كورسير وابوه vs ابو الفتوح وشفيق

**corsair** · 14-05-2012 05:52 PM

اولا احب امسي علي الناس الجميلة هنا في المنتدي ونفسي بقا اخرج من جو السياسة شوية بموضوع فكاهي عن السياسه بردك ههههههههههههه مفيش فايده

انا قصتي انا احمد ممدوح الشهير بكورسير

والحاج والدي

تتلخص في الاتي

اولا انا مع الدكتور عبد المنعم ابو الفتوح قلبا وقالبا

الحاج بقا عندي فلول فلول يعني ههههههههههههه مع شفيق بحجه انه كان القائد بتاعه في القوات الجوية

طبعا الحوار كان كالتالي

اولا انا بسئل الحاج وانا مش مدي خوانه وبفطر وبقوله انتا ناوي علي مين يا حاج قالي شفيق طبعا

ليه بس كدا يا حاج قالي يا ابني ده القائد بتاعي وحبيبي قولتله انتا كدا بتضيع مجهود الناس في السنتين اللي فاتت وحق الناس اللي ماتت ولا اكن في ثورة قامت قالي يا ابني كل الكلام اللي انتا بتقوله تقوله لوحد في سنك مش ليا انا قولتله ماشي يا حاج براحتك قولتله بس متزعلش مني بقا يا حاج قالي هتعمل ايه يا مجنون ههههههههههههههههه قولتله عيب عليك انتا والدي بردك بس في مفاجأة وبيني وبين نفسي قولت ابقا قابلني لو شوفت بطاقتك يوم الانتخابات يا حاج

وامبارح انا وهو في اكتوبر وراجع الساعه 9 بليل عايز الحق حلقة الدكتور عبد المنعم قالي بالراحه متجريش قولتله الحلقة يا حاج قالي امشي علي مهلك انا بقولك اهو وخلاني وصلت متأخر ساعه الا ربع فوضت امري لله ودخلت اكمل بقيت الحلقة لقيته بيقولي اقلب علي المحور شفيق بيتكلم قولتله لا والله

يعم الحاج بلاش تبقي ديكتاتوري وسيب قناة cbc شغاله

قالي خليك انتا بقا ديموقراطي واقسم صورة الشاشه نصين نص لشفيق ونص عبد المنعم قولتله طب والصوت اقسمه ازاي قالي طبعا صوت شفيق اللي هيتسمع قولتله ده علي اساس انك مخلف واحد من الصم والبكم اقعد اتفرج علي الراجل بتاع الاشارات

من هنا لهنا روحت سايبله التلفزيون ودخلت كملت الحلقة علي النت بث مباشر وان شاء الله يبقي يدور علي بطاقته يوم الانتخابات

مع تحيات الراجل اللي في الصورة ده اللي انا معرفهوش

**MaZaGAngeE** · 14-05-2012 06:45 PM

اهم حاجة تسرق بطاقته و تزوغ في خن كده 3 او 4 ايام لحد ما النتيجة تطلع و يهدى هوه شوية من غيظه
بس انا مش فاهم حاجة هنا :::: كل مقومات الفشيخ انه كان القائد بتاعه بس ؟ هل ده سبب كافي ؟ هل ده من المنطق ؟
مقدرتش تفهم منه ايه الاسباب اللي تخليك انت كمان تسيب ابوالفتوح و تدي الفشيخ ؟

**corsair** · 14-05-2012 09:02 PM

المشاركة الأصلية كتبت بواسطة MaZaGAngeE

اهم حاجة تسرق بطاقته و تزوغ في خن كده 3 او 4 ايام لحد ما النتيجة تطلع و يهدى هوه شوية من غيظه
بس انا مش فاهم حاجة هنا :::: كل مقومات الفشيخ انه كان القائد بتاعه بس ؟ هل ده سبب كافي ؟ هل ده من المنطق ؟
مقدرتش تفهم منه ايه الاسباب اللي تخليك انت كمان تسيب ابوالفتوح و تدي الفشيخ ؟

والله يا عم مزاجنجي انا تعبت معاه وكل اللي علي لسانه ده راجل عملي وبتاع شغل قولتله انتا محسسني ان الباقيين من حزب العاطلين بتاع القرموطي وعمال يقولي ده راجل طيب وكان بيجي يقعد معانا والكلام اللي يجيب الضغط بتاع الناس الكبار دول تقوله منطق ممنطقش راسه والف سيف هيرشحه يعني هيرشحه علشان كدا ناوي علي بطاقته ان شاء الله ادعيلي انتا بس ميكونش فيها طردي من البيت ههههههههههههههه انا لسه موضبطش شقتي علشان يبقي عندي موكنه اترمي فيها

**OMAR61995** · 14-05-2012 11:53 PM

يا خوفى أنت اللى متلاقيش بطاقتك يوم الانتخابات :)

**mr_vampire** · 15-05-2012 12:32 AM

ياباشا حتة بتاعة اد الشيكولاتة كدة وبلاغ من مجهول لقوات الشرطة الباسلة قسم مكافحة المخدرات. هههههههههههههه

وبعد الانتخابات روح وقولهم كنت باضاحاك مع والدي مالكو انتو ومالنا.

لو قدرت تخليه يسمع ابو الفتوح مرة ممكن يغير رايه ويقولك شفيق ولا كان القائد بتاعي ولا اعرفه اصلا. المشكلة ان الناس الكبيرة ده مبتديش فرصة ومجال اصلا للتحاور والمناقشة هو كدة وخلاص....

**FunnyMickey** · 15-05-2012 12:37 AM

ممكن تخطفه وتطلب فديه من والدتك
واهو تستنفع من الناحيتين

مش مودينا في داهيه طول عمرنا غير الناس الكبيره دي
يقولوا علينا عيال وادينا احنا اللي عملنا الثوره
هما عملوا ايه بقي
يلا اهم اهالينا بردو وحبايبنا

ربنا يخليهولك ياكورسير والله يكرمك اوعي تسوق فيها وتكمل خطف بعد الانتخابات

حاكم انا شايفك مستعد تعمل اي حاجه
:)

**yoko** · 15-05-2012 01:02 AM

حكايتك بتفكرني بخالي وإبنه بس أبو الفتوح وموسى

**MaZaGAngeE** · 15-05-2012 01:28 AM

كده المكنة و الاكل و الشرب و النت مضمونين اهه
قلبوهم بقى و يورونا هينتخبوا الفلول ازاي

-

-

الموضوع: كورسير وابوه vs ابو الفتوح وشفيق

LinkBack

أدوات الموضوع

عرض

كورسير وابوه vs ابو الفتوح وشفيق - انشر الموضوع فى :

-

-

-

-

المواضيع المتشابهه

حكايتي مع الـ 128انتاج واخراج وتمثيل ( كورسير )

الحلقة الرابعة / كورسير vs وجه قبلي

اخوكم كورسير اتصدم يا رجالة

اخوكم كورسير محتار وعايز رئيكم

الكلمات الدلالية لهذا الموضوع

المفضلات

المفضلات

ضوابط المشاركة