول تعديل عند متخصص حتى لايكون هناك نسبة خطورةوصعوبة فى الفك والتركيب وغيره

    6 - ماهو اخر تعديل حتى الان ؟

    اخر تعديل حتى الان هو 3.0 وبيعدل به كل الاجهزة

    [sor2]http://www.fotoobook.com/images/d/dw/original/2012-04/1334998509_1143.jpeg[/sor2]


  4. #4

    الصورة الرمزية النوبي

    رقم العضوية : 41194

    تاريخ التسجيل : 27May2009

    المشاركات : 2,211

    النوع : ذكر

    الاقامة : الاقصر

    السيارة: اسبرينزا A620

    السيارة[2]: اسبرينزا A620

    الحالة : النوبي غير متواجد حالياً

    افتراضي -


    7 - هل فيه تعديل اخر للاكس بوكس ؟

    1 - نعم هناك تعديل يسمى ( JTag) وهذا التعديل لجميع الانواع الان ان كان فات او سليم


    إضغط هنا لعرض بحجمها الأصلي 601x348px.


    مميزاته

    1 - يمكنك اللعب من الهارد مباشرة بدون اسطوانات
    2 - يمكنك وضع اى اضافة لاى لعبة
    3 - يمكنك التعديل كما تحب على الاكس بوكس
    4 - يمكنك بيع الدريفر بتاع الجهاز
    5 - تستطيع ان تلعب اللعبة قبل صدورها بفترة بدون الخوف من الباند والذى منه

    عيوبه

    1 - يمنعك من الدخول اونلاين نهائيا
    2 - سعره العالى قد يصل الى 600 جنيه

    أنواعه

    1 - النوع الاول اسمه RESET GLITCH
    2 - التعديل الثانى اسمه COOL RUNNER وهذا يعتبر الافضل


    2 - هناك تعديل ( XKey ) والتعديل لجميع الانواع



    مميزاته

    1 - يمكنك اللعب من هارد خارجى كافلاشة وال JTag
    2 - يمكنك وضع اى اضافة لاى لعبة
    3 - ليس له علاقة بالاكس بوكس تعدله مش تعدله مش فارقة
    4 - يمكنك ان تحقق المعادلة الصعبة ان تلعب JTag للالعاب الكوبى اوف لاين والاصلى اونلاين ويبقى كدة مفيش بان خالص
    5 - تستطيع ان تلعب اللعبة قبل صدورها بفترة بدون الخوف من الباند والذى منه

    عيوبه

    1 - ماينفعش تلعب من عليه اونلاين ولاكن تستطيع ان تلعب اونلاين من الجهاز نفسه يعنى الاونلاين شغال عادى بس مش من على الفلاشة ديه

    2 - سعره غالى قد يصل الى 1000 جنيه بسبب ندرة التعديل ده

    8 - هل يمكن ان العب بالعاب اصلية بعد لما اعدل الاكس بوكس ولاكدة خلاص ؟

    طبعا يمكنك وبالعكس لو عدلت ولعبت بالعاب اصلية اضمنلك واللايف وهيبقى كله تمام لان التعديل السوفت وير يمكنك من اللعب عادى باصلى او منسوخ ولان فكرة التعديل هى اعطاء الجهاز القدرة على قراء الالعاب المنسوخة على انها اصلية


    ولاكن اذا كنت معدل (JTag ) كدة تكون فقدت الاونلاين ومش ينفع تلعب اصلى او مالوش لازمة تلعب اصلى لان كدة كدة انت مفصول عن الاونلاين

    ويمكنك اللعب اونلاين لو مركب (
    XKey )لانه مالوش علاقة بالجهاز نفسه



    <---- خامســــــــــــا --->
    <---- اهــــــم الاسئلــــــة عــــن البــــانـــد --->





    1 - يعنى ايه ( باند ) ؟

    الباند هو حجب جهاز عن الاونلاين نهائيا وحتى الان لم يجد له حل ولاكن يمكنك لعب الالعاب المنسوخة بدون اونلاين عادى

