مقارنة بين السيفك الجيل الثامن والفلوانس

**yalahwy2010** · 17-05-2012 01:22 AM

أنا محتار جدا يا جماعة
محتاج حد يقوللى ويعمللى مقارنة بين السيفك والفلوانس
وإحتياجاتى فى العربية الآتى بالترتيب:-
1. قلة العطال
2. الراحة فى الركوبة فى داخل البلد والسفر
3. العفشة
4. الأوبشنز
5. العزل
6. جودة التقفيل والخامات
7. الوسع طبعا مهم جدا .....والشنطة
8. الإرتفاع عن الأرض
9. التسارع ....(أنا ما بحبش الجرى)
معلش يا جماعة هتعبكم.....بس بجد أنا عايز آخد قرار فى الموضوع ده

**Hossam_hassan4** · 17-05-2012 01:58 AM

انت حلتها لنفسك :) عيب الفلونس ان طلعتها بطيئه مسبيا بس غير كده كل حاجه تقريبا في صالح الفلونس السيفيك عربيه تعديلات و جري دي ميزتها في الفئه دي

**yalahwy2010** · 17-05-2012 02:08 AM

المشاركة الأصلية كتبت بواسطة hossam_hassan4

انت حلتها لنفسك :) عيب الفلونس ان طلعتها بطيئه مسبيا بس غير كده كل حاجه تقريبا في صالح الفلونس السيفيك عربيه تعديلات و جري دي ميزتها في الفئه دي

يعنى الفلوانس تتفوق عن السيفك فى كل حاجة ما عدا السحب والجرى؟؟؟؟؟!!!!!!!!
خد بالك انا ميجاناوى قدييم.....3 سنين عشرة عمر.........وأول ما بدأت تشتغلى فى الحساسات واللذى منه......بعتها وقولت جااااااااااااااى
الخوف من الفلوانس ان يكون فىيها حاجة كدة ولا كدة؟؟؟؟؟.......تبقى مصيبة لو بعت السيفك اللى معايا وجبت فلوانس ولبست فى الحيط........
ايه رأيك؟؟؟.......أتوكل على الله وأبيع السيفك وأجيب فلوانس؟

**Mohamed_Nafie** · 17-05-2012 02:22 AM

طبعا ده رأي ... وقابل للخطأ.. أنا حكمي على سواقة الفلوينس والهوندا سيفك الجيل اللي قبله ..

1. قلة الاعطال: في صالح الهوندا.. العربيه دي بسم الله ما شاء الله ... نادرا .. الفلونس عربيه بادره متينه ..
2. الراحة فى الركوبة فى داخل البلد والسفر: الاتنين كويسين ... بس السيفك تحس إنك راكب طياره...
3. العفشة: لو فصلناها عن العلو عن الأرض.. السيفك أكيد انعم ... ملتي لينك مقابل ترشون بيم
4. على حسب الفئات.. بس على مااعتقد الفلوينس تكسب لو مش اقل فئه.. الفلوينس سعرها حلو أوي علي فيها من أوبشنز...
5. العزل : الاثنين أكتر من رائع... متساويين بصراحة
6. جودة التقفيل والخامات: السيفك أحسن شوية ... بس الفلوينس خمتها كويسه جدا ...
7. الوسع .....والشنطة : الفلوينس أكيد .. براح ورا .. والشنطة واسعةةةةةةة
8.الإرتفاع عن الأرض : الفلوينس بلا منازع. السيفك مبتعديش من مطب عليه ألا لما تبوسه :)
9.التسارع : السيفك اخف شوية ... وتسارعها أحسن وجراييه ... الفلوينس بصراحة تحت 2000 rpm .. بطيئة.. بعد 3000 rpm بتفتح أوي ...

دي حاجة عالسريع.. أكيد في خبرة هيفدوك أكتر مني :)

**Hossam_hassan4** · 17-05-2012 02:24 AM

انا راي كده اه و كمان توكيل رينو من احسن توكيلات مصر بشهاده ناس كتير و اللي انت طالبه متناسب جدا مع الفلونس و فكر في الفورد فوكس معاهم هتكون مناسبه برضه اوي

**Mohamed_Nafie** · 17-05-2012 02:28 AM

حضرتك ممكن تشوف قسم رينو ... وتتعرف على المشاكل اللي وجهت الأعضاء وحلولها.. أنا بصراحة معايا ميجان 3.. والعربيه زي الفل الحمد لله

**S O P H O S** · 17-05-2012 02:29 AM

كراي شخصي فقط
اختار السيفك وانا مغمض عنيا
ولاسبابي الي مقتنع بيها جدا
تقبل مروري ....

**Mohamed_Nafie** · 17-05-2012 02:35 AM

طب معلش سؤال فضولي بعد اذنك... حضرتك عايز تبيع السيفك اللي مع حضرتك ليه ؟؟ عالاقل شكلها أحسن من الجديدة مليون مره ...

**yalahwy2010** · 17-05-2012 02:36 AM

أنا اللى مضايقنى فى السفك قعدتها
انا ما بحبش القعدة اللى قريبة من الأرض...........وصوت الطريق اللى فى شوارعنا فظيع.....والمطبات والنقر رهيبة.....بحس بيها
انا اللى خلانى ما أفكرش فى الفلوانس انى كنت فاكر انها زى الميجان وأعطال الميجان
والميجان عملتلى عقدة فى حياتى........بس للأمانة..........كانت ركوبة محترمة.....وقعدتها وعزلها وكماليتها وفراملها........وشنطتها وأوبشنتها...........كانت بصراحة عربية من الآخر........بس للأسف......انا ما ينفعش أركب عربية أخاف أدورها لا ما تدورش............
واحد صاحبى كان معاه سيفك وباعها وجاب فلوانس.......وقاللى ركوبة زى الميجان.......فا الموضوع سخن فى دماغى تانى...........
فا أنا محتار وخايف من الأعطال بس...........
أهم حاجة مشاكل الحساسات والفيوزات ولمبة السيرفيس اللى كانت بتنور كل شوية......راحت الحاجات دى خلاص فى الفلوانس........ولا فى شكاوى؟؟؟
حاجة تانية بالنسبة للسيفك..........العربية ما شاء الله موتور جبار.......بس أنا مش بتاع جرى......فا حاسس ان العربية فيها ميزة أنا مش محتاجها............
لكن فى حاجات تانية كتير أنا محتاجها ومش موجودة فى السيفك
فا إيه رأيكم؟؟؟؟؟؟؟؟؟؟؟؟؟؟؟

**Mohamed_Nafie** · 17-05-2012 02:41 AM

بالنسبة للفلوينس وميجان 3... فـهم متغيرين تغير جذري عن الميجان 2 ... مبقاش فيها الأعطال بتاعت زمان ..

الموضوع: مقارنة بين السيفك الجيل الثامن والفلوانس

LinkBack

أدوات الموضوع

عرض

مقارنة بين السيفك الجيل الثامن والفلوانس - انشر الموضوع فى :

-

-

المواضيع المتشابهه

استفسار عن مسند اليد فى السيفك الجيل الثامن

استفسار بخصوص مقاس زيت السيفك الجيل الثامن

استفسار بخصوص مستوى الزيت فى السيفك الجيل الثامن

تعلية الهوندا الجيل الثامن

عزل السيفيك الجيل الثامن

الكلمات الدلالية لهذا الموضوع

المفضلات

المفضلات

ضوابط المشاركة