الموضوع: سؤال عن البيكانتو عموما و المواصفات الخليجى خصوصا

انا لسه مستلم واحده بس من أسيوط ب 85500 جم لكن من أسيوط بس التاجر اللى جابهالى من مصر واخد 500 جم زياده
يعنى هيا ب85000 جم من عند مستورد اسمه الحرمين بمدينة نصر
اما المواصفات كالاتى
اوتوماتك
فرش جلد أحمر
تاره مألتى
بلوتوث
كاسيت أصلى
أبانوس أسود بالتابلوه
كرسى السائق يمكن ضبط ارتفاعه
تكييف و باور كهربا
جنوط 14 لونين
عتب
فوجات
سبويلر و مساحه خلفيه
أوكر نيكل
مرايات كهربا + ضم كهربا
4 ازاز كهربا
درج تخزين اسفل الكرسى اللى جنب السائق
وصلة أى بود
فتحة اه يو أكس
مخرج كهربا أضافى
يو اس بى

شكرا جزيلا على الايضاح و ربنا يباركلك فيها , بس أنا كنت عاوز أعرف المواصفات الخليجى دى بتتصين فى التوكيل عادى ؟ و ايه الفرق بينها و بين العربية اللى من التوكيل , مش قصدى فى الكماليات , أنا قصدى فى تعامل التوكيل معاها

طب معلش بقى :) , و ايه الميزة فى التوكيل ؟ و اعذروا لى جهلى فى الموضوع ده

ممكن حضرتك تروح تجبها من عند اي موزع بلضمان وهيكون عليها خصم 2000 جنية وهتستلم فوري
التوكيل هتستنا تقريبا شهرين وتستلم وانا شايف تجبها بضمان احسن ممكن لاقدر الله العربية يكون فيها مشكلة

بص يابرنس العربيات الفئه دة الافضل فى الاتساع والراحه ... سبارك الجديد وال اى 10 هيونداى . البيكانتو لو قعدت فيها ها تتخنق من الضيق لو تركب الاسبارك الجديد اوسع لك والسقف اعلى من فوق راسك .. انا انصح تركب الثلاثه فى معرض جامع للعربيات دة كلها علشان تميز وتشعر الفرق

شكرا يا جماعة على النصيحة , و ياترى إيه الموزعين اللى بضمان بقى ؟ :) :)

وبالنسبة ل raedegypt أنا فعلا ركبت التلاتة فى أوتوماك , و السبارك هى أضيق واحدة رغم ان شكلها عاجبنى أكتر , و على فكرة البيكانتو و الآى 10 نفس الشاسية و لذلك هما أوسع شوية من السبارك و عموما الآى 10 هى أوسع شنطة فى التلاتة و أوسع عربية فى التلاتة
لكن بعد مقارنة الموتور مع الشكل مع الكماليات اللى تحصل عليها مقابل الفلوس لقيت ان البيكانتو افضل واحدة فى التلاتة , وربنا يسهل و اشوف هجيبها منين