    2 - كيف اعرف ان جهاز تعرض ( للباند ) او ( للفلاج ) ؟

    1 - لو الجهاز تعرض لباند لن يدخل لايف
    2 - يمكن الكشف على الجهاز عن طريق هذا البرنامج وقراءة الشرح الى موجود بداخل الملف هنـــــــــــــأ

    3 - طيب ازاى احمى نفسى من الباند ؟

    1 - تعدل اخر تعديل دائما
    2 - تنسخ اسطوانات معمولها تشيك 1 ABGX 1.0.6
    3 - ماتحولش تزود نقط الاكونت بتاعك على اللايف وماتحولش تضع ثيمز او افاتير مهكر
    4 - ماتلعبش فى الهاردوير بتاع الجهاز
    5 - ماتخشش اونلاين لو بتلعب لعبة اوفلاين
    6 - تابع حملة ( الباند ) من حين لاخر لميكروسوفت ومتدخلش فيها اونلاين
    7 - تابع التحديثات الى بتنزلها علشان مش تعمل تحديث اوتوماتيك

    4 - هو لو اتعملى ( فلاج ) هل اقدر ارجعه تانى قبل مايتعملى ( باند ) ؟

    لاللاسف طالما دخلت اونلاين واكتشفت ان انت اتعملك ( فلاج ) يبقى استنا حملة ( الباند )


    5 - هل فيه نصائح اخرى لعدم التعرض للـــ ( باند ) ؟

    1 - ماتحولش تلعب باى لعبة ممعمولها حماية AP 2.5 ومش عملها اخر باتش لها

    2 - حاول تنسخ الاسطوانات الى هتلعب بيها اونلاين على نوع اسطوانة Verbatim



    <---- سادســـــــا --->
    <---- اهـــــم الاسئلـــــة عــــن الالعــــاب --->





    1 - هل يمكننى ان انزل الالعاب بنفسى من على النت ؟

    نعم يمكنك انك تنزل الالعاب بنفسك من على النت وبيتراوح مساحتها من 6 الى 8 جيجا
    ويفضل تنزيلها من على موقع تورنت مشهور


    2 - كيف يمكننى عمل تشيك على الالعاب للتاكد هل هى اصلية ام لا ؟

    يمكنك عمل تشيك ببرنامج ABGX من هنــــــــــــا


    3 - طيب بعد التاكد من نظافتها ازاى انسخها ؟

    يمكنك نسخها ببرنامج ImgBorn من هنـــــــــــــا ولاكن يجب شراء نوع DVD Driver معين وتجهيزها من هنـــــــــا


    4 - طيب هل يمكننى سحب الاسطوانة ايزو على الجهاز ؟

    نعم يمكنك ببرنامج Xbox Backup Creator

    5 - طيب بيبقى فيه اكثر من نوع للعبة الواحدة انزل ايه ؟


    بص ده هيتوقف على نوع جهاز اذا كان Pal or NTSC

    ولمعرفة نوع الجهاز عن طريق معرفة منشئه

    نحت serial number

    اذا كان في اي دولة اوروبي يعني نظام الجهاز Pal
    اذا كان في اليابان Ntsc-j
    دولة في امريكا الشمالية او الجنوبية Ntsc‏

    وتقريبا معظم الاجهازة الى موجودة فى الشرق الاوسط ومصر PAL

    وبكدة تكون قدرت تعرف هتقدر تنزل اى نوع من الالعاب

    ولاكن هناك نوع من الالعاب افضل وهو Region Free وهذا النوع يصلح على اى جهاز وسيريحك


    7 - هل فيه ملفات بحتاج اضافها للعبة قبل نسخها للعبها اونلاين ؟


    اذا كانت اللعبة عليها حماية AP 2.5 يجب وضع اخر باتش ليها

    هنـــــــــــــــا

    8 - ماهى اخر التحديثات فى الالعاب ؟

    هناك الالعاب الحديثة بصيغة XGD 3 وهذه الصيغة لها طريقة فى النسخ ونوع اسطوانات معين وهى احدث الصيغ لمايكروسوفت



