الموضوع: افضل ستاير للعربيه بمناسبه الصيف

بمناسبه دخول الصيف والشمس اللي بتخلي العربيه فرن من جوه ...كنت عايز اخد خبراتكم في افضل نوع ستاير للعربيه يا شباب .... انا جبت الستاير الكبس دي ورجعتها في ساعتها لأني حسيت ان فيها مشكلتين ...اولا اللي قاعد ورا مش هيعرف يشيلها لو حب يفتح الإزاز وثانيا هي بتركب بالعافيه ولازم تحشرها وخاصة اللي ورا لازم تتعافي جامد وانت بتركبها وانا بصراحه مش عايز كده
اما النوع التاني اللي هو بيسموه (ستاير مزيكا ) اللي بتتفرد وتتلم مع فتح الإزاز ...حلوه بس فيها مشكلتين اولا ان خامتها خفيفه (طبقه واحده) وثانيه مش بتيجي علي موديل العربيه زي ستاير الكبس .... فبتبقي مش واخده شكل الإزاز بتبقي حته في النص بس
النوع التالت بقي حلو قوي بس حاسس انه عواجيزي جدا ...الستاير اللي عامله زي ستاير الصالون دي :) اللي هي عباره عن ستاير قماش بتتلم في مجري ...زي بتاعت المرسيدس زمان ودي معرفش في منها للوجن ولا هي بتركب علي كله ومعرفش حتي اسمها وبتتجاب منين وبكام
طبعا في انواع تانيه بس المهم
انا شفت بتاعت المرسيديس انبهرت بيها وهي بتركب علي الإزاز وواخده نفس تفصيلته وفيها بلاستكه من فوق واخده شكل الإزاز وبتنزل في مجري لما تفتح الإزاز ... هايله ومحترمه قوي ...دا غير ان الستاره اللي ورا بتاعت الزجاج الخلفي وتنزل وتطلع كهربا ...مرسيدس بقي :)
بعد الرغي ده كله ..معلش طولت عليكم هل في زيها للوجن ؟؟؟ ولو مفيش مفيش حد من مخترعين المنتدي جرب يعمل حاجة ولا كله بيجيب من الموجود؟؟؟
.

متابع..