بالنسبالى واللى خلانى أعمل الموضوع ده هو أنه اتحرق دمى من يومين بسبب صنايعى شاطر (ممن يشتهرون بالشطارة) دمرلى مرايا كهرباء كنت لسة مظبطها ومغيرلها مرايا بعد كسرها ، وكان ناقص بس افكها عن العربية علشان اكمل جزء ناقص كان مكسور بالفايبر .
وكان الصنايعى المفروض يفك المرايا ويفصلها عن العربية فقط لاخذها لبتاع الفيبر ... لاكن هنقول ايه بقى للصنايعية وامخاخهم كسرلى المرايا اللى لسة كنت مركبها رغم تحذيرى ليه وهو بيفكها اكتر من مرة بعدم جدوى فكها بطريقته لاكن هو حب يعمل واجب بأنه يحاول يطلعها من الكف بتاعها لتسهيل المهمة لبتاع الفايبر .
وبعد ما انكسرت قالى عندى دى وكمل فك الكف من كفر المرايا وكمان طلع الماتور بتاعها علشان بتاع الفيبر يشتغل برواقة .
وبعد ما اشتغل بتاع الفيبر وظبط كفر المرايا المكسور واخد 40 جنيه رجعت تانى لاخينا ده علشان يجمعها تانى وسيبتهاله ورحت مشوار مع لما يخلص .
وفعلاً جمعها وأخذتها ومشيت واستعوضت ربنا فى الـ 50 جنيه ثمن زجاج المرايا اللى اتكسر .
لحد كدة كويس .. الصدمة بقى انى بجرب المرايا الكهرباء قبل ما اروح اركب زجاج تانى من شارع دمشق أكتشف ان المكنة بتزن ومش شغالة واكتشف ان اتلحم جزء فيها متحرك بأمير المفروض ميتلحمشى وبقت المرايا الكهرباء كل سنة وانتوا طيبين ملهاش لازمة .
انا مش متضايق من خسائر الفلوس اللى وقعت على الارض بسببهم ...!
اللى مضايقنى فتيهم وافتكاسهم وغبائهم اللى مجربه فى مشاكل كتيرة على مر العصور من تاريخ اقتنائى للعربيات ... ولو قعدت اذكرها مش هخلص .
المفضلات