الموضوع: استشاره من مهندسين الكهربا في المنتدي

المشاركة الأصلية كتبت بواسطة beckeryahia

انا كنت شفت جهاز بيركب علي ولاعة العربية بيطلع 220 فولت , السؤال دلوقتي , ينفع اطلع من دينامو العربية 220 فولت و2000 وات , علي اساس اقدر اشغل جهاز عندي في العياده بياخد 1500 وات لما النور بيقطع, ولا لازم اغير الدينامو ولا اركب دينامو جديد جنب القديم علي اساس اتة بيشتغل علي نظام كلتش زي بتاع التكييف والدينامو الجديد دا موجود فعلا بيولد 4 كيلو وات ومش غالي.
العربية فيات 127 وفي مكان لتركيب الدينامو الاضافي

.....
الجهاز المتاح بالسوق لتوصيله بالولاعة قدرته لا تتعدى 200 وات..
دينامو العربية 14 فولت وفي حدود 10 امبير جهد مستمر يعنى في حدود 140 وات لكن البطارية هاتعوض لو احتجت باور اكبر لوقت صغير وللحصول علي جهد مترد 220 فولت بيركب انفرتر لتحويل الجهد المستمر الي جهد متردد ثم توصل الي محول رفع (وديه وحدة متكاملة بتتباع جاهزة في النخيلي بباب اللوق بتتحدد بالوات اللي انت عايزه)
بانسبة لدينمو اخر 4 كيلو وات ديه مش مصداقها لانه حجمه هايكون كبير وتياره كبير جدا عند 12 فولت الا اذا كان جهدة اكبر من 12 فولت ,, شوف امبيره كام واضربه في الفولت للتاكد من قدرته بالوات
انا ليا استفسار هو انت لما النور هايقطع عايز تاخد واصلة من العربية لتشغيل الجهاز بالعيادة ؟؟ لو كده يبقي الافضل لك تجيب مولد بنزين 2 كيلوات 220 فولت صينى او هوندا حسب الامكانيات سعره مش غالي ويكون مستقل بالعيادة بمكان مفتوح بدلا من التوصيلات وخلافه وهتلاقي التكلفه قريبه لما تجيب دينمو و انفرتر ومحول رفع بالمقارنه للمولد
تقبل تحياتى واي استفسار انا جاهز

تصحيح بسيط
تيار دينمو السيارة من 50 الي 70 امبير حسب نوع السيارة بقدرة تقريبية 800 وات..

المشاركة الأصلية كتبت بواسطة yoko

جيب مولد ديزل أو بنزين منفصل أحسن بكتير من الفكره دي ودينمو العربيه عمره ما هيقوم 2 كيلووات ولو دينمو تيار متردد في العربيه يبقى مولد أحسن لإن المولدات دي لازم يكون سرعة الموتور ثابته عشان ميغيرش التردد ويدمر الجهاز

في حالة احمال صغيرة يفضل مولد بنزين لان الديزل اقل مولد بيكون 20 ك ف أ وسعره عالي
البنزين من 2 الي 18.5 ك ف أ وسعره معقول
وبالنسبة للدينمو اللي بيركب علي العربية بيكون تيار مستمر