    <---- سابعــــــــا --->
    <---- اهــــم الاسئلـــــة عـــن الـلايـــف --->





    1 - هل يمكن للاجهزة المعدلة الدخول لايف ؟

    أكيد بشروط

    1- اذا كنت معدل اخر تعديل وهو 3.0
    2 - عمل تشيك على اللعبة ببرنامج ABGX من هنــــــــــــا
    3 - وضع ملفات ال XGD 3 من هنـــــــــــــــا
    4 - عندك اشتراك جولد لايف
    5 - نسخ اللعبة بدرايف Lite on or IHas وتجهيزهم بالباتشات من هنـــــــــــــا

    6 - النسخ على اسطوانات Verbitam

    2 - هل هناك شهور مجانية لايف ؟

    نعم اول ماتشترى الجهاز لك 3 شهور مجانية لايف جولد يمكنك اللعب بيهم اونلاين كما تحب
    ولاكن ال 3 شهور ب 3 اكونتات بمعنى ان علشان تستفيد بكل شهر يجب ان تفعله باكونت


    3 - هل ال3 شهور المجانى دول بمجرد تفعيل اول شهر لازم اخلصهم كلهم ورا بعض ؟

    لالالا زى ماقلنا قبل كدة كل شهر باكونت وممكن تعمل كل اكونت بعد فترة بمعنى تانى الشهر اللايف لايبدا ابدا الا لما تعمله اكونت وتفعله
    يعنى لو عملت اكونت واحد بس هيبقى استخدمت شهر واحد ويمكن ان تستخدم الاثنين التانين بعد فترة


    4 - طيب ايه انواع الاشتراك ؟

    فيه جولد وفيه سيلفر الجولد هو الى تقدر تلعب بيه كل الالعاب وتعمل بيه كل حاجة متاحة لك فى اللايف
    اما السيلفر تقدر تعمل بيه كل حاجة ماعدا انك تلعب بيه يعنى شات وفيديوهات وكدة وبس


    5 - طيب ايه انواع الجولد ؟

    فيه شهر وفيه 3 شهور وفيه سنة


    6 - ماهى اسعار الكروت اللايف ؟

    بيتراوح من مكان لاخر ولاكن الاكثر انتشارا فى مصر

    ال 3 شهور ب 150 جنيه
    السنة ب 300 جنيه


    7 - طيب انا مش عارف اشتري كروت الاونلاين منين فى مصر ؟

    █ :: أسهل الطرق لشراء XBox 360 Live Card & PSN Card & Pc Games ::█


    8 - بيقابلنى ابديت اول مااخش على اللعبة هل ده عادى ؟

    ايوا عادى اعملها ابديت لانه بيكون تحديث للعبة ليس الا


    9 - طيب وبيقابلنى ابديت اول مااخش اونلاين على الاكس بوكس من غير مالعب هل ده عادى ايضا ؟

    يجب ان تسال الاول قبل الابديت حتى لايكون تحديث لجهاز من قبل مايكروسوفت فيحتاج تعديل جديد

    او يمكنك متابعتنا فى المنتدى هنا بيتم وضع الاخبار اول باول

    10 - هل انا امن من الباند لو لعبت اونلاين بالعاب منسوخة ؟

    لاطبعا كما ذكرنا من قبل ولاكن يمكن ان توفر لك 98 % من عوامل الامن

    1- اذا كنت معدل اخر تعديل وهو 3.0
    2 - عمل تشيك على اللعبة ببرنامج ABGX من هنــــــــــــا
    3 - وضع ملفات ال XGD 3 من هنـــــــــــــــا
    4 - عندك اشتراك جولد لايف
    5 - نسخ اللعبة بدرايف Lite on or IHas وتجهيزهم بالباتشات من هنـــــــــــــا

    6 - النسخ على اسطوانات Verbitam
    7
    - ان لاتلعب لعبة قبل اصدراها ولو بساعة
    8
    - ان لاتنقل تسيفات اوسيريال قد استخدم من قبل

    11 - هل يمكن تصفح الانترنت فى اللايف تبع ( XBox 360 ) ؟

    لاماينفعش لاكن ممكن تتصفح
    ال ( FaceBook ) و ال ( Twitter )
    ال ( Youtube )و ال ( Bing )
    وللاسف اللغة الانجليزية فقط لاكن لايدعم العربية حتى الان

