رحلة استجمام لمدة يوم واحد

**Ashraf_Ibrahim** · 17-05-2012 04:39 AM

ازيكم يا شباب
اخباركم ايه وعاملين ايه؟
في الحقيقة محتاج يوم اطلع اقضه برة داي يوز
اطلع فين من وجهة نظركم؟!
العين السخنة واللا الاسماعيلية واللا فايد واللا الفيوم واللا فين بالظبط؟!
وعاوز اعرف اسعار الشاليهات ايه بالتحديد؟!
ياريت اللي يعرف معلومة يديهالي على طول :D
معلش طولت عليكم

**mstool** · 17-05-2012 07:02 AM

حسب المقدرة ممكن تطلع من مارينا لحد الفيوم و فايد ارخص مكان يعنى اليوم فى الفيوم او فايد 100 او 150 بالكتير لو لاقيت شاليهات على البحر و كمان القرى بتختلف و الفنادق بتختلف جامد ممكن نفس الاسعار و ممكن اعلى و فى الفنادق بالنسبة للفرد مش للمكان او الشالية كلة زى برة الفندق
1- الساحل دلوقتى بيلعب فى 400 لحد 1000 و فية اكتر طبعا برة مارينا و مارينا اقل حاجة تبدا 600 لو لقيت حد ياجر يوم يعنى
السخنة اليوم فى بورتو للفرد كانوا عاملين عرض ب 250 معرفش لسة موجود ولا لا الطبيعى 350 400 بالوجبات بتاعت اليوم كلة اوبن بوفية (all inclusive)
فية كمان ستيلا و دة فاجر اوى بقى اعلى مستوى هناك فعلا معدى و اجانب و شغل شرم بزبط دة فى اليوم كنت عاوز اطلع مرة سمعت انة 500 من سنة الله اعلم دلوقتى كام
و فية قرية عادية اسمها ستيلا مش الفندق شاليهاتها كلها ترى البحر الشالية فى اليوم ب 300 دلوقتى على ما اظن عشان مش موسم لسة امتحانات

اسماعيلية الفندق الحلو اللى مستواة عالى يعنى 4 نجوم ب 200 فى اليوم للفرد الشقق مفيش ارخص منها افضل حاجة تشوف حاجة ناحية البلاجات و فية قرية 25 يناير هناك تحفة نضيفة على البحر مستوى عالى لانها بتاعة الشرطة اصلا بس ممكن مدنى عادى اسعار مفيدكش لانى بدخل مش مدنى

طبعا دة اللى اعرفة قلتة شوف اللى يناسبك و دور و اطلع كل الاماكن اللى قلت عليها فيها حاجات كتير بس دول اللى رحتهم و فية فى السخنة و اسماعيلية اماكن و فنادق تانية كتير تقدر تروحها بس انا معرفهاش اسماعيلية مش بحر على فكرة
و لو حضرتك بقى بتاع استجمام اوى و عايز تعمل دماغ فى مكان نضيف و بحر نضيف شد على راس سدر القرى هناك روقاااااااان بس اختار صح مثلا فية موسى كوست و الكبيرة بتاعة هناك la hacienda و ابعد عن النزهة بيتش عشان المستوى اللى بيروح مبوظ المكان

**mstool** · 17-05-2012 07:10 AM

قولى دماغك اية فى مسج عالخاص و انا اقولك شوفتة فين و ارد عليك ههههههه

**dolly13** · 17-05-2012 01:05 PM

تمنياتى لك باجازة سعيدة
وارشح لك السخنة لانها قريبة ومستواها معقول جدا عن فايد والاسماعلية والدول دى

**akmm** · 17-05-2012 03:07 PM

راس سدر === قريه موسى كوست ورحله سعيده إن شاء الله . :w_030:

**exact** · 17-05-2012 04:09 PM

يوم واحد بس... دانت على ما توصل فالزحمة دي يكون عدى يومين

**eng_maged** · 17-05-2012 04:14 PM

العين السخنه قريبه ساعه بالضبط من الدائري
لو هتروح ستيلا دي ماري الليله في غرفه مزدوجه هاف بورد من 700 الي 1000 كده
لو هتروح بورتو سخنه نفس النظام الليله من 600 الى 900

**Gelgel2004** · 17-05-2012 05:06 PM

المشاركة الأصلية كتبت بواسطة ashraf_ibrahim

ازيكم يا شباب
اخباركم ايه وعاملين ايه؟
في الحقيقة محتاج يوم اطلع اقضه برة داي يوز
اطلع فين من وجهة نظركم؟!
العين السخنة واللا الاسماعيلية واللا فايد واللا الفيوم واللا فين بالظبط؟!
وعاوز اعرف اسعار الشاليهات ايه بالتحديد؟!
ياريت اللي يعرف معلومة يديهالي على طول :d
معلش طولت عليكم

ازيك يا اشرف بك
اسمحلى ادلك على الاتى
1/ الاماكن اللى حضرتك ذكرتها متوسط الوصول ليها من 1.3 الى 2 ساعه
2/ القصد انه حضرتك مذكرتش منطقه راس سدر
3/ لو الموضوع عائلى و الالاسره كلها بتحب البحر و الراحه و الهدوء و عدم الزحمه
اسمحلى ادلك على فندق ممتاز براس سدر 4 نجوم اسعاره كويسه و خدمته ممتازه و الاهم مستوى و نظافه و ان شاء الله تتبسطوا هناك
لو المنطقه - راس سدر - فى تصورك ممكن ابعت ليك التفاصيل و اوعدك هنعمل الواجب الجامد و ان شاء الله هتتبسط
تحياتى
محمد عبد الجليل

الموضوع: رحلة استجمام لمدة يوم واحد

LinkBack

أدوات الموضوع

عرض

رحلة استجمام لمدة يوم واحد - انشر الموضوع فى :

-

-

-

-

المواضيع المتشابهه

بعد رحلة عذاب لمدة سنتين ,, انا بيعت الفيكترا :( ,, اجيب ايه ,, ساعدوني

الحق العرض : جى بى اس ب400 جنيه لمدة يوم واحد فقط

رحلة إلى الفضاء الخارجي لمدة دقيقتين...حد طـــالع

اضراب لمدة اسبوع واحد فقط , و شوفوا النتيجة

الكلمات الدلالية لهذا الموضوع

المفضلات

المفضلات

ضوابط المشاركة