الموضوع: محتاج مساعده ضروري في تغيير موتور العربيه والترخيص والبنك

السلام عليكم :دلوقتي انا يجماعه مش عارف اعمل ايه واروح فين وايه اللي ابدء بيه الاول :
المشكله دلوقتي انا معايه فيرنا 2008 تمام دلوقتي العربيه دي باقي ليها سنه على القسط والعربيه جابت موتور خلاص والتوكيل كمان قرر انها جابت موتور بس التكلف حتبقى داخله في حوالي 20000
دلوقتي انا لو طلعتها من التوكيل وقمت باصلحها بره ايه اللي المفروض اعملو هيه حتغير البلوكه بالوش تمام انا المفروض دلوقتي لسه مجدد رخصه العربيه يوم 8 الشهرده ودفعت التامين الشامل وكل حاجه بالنسبه للفحص فهو عندي شهر 5 سنه 2014 دلوقتي انا المفروض لو حغير البلوكه وكده المفروض باخد معاها الافراج الجمركي بس ولا باخد فاتوره معاه وبعدين اتجه بيهم على البنك ولا المرور ولا التامين انا اصلي اول مره اتعرض لحاجه زي دي فمعرفش حاجه خالص المهم انا دلوقتي عاوز اعرف بس ازاي اثبت رقم الموتور اللي حيركب وبعدين كلو قالي الموتور كمان مش مدي كبس خااااااااااالص يعني حتى الموتور مش نافع يتصلح والمفروض ارد على التوكيل علشان لو يغير ولا لا بس انا كمان شايف ان التكلفه عاليه جدا فارجو الافاده علشان كمان في حالة اني لو حصلح خارج التوكيل اعمل ايه وشكرا

الف شكر على مجهود حضرتك انا بالفعل نزلت النهارده مرور فيصل ده اللي انا تابع ليه وسالت هناك قالي انت حتجيب الافراج و الفاتوره بالختم وحتجيب ورقة فحص وتيجي تثبت الرقم وقالي حيديني جواب بس محددش ليه هوه عباره عن ايه اصلو كان بيتكلم بالعافيه شويه المهم روحت اشتريت من الخزنه ورقة فحص فني خلصت المرور وطلعت على البنك سالت البنك قالولي لالالا عادي جدا غير الموتور واثبت الرقم الجديد على الرخصه بس وحتجيب الرخصه علشان نغير رقم الموتور على السيستيم بس علشان لما اجي اخد مخالصه لان القسط والحمد لله حيخلص شهر 5 الجاي وقالتلي ممكن تيجي تثبت الرقم قبل التجديد الجاي بس حضرتك دلوقتي عندي سؤال انا دلوقتي حطلع العربيه من التوكيل بكره وحطلع على الحرفيين علشان حقوم بتصليح العربيه هناك علشان في واحد حيجيب الماتور وحيبقى هوه اللي مسئول عنه لو جري حاجه بس انا دلوقتي معنديش فكره عن حوار الافرج الجمركي انو بيبقى تابع لمرور معين او ان البايع بيعتو المرور انا محدش الي كده خالص حتى الامين بتاع الشباك كل اللي قالو هتلي الافراج والفاتوره مختومين بس