الموضوع: سبارك 2012 - صدأ خفيف - rpm عالي عند الضغط على الدبرياج

نفس المشكلة في الافيو ودة عيب تصنيع روح التوكيل وهما حيحلو المشكلة

جزاك الله خيراً، إن شاء الله أول ما أروح للتوكيل هكتب عن إيه اللي حصل هناك.

نفس العيب فى الافيو وربنا معاك

عادى مفيهاش حاجه

السلام عليكم


كل عام وأنتم بخير. متأسف جداً على الرد المتأخر. بالنسبة لل rpm فطلعت مشكلة في طريقة سواقتي.
كنت بتأخر في رفع القدم عن دواسة البنزين أثناء الضغط على الدبرياج (موروث من سواقة ال 128 لأن غير كده العربية كانت بتبطأ أثناء نقل الغيار).
في الشغل واحد ربنا يكرمه جرب العربية (عنده زيها) وأكد لي انها كويسة.
وبعد ما ابتديت آخد على الموضوع وصححت طريقة نقل الغيار، ظهر بوش في دواسة البنزين (ال rpm مش بيعلى إلا بعد ما أعدي اتنين سنتيمتر في الدواسة) ومتأكد إنه مكنش موجود قبل كده. رحت مركز توكيل، قبل ما أدخل على الورشة، شافها واحد من اللي بيسألوا عن البيانات، وأكد لي إن كل الشيفرولية فيها البوش ده.


سألت اتنين بعد كده واحد عنده افيو وواحد عنده لانوس، الأول أكد لي موضوع البوش والتاني نفاه. عموماً وجود البوش ده قضي تماماً على مشكلة زيادة ال rpm لأن حتى لو كانت القدم لسه موجودة بسيط على دواسة البنزين فملهاش أي تأثير.


بالنسبة للصدأ، زاد عند مسمار من الاتنين، بس يبدو إنه وقف عن الزيادة، ومجربتش اشيله.


وأخيراً كنت كتبت في موضوع تاني عن صوت تكتكة خفيف فالحمد لله الصوت طبيعي وسمعته في عربية سبارك تانية.