تجربة مع wd40

**i_samy** · 24-05-2012 08:49 AM

منذ شهر كنت أقوم بعمل تزييت للباب إللى ورا
ولكن أثناء ضغطى لزرار الأوتومايزر كان ناشف شوية إلا أن إنتلقت كمية بسيطة على سقف السيارة
ولم أمسحها وظلت هناك لمدة 3 أسابيع

كل أجزاء السيارة إتسخت كثيرا فى الفترة الأخيرة من عوامل الجو حيث أننى أسكن فى 6 أكتوبر والتراب بالكوم

الملاحظ إن السيارة فى كل مرة أغسل فيها السيارة تكون نظيفة لمدة 7 ساعات ثم لا تلبث أن يتكوم عليها التراب مرة أخرى خصوصا إنها سودا وبيبان جدا فيها التراب ..... ولكن مازال ذلك المكان المرشوش ب wd40 يبرق تمام بدون ذرة تراب .... فهل من تفسير ؟

حيث قال أحد معارفى ممن يعملون فى دهان السيارات أن له نفس خاصية الجاز .... وأن بعض معارض السيارات تستخدمه لمسح السيارة بالكامل أثناء المؤتمرات والمعارض الكبيرة لزيادة بريق ولمعان دهان السيارة ولمدة طويلة

فهل الكلام ده صحيح ولا فشر

**exact** · 24-05-2012 02:49 PM

لا أخفيك سرا انا مزفر فوطة العربية بيه
باديها رشة حلوة مرة ومرة كنت بارشه بشكل مباشر عالازاز بعد اما المعه وارجع امسحة تاني كويس جدا مكنش بيخللي نقطة مية تقف عالعربية

بخصوص التراب بدون مبالغة بامسح العربية قبل ما اغطيها وطبعا عالصبح كان بيبقى عليها تراب كتير.... مجرد اما اطلع عالطريق او سرعتي تعلى تلاقي التراب ده كله طار لوحده

**ghostmido** · 24-05-2012 03:04 PM

معلوماتى عن WD40 انه light oil.

**atala** · 24-05-2012 03:04 PM

معلومة جميلة جدا ومفيدة شكرا لكم

**abokoko** · 24-05-2012 04:13 PM

هل له تاثير على اللون على المدى البعيد ؟؟؟؟؟؟؟؟؟؟؟؟؟؟؟؟

السؤال ال2
انا باستخدمه لمروحة الكمبيوتر
البروسيسر + مروحة الكيسة
والمروحة صوتها بيهدى وبتسرع
لكن انا غيرت مروحة الكيسة وكان البلاستيك بتاعها شبه منتهى
مجرد لمسة وتلاقيه بيتفكك من بعضه

هل له تاثير على البلاستيك ؟؟؟؟؟؟؟؟؟؟؟؟؟؟؟؟