    بمعنى انك هتلاقى كل رسائلك بالانجليزى او الرسائل العربى بلغة مشفرة غير مفهومة

    لذلك يفضل ان لو حبيت ان تدخل يكون الاكونت تبعك بالانجليزى والجروبات والا مالهاش لازمة واامن لك لاننا مهكرين ومش ناقصين مراقبات












    [sor2]http://www.fotoobook.com/images/d/dw/original/2012-04/1334998509_1143.jpeg[/sor2]


  5. #5

    الصورة الرمزية ahmed4000

    رقم العضوية : 41050

    تاريخ التسجيل : 25May2009

    المشاركات : 2,179

    النوع : ذكر

    الاقامة : cairo

    السيارة: no

    السيارة[2]: no

    دراجة بخارية: no

    الحالة : ahmed4000 غير متواجد حالياً

    افتراضي -

    ده عالم كبير اوى يا رجالة ولا انا بيتهايئلى
    طيب اختصاراً كده انا متطلباتى انى العب باسطوانات منسوخة وفى نفس الوقت ممكن ادخل اونلاين من غير مبقى خايف من البان (مدام الاشتراك فى السنة 150 او 300 جنيه صح؟)

    يبقى اجيب ايه فيهم؟ وانهى تعديل اللى اعمله فيهم؟ واعمله فين؟

    قدامى حاجة اسمها بريميوم ب 3200 تقريبا
    اكس بوكس 360 مايكروسوفت بريميوم & كينست مصر | سوق

    وفى حاجة كاتب انها متعدلة ب 3400
    مايكروسوفت اكس بوكس 360 كونسول & كينست مصر | سوق

    وفى واحد كمان حيكون بحوالى 3600 تقريبا بس مش عارف ايه اختلافه عنهم

    ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا
    ارجوك علشان خاطر صحتنا وفر شوية فى استهلاك الكهربااء
    ارجووووك وفر شوية فى استهلاك البنزييييين
    اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة

    خليك ايجابى لنفسك حتى..زهقت من "الامعة" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"


  6. #6

    الصورة الرمزية ahmed4000

    رقم العضوية : 41050

    تاريخ التسجيل : 25May2009

    المشاركات : 2,179

    النوع : ذكر

    الاقامة : cairo

    السيارة: no

    السيارة[2]: no

    دراجة بخارية: no

    الحالة : ahmed4000 غير متواجد حالياً

    افتراضي -

    hasad">

    ها ياشباب فى حد عنده راى نهائى قبل ماتدبس :)

    ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا
    ارجوك علشان خاطر صحتنا وفر شوية فى استهلاك الكهربااء
    ارجووووك وفر شوية فى استهلاك البنزييييين
    اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة

    خليك ايجابى لنفسك حتى..زهقت من "الامعة" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"



 

المواضيع المتشابهه

  1. الاكس بوكس
    بواسطة medomadamody في المنتدى فيس بوك المنتدي
    مشاركات: 7
    آخر مشاركة: 21-10-2012, 01:21 AM
  2. حد عنده خبرة فى التقديم للسفارات
    بواسطة zAzU في المنتدى المنتــــــدى الاجتمــاعى
    مشاركات: 2
    آخر مشاركة: 04-01-2012, 12:09 AM
  3. اللي عنده خبرة في الدهان يخش
    بواسطة matrix2012 في المنتدى دايــو+شيفرولية لانوس
    مشاركات: 4
    آخر مشاركة: 16-12-2011, 09:07 PM
  4. سؤال لمحترفى الاكس بوكس والبلاى استيشن3
    بواسطة omaroof في المنتدى المنتــــــدى الاجتمــاعى
    مشاركات: 6
    آخر مشاركة: 22-08-2011, 02:58 AM
  5. حد عنده خبرة فى البيجو504
    بواسطة lolo221283 في المنتدى بيــــجو
    مشاركات: 4
    آخر مشاركة: 04-01-2009, 10:11 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2