الموضوع: تركيب الغاز للوجان ......استشارة ؟

اسمحلي احسبها معاك بطريقه تانيه.. اخويا جاب الغاز و ركبه علي عربيته هيونداى فيرنا وكان كويس جدا وكل حاجه وعشان هو كان مندوب فكان بيلف الجمهوريه كلها كان بيعمل يجي مليون لتر في السنه :)

بس الحساب عند حضرتك ها يكون علي النحو التالي:

لو فلوسك جاهزه 6500 جنيه و استهلاكك ثابت 6 صفيحه يعني 120 لتر بنزين

سعر الصفيحه = 120 لتر* 1.85 جنيه = 222 جنيه شهريا

6500 جنيه / 222 جنيه (الأستهلاك الشهرى) = 29 شهر

يعني ال 6500 جنيه يكفوك بنزين 29 شهر = سنتين و 5 شهور

ولو متوسط الاستهلاك 9 لتر لكل 100 ك .. يبقي انت مشيت كالتالى:

استهلاك الشهري 120 لتر * 29 شهر = 3480 لتر

يعني المسافه = (3480 * 100 ) / 9 = 38666.66 كيلومتر من الان

المسافه و المده دي ها تكون فيهم جوا الضمان و بعد سنه ممكن تقرر و تشوف لان لو قررت تخرج برا الضمان ها توفر حاجات تانيه كمان و ها تتدبس في حاجات برضو ..

نفس الكلام لو بالقسط .. اخويا اشتراها بالقسط و وقف القسط لمده 5 سنين ب 170 جنيه شهريا يعني
170 * 60 شهر = 10200 جنيه

وشهريا ها تدفع الاتى:
(0.45*120)+170 =224 جنيه شهريا (طبعا الارقام تقريبيه لان سعر تركيب الغاز كان 7000 جنيه كاش او مايقارب)

يعني استهلاك النزين يساوى استهلاك الغاز لمده سنتين و شويه وبعدهم انت ها تبدأ توفر فعلا ..

دي حسبه عدينا عليها قبل كدا و الفارق في حاله اخويا كبير جدا جدا جدا لانه كان ممكن يعمل في يوم 400 كيلو واقل يوم شغل كلن 130 كيلو يعني المتوسط 256 كيلو في اليوم * 21 يوم شغل = 5565 كيلو متر في الشهر الواحد
التوفير بالنسبه له كان هايل ..

انا حبيت اساعدك بس معلش طولت عليك بالحسابات السخيفه دي

ميزة الغاز في اللوجان كمان استغلال وسع الشنطه

عندى عربية 128 حجرب فيها لكن لوووووووووووجى نووووووووووووووووووووووو !!!!!!