لقيت قطة صغيرة جوه الموتور !!!!!!

**Eng.Mina** · 13-05-2012 09:50 PM

انهارده بعد ما طلعت بالعربية بعشر دقايق تقريبا سمعت صوت نونوة عالية جاي من جوه العربية فوقفت علي جنب وفتحت الكبوت لقيت قطة صغيرة قاعدة فوق علبة الفيوزات وطبعا حرارة الموتور هي اللي خلتها تنونو بالطريقة دي . هي صعبت عليا بصراحة وكويس انها مجتش ناحية السيور والا كانت اتفرمت . في الفيرنا للأسف التصفيح اللي موجود تحت الرادياتير بس لكن وراه مفيش اي حاجة وممكن اي حاجة صغيرة تدخل جوه الموتور و أخيرا أحب أشكر غبور علشان محطش عزل في كبوت العربية سواء ورا الموتور او في الكبوت نفسه والا كنت ساعتها ما سمعتش اي حاجة من الكبوت . شكرا ليك ياغبور وياريت بعد كده تنزل العربية من غير كبوت صاج أساسا علشان ابقي شايف الموتور ولو في حاجة دخلت جواه أشوفها :)))))))))))))

**Sehsss** · 13-05-2012 10:15 PM

ههههههههه حصلت معايا قبل كده في اللانوس

**Inteltech** · 13-05-2012 10:27 PM

علشان تعرفوا بس ان غبور عامل كل حاجة بحساب الراجل ده ملوش حل انسان انسسسسسسسسسسسان قلب ابيض غبوررررررر هههههههههههههههههه ومش بس كده ياباشا ده شال لك الايرباج خالص من الفيرنا كلها علشان متتخضش لا سمح الله من صوته وهو طالع مش زي البهايم الالماني اللي بيصمموا يحطوه سواء عايز الوكيل او مش عايز مش بقولك قلب ابيض

**Android** · 13-05-2012 11:06 PM

المفروض بعد ما اكتشفتها وكمان انها كانت فوق الماتور مع الحرارة العاليه دي
اقل واجب كنت تاخدها جوا معاك في التكييف شويه
مش بعد السونة دي ترميها في الشارع

وشكرا غبور هههههههههههههههههههه

**mohdamin18** · 13-05-2012 11:14 PM

غبور زعيم جمعية الرفق بالحيوان :)

**wael61** · 13-05-2012 11:22 PM

طيب والقطة فين دلوقتى

**m7mda7md** · 13-05-2012 11:26 PM

رحت الكليه ف يوم و لقيت قطه صغيره محشوره في بلاعه و عماله تنونو و محدش سائل فيها...قومت جايب كيس و مسكتها و طلعتها....بعد ما رجعت جيت ادور العربيه لقيتها بتنونو...القطه دخلت الحوض....بس المشكله اني مش عارفها فين‏!‏!!! يمين شمال و ادور و ادور و ابحث....كانت قاعده علي المقص تقريبا....كسرت العجل جوه و دخلت دراعي وراه عشان اطلعها ....حيرا تعمل شرا تلقي ههههههههههههههه.....و فيرنا